Ukiut 25-t 30-nngorput

Nuannaarneq qujamasunnerlu annikinnerulinngillat naak nalliuttorsiuutigineqarneq ukinik tallimanik kingusinaaraluartoq 

Ullumi Qaqortumi Nukissiorfiit sulisup aalajaatsup nuannerineqartullu ukiuni 25-ni sulisimasup nalliuttorsiuutigineqarneranut qitiupput.
Sulisup Igalikumi nunaqarfimmi nakkutilliisutut atorfeqartup diplomini tiguaa pisarnermisut qungujulalluni nuannaarlunilu.
– Vittus Egede nunaqarfimmi nakkutilliisuuvoq nuannarineqarluartoq uagullu nuannareqaarput. Tamannalumi ingammik takutippaa Igalikumi atortunik assigiinngitsunik ataatsimoortitsilluni nukissiornermik pilersitsisoqarneranut atatillugu. Uagut siullersaalluta ajuusaarutigissavarput taamatut kingusitsigisumik nalliuttorsiutigineqarnera, kisianni kingusinaarneq susoqannginneraniit ajunnginneruvoq, Kujallermi Nunap Immikkoortuani pisortaq Lars Hoffmeyer, oqarpoq.

 Nalliuttorsiortoq massakkut Nukissiorfinni ukiuni 30-ni sulisimavoq, tassalu ukiut 25-inngortorsiorlugit ulloq decembarip pingajuat 2013, angusimareeraluarlugit

Asseq:
Ullumikkut Vittus Egede, Igaliku, ukiut 25-inngorlugit pisortat suliffeqarfianni sulisimanerani nalliuttorsiutigineqarpoq.