Uummannami sumiiffimmi imeq imerneqarsinnaalerpoq

Uummannami sumiiffimmi imeq imerneqarsinnaalerpoq
Innuttaasut suli amerlanerit maanna imermik namminneq kuutsitsivimminnit kuutsitsisinnaalerput. Siullermik pineqarpoq sumiiffik nunap assingani qorsummik nalunaaqqasoq, tassani erngup aqqutaa atorneqarsinnaalersinneqarluni.

Nakkutilliisutut oqartussaasut Nukissiorfinnut ullormi novembarip ulluisa 8-anni imatut nalunaaruteqarput:
– Sumiiffimmi B-mi (nunap assingani qorsuusumi) erngup aqqutaanit erngup imerlugu atorneqarnera peqqissutsimut nalorninartoqarunnaartutut nalilerneqarmat tassani sumiiffimmi erngup aqqutaani sumiiffittut B-tut (nunap assingani qorsuusumi) taaneqartartumi siornatigut atorneqarsinnaaneranut killilersuinerit ingerlaannartumik atorunnaarsinneqarput.

                                                                 

Innuttaasut namminneq imermut tankiutillit oktobarimili namminneq tankiutiminnit imeq atorsinnaasimavaat. Kisianni ullumikkumiit imeq sumiiffimmi qorsuusumi aammattaaq imerneqarsinnaasutut atorneqarsinnaalersinneqarluni.

– Nuannaarutigaara Uummannami illoqarfiup ilaani imeq imerneqarsinnaasutut atorneqarsinnaalersinneqarmat. Tamatuma kingunerissavaa innuttaasunut suli amerlanerusunut ajornannginnerusumik atugaqalersitsineq, tassa nalinginnaasumik imermik pilersorneqaqqilerput, soorunami illoqarfiup sinneranut suliarput ingerlatiinnassavarput. Tassa Uummannami innuttaasut tamarmik nalinginnaasumik atugaqalersinneqaqqinnissaat, Kenneth Nyland, Nukissiorfinni tekniskimut pisortaq, oqarpoq.

Taamaattorli suli illoqarfiup ilaani erngup aqqutai imermut imerneqarsinnaasumut

atorneqarnissaat akuersissutigineqanngilaq. Taakku sumiiffiit nunap assingani sungaartumik nalunaarsorneqarput. Tassani imeq atisanik errorsinermut, uffarnermut, eqqiaanermut atorneqarsinnaavoq, kisianni suli imerneqarsinnaasutut atorneqarsinnaanngilaq. Nukissiorfiit taakkunani sumiiffinni erngup imerneqarsinnaalersinnissaanut sulinertik nangippaat.

Innuttaasut suli annertunerusunik paasissutissanik pisariaqartitsisut nangaassuteqaratik Uummannami Nukissiorfinnut saaffiginnissinnaapput.