Uummannami siuariartoqaqqippoq

Uummannami imermik pilersuinerup pilerseqqinneqarnissaanut sulineq illorraaq tungaanut ingerlaqqipoq

Nakkutilliisutut oqartussaasut maannakkorpiaq nalunaarutigaat:

” Pinngortitamut Avatangiisinullu Naalakkersuisoqarfiup Nunatsinni Nakorsaaneq suleqatigalugu 11. oktobari 2019 aalajangerput Uummannami imermik atuisinnaanermut killersuineq erngup aqqutaasa ilaannut allanngortinniarlugu imatut, tassa tamaani imeq uffarnermut, atisanik errorsinermut, erruinermut aamma eqqiaanermut atorneqarsinnaalersillugu. Imeq erngup aqqutaanit pisoq suli imertut imerneqartussatut atoqquneqanngilaq.

Sumiiffiit erngup uffarnermut, atisanik errorsinermut, erruinermut aamma eqqiaanermut atuisinnaasunngortinneqartut nunap assingani matuma ataaniittumi tungujormik nalunaaqutserneqarsimasumiipput. Erseqqissaatigineqassaaq atuisinnaanermut killilersuinermik allanngortitsineq taamaallaat illunut imermik maqittakkamik atuisunut atuummat.

Sumiiffinni allani imeq taamaallaat anartarfimmik kuutsitsinermut aamma assannik errornermut atoqqusaavoq.

Imermi suli uuliaqalaarsinnaavoq kisianni Nunatsinni Nakorsaaneqarfiup nalilerpaa:

Illuni imermik maqinneqartartumik imeqartuni sumiiffimmilu tungujortumik nalunaaqutserneqarsimasumi imeq atorneqarsinnaasoq. Tamaani imeq makkununnga atorneqarsinnaavoq uffarnermut, assaat errortornerannut, atisanik errorsinermut, erruinermut, anartarfimmik kuutsitsinermut aamma eqqiaanermut.

 

Tamanna imatut paasineqassaaq sumiiffinni nalunaarneqarsimasuni najugaqartut:

 

Pingaaruteqarpoq erseqqissassallugu imeq suli imerneqartussatut akuerineqanngimmat.

Nalorniguit Uummannami allaffitsinnut saaffiginnissinnaavutit.

Nukissiorfiit suli Uummannami nalinginnaasumik imermik pilersuilernissaq sulissutiginera ingerlappaat. Nakkutilliisutut oqartussaasut sumiiffinni imermik atuisinnaanermik nalunaaruteqarniariarpata, tamanna Nukissiorfiit avammut ingerlateqqissavaat.