Innaallagissamik kiassarneq sunaava?

Innaallagissamik kiassaaneq innaallagiaq atorlugu kiassaariaatsimut ataatsimoortumik taaguutaavoq. Innaallagissamik kiassaaneq taamaallaat Nuummi, Sisimiuni, Ilulissani, Qaqortumi aamma Narsami atorneqarpoq, taakkunani innaallagissiorfinnik kiassaateqarfiutigisunik innaallagissamik pilersuisoqarmat.

Innaallagissamik kiassaaneq qanoq suliarisarparput aamma qanoq apuuttarparput?

Illuni aalajangersimasumik innaallagissamoortunik kiassagaasuni innaallagissamoortunik kiassaateqanngikkuni, taava eletrokedeleqartarpoq imermik uunnaavimmik kiassaatinut nalinginnaasunut atassusikkamik, aammattaaq imermut uunnaaveqarpoq innaallagissamoortumik imermik illup atorneqartussamik uunnaataasumik.

Illut ilaanni innaallagissamoortumik qaminneqarsinnaasumik kiassaateqarpoq. Tamakkunani nalinginnaaneruvoq elektrokedelimik kiassaateqarfinnut/innaallagissiorfinnut kiassaateqarfiutigisunut pioreersunut ikkussisoqarsimanera kiisalu kissarsuutit sillimmatitut atorneqarlutik.

Elektrokedelit atorneqarsinnaassapput imermit nukissiorfimmit innaallagiaq pineqarsinnaatillugu. Innaallagissamik atuinerup nalinginnaasup annertusiartornera malillugu, taava elektrokedelit attaveerutsinneqarsinnaapput kissarsuutillu uuliatortut kiassaanermik pilersuisutut atoqqinneqalerlutik.

Kiassaanermik qanoq annertutigisumik tunisaqartarpugut?
Ukiut tamaasa kiassaaneq 190 millioner kWh (kilowatt-timer) tunisarparput. Tunisassioriaatsit sisamat; kiassaaneq kissarsuutit uuliatortut atorlugit, innaallagissamik tunisassiornermit kiammik sinneruttumik, eqqakkanik ikuallaavinni kissamik atorneqanngitsumik, kiassaanermik elektrokedelinit aamma innaallagissamik kiassaanermi tunisassiarineqartumit, taakku katillugit tunisassiarineqartoq tamarmik assigiingajammik agguataarpaat. Kommuneqarfiit eqqakkanut ikuallaaviineersoq kiassaaneq 2007-imi 24,4 millionit kWh-it missaanniippoq.

Inoqutigiit kiassaanermik qanoq annertutigisumik atuisarpat?
Inoqutigiit tamakkinngivillugit kiassaanermik uagutsinnit pisisarput, taamaammat innuttaasut tamaasa eqqarsaatigalugit agguaqatigiissitsinermik kisitsisaateqanngilagut. Taamaattorli ataatsimut isigalugu oqartoqarsinnaavoq inoqutigiit ataatsit innaallagissamik atuinermut naleqqiullugu kiassaanermut annertunerujussuarmik atuinerusartut. Silaannaap nillernera tamatumunnga pissutaavoq.

Illut qanoq sananeqarsimanerat aamma inuit illutik qanoq kiassaateqartinneraat annertuumik assigiinngissuteqarmata aammattaaq qanoq kiassaanermik naleqqussaasarnerat pissutigalugit, oqaatigiuminaatsorujussuuvoq illup aalajangersimasumik m2-nik angissusillip ukiumut qanoq annertutigisumik atuisarnera qanoq akeqarnersoq.

Kiassaaneq qanoq akeqarpa?

Kiassaaneq meqawatt-timemut, MWh, 550-620 koruunit akornanni akeqarpoq, apeqqutaalluni kiassaaneq sorleq atorneqarnersoq.

Kiassaanermut akigitinneqartut pillugit annertunerusumik atuarsinnaavutit uani