Ungasianiit atuaasarneq

Nukissiuutinik uuttuutit ungasianiit radiukkut atuarneqartartut
Piffissaq: 2007-2012
Missingersuutit:
Suleqatigisaq: Kamstrup (DK)

Nunarsuarmi siullersaalluni Kalaallit Nunaat innaallagissamik, imermik aamma kiassarnermik atuisunut tamanut ungasianiit atuaasartumik peqalerpoq

Innaallagissamik uuttuutit 43.000-iusut amerlanerpaartaat innaallagissamit pisuupput, Nukissiorfinnit sullinneqartut amerlanerpaartaat inissiani ataatsimut imermik aamma kiassarnermik uuttuuteqartuummata.

Innaallagissamut uuttuutit netværkimi 200-300-nut amerlassusilinnut katiterneqarput, tassanngaanniit ataatsimoortillugit qitiusumut ingerlateqqinneqarlutik stationimut katersuivimmut, tassanngaanniit mobilit aqqutaat aqqutigalugu paasissutissat Nukissiorfinnut ingerlateqqinneqartarlutik. Ledningertaqanngitsumik attaveqarnerup ilaatigut qulakkeerpaa sumiiffinni innaallagissap aqqutai apeqqutaatinnagit innaallagissamut uuttuutit ataasiakkaat toqqaannartumik attaveqarfiginerat qulakkeerneqarmat. Taamaattumik radiokkut attaveqarneq innaallagissap aqqutaani atuinermit aamma qamittoortarnernit akornusersorneqanngilaq.

Ungasianiit uuttuuteqarnermi Nukissiorfinnit sullinneqartut periarfissaqarput atuinerminnik qanimut malinnaanissaannut, tamatumuunakkut innuttaasunik nukissiuutinik ilisimasaqarnissaannut annertusaataasumik aamma taamaaliornikkut avatangiisinut iluaqutaasumik nukissiuutinik sipaarniarnermik periuseqarnissaannut kajunginnerulersitsisumik.

Illit nammineq atuinerit malinnaavigiuk” aamma ”Nukissamik sipaaruteqarit” pillugit annertunerusumik atuarit.