Ukiuni 40-ni pisortani sulisoq

Isak Hansen, Qeqertarsuaq, ukiut 40-t sinnerlugit pisortani atorfeqarpoq.

Qanga GTO-qarallarmat 1980-imi ullormi juunip aqqarnanni atorfinitsinneqarpoq, tamatumalu kingornatigut GTO-p allanngortinneqarnerani peqataalluni maanna Nukissiorfiulersumi. Maannakkut innaallagissiorfimmi formanditut atorfeqarpoq.

Isak Hansen ukiorpassuarni atorfeqarnermini GTO-mit Nukissiorfinnut allanngortinneqarneranut aaqqissuussaanermi aamma inuiaqatigiinnit piumasaqaataasut,  atugassarititaasut killiliussallu tulluarsarfigalugit sulivoq. Aammattaaq Iisaap suliaminut tulluartut ilinniartitaanerit aamma pikkorissarnerit nammineerluni qinnuteqarfigisarlugillu naammassillugit ingerlattarpai.

Tallimanngornermi septembarip ulluisa aqqarnanni Isak Hansen pillugu Disko Island Hotelimi ilasseqatigiittoqarpoq. Tassani ataqqinartorsuup Dronningip nersornaasiuttagaanik sølvimik nersornaaserneqarpoq.
Nukissiorfiit nalliuttorsiortoq aamma nersornaasigaaneranik pilluaqqungaarpaat.