Uuttuut aamma atuaaneq

Uuttuutit aamma atuaaneq pillugit apeqqutitit ataani akissutissarsikkit. 

Måler og aflæsning 2

Nukissiorfiit uuttuutinik ungasianit atuarneqarsinnaasunik katillugit 43.000-inik Kalaallit Nunaanni atuisuni peqarpoq.

 

 

Uuttuutigisakka qaqugu atuarneqartarpat?

Atuinerit assersuutigalugu januaarimi (1. januaari – 31. januaari) atuarneqartarpoq februaarip aallartinnerani. Akiligassaq sap. akunnerata ataatsip ingerlanerani naammassineqartarpoq, tamatuma kingorna allakkatigut nassiunneqartarpoq februaarillu naalernerani akiligassaq illit tigussavat. Taamaattumik januaarimi atuinermut akiligassaq marsip aallartinnerani akilerneqartussaasarpoq.

Ungasianit atuaasarneq sunaava?

Nunarsuarmi nunanit siullersaalluni Kalaallit Nunaat innaallagissamik, imermik aamma kiassaanermik atuisuni tamani 2012-imi ungasianit atuaasinnaalerpoq. Ungasianit atuaasarnikkut illit atuinerni paasissutissat ingerlaannartumik aasarpai internet aqqutigalugu. Uuttuutip illit atuininnut paasissutissat ullut tamaasa Nukissiorfinnut nassiuttarpai, taamaalillutit ukiumut atuinermik atuaasarnissat ilinnut pisariaaruppoq.

Sooq marlunnik innaallagissamut uuttuuteqarpunga?

Innaallagissamut marlunnik uuttuuteqaruit patsisaalluarsinnaavoq nalinginnaasumik innaallagissamik atuinermut aamma innaallagissamik kiassaanermut uuttuuteqartutit. Nalorniguit tamatigut nangaassuteqarnak sullittakkanik sullissivimmut saaffiginnissinnaavutit.