Tulleriiaaralutit imatut iliussaatit

Inigisami init ilaannaanni taamaallaat innaallagiaaruppat, taava imaaliortoqassaaq:sikringer

Sikringit:

  • Sikringit nuuanni “sapangaasannguaqarpoq”. Taanna katassimappat/qasungappat taava sikringi aserorsimassaaq
  • Taamaappat taava ataatsikkut qamitsisaatikkut qamitsigit, tulliullugu inini innaallagiaqanngitsuni qamittaatit kappuffiillu tamaasa qaminneqassapput
  • Taava ataatsikkut qamitsisaatikkut sikringi taarseruk ikillugulu
  • Taava tulliullugu inimi ikittaatit ataasiakkaarlugit ikinneqassapput. Ikittaatip ikinnerani sikringi aserorpat, taava sikringip aserorneranut innaallagiallu qaminneranut ajoqutaasoq paasissavat. Soorlu assersuutigalugu qulleq ajortuusimassaaq imaluunniit atortorissaarutit arlaat ajoquteqarsimassalluni.

Automatsikringit:

  • Inini innaallagiaqanngitsuni qamittaatit tamarmik qaminneqassapput
  • Automatsikringi ikiguk
  • Tulliullugu taava inini ikittaatit ataasiakkaarlugit ikinneqassapput. Ikittaatip ikinnerani sikringi aserorpat, taava sikringip aserorneranut innaallagiallu qaminneranut ajoqutaasoq paasissavat. Soorlu assersuutigalugu qulleq ajortuusimassaaq imaluunniit atortorissaarutit arlaat ajoquteqarsimassalluni.

Illumi tamarmi innaallagiaqanngippat taava makku misissorneqassapput:

  • Gruppetavlemi HFI/HPFI-mik qamittaateqarpoq. Taanna qaminneqarsinnaavoq HFI/HPFI-mik sikringia aserornagu
  • Qamittaat qaminneqarsimappat taava ikeqqiguk
  • Ikkussinnaanngippat taava innaallagissap katersuuffiani qamittaatit tamaasa qamikkit
  • Taamaalioreeruit HFI/HPFI qamittaataat ikkuguk qamittaatillu tamaasa tulleriaarlugit ikittarlugit
  • HFI/HPFI qamippat taava qamittaateqarfik ajoquteqarfiusoq nassaarisimassavat
  • Tamatuma kingorna immikkoortoq 2-mi tulleriaarinerit malikkit
  • Sumi ajortoqarnera paasisinnaanngikkukku tassa qamittoortarnermut pissutaasoq taava elinstallørimut attaveqassaatit.

Qupperneq una anillatsigut innaallagissallu katersuuffiata /sikringeqarfiup eqqaanut nivinngarlugu. Taava taanna tigoriaannaassavat qamittornermik ajornartorsiuteqalissagaluaruit.