TELE-POST aammalu Nukissiorfiit qanimut suleqatigiipput

Suliffeqarfiit Namminersorlutik Oqartussanit pigineqartut marluk qanimut sivisuumillu suleqatigiinnerisa, TELE-POST-ip Narsami Narsarsuarmilu sullitaasa internetip piginnaasaanik siunissamut qulakkeerinnissuppai.

Qaqortup Narsallu akornanni Nukissiorfiit innaallagissamut sakkortuumut kabeliinik fiberimik TELE-POST-ip poortuisinnaanngornera, suleqatigiinnerup maanna ajornarunnaarsippaa. TELE-POST-ip taamaalilluni Narsami piginnaasamik siunissami peqartoqarnissaa qulakkeerpaa, sakkortusaavinnut maannakkut atorneqartunut killilimmillu piginnaasalinnut sanilliulluni fiberi atorneqaruni sukkaneroqimmat. Fiberip Narsarsuarmut aammalu Nanortalimmut piginnaasamik aammattaaq pitsanngortitsissaaq, tassami sakkortusaavimmi piginnaasaq siornatigut Narsamit atorneqartoq illoqarfiit taakku marluk maanna atorsinnaalissammassuk. Soorlumi aamma suleqatigiinneq Nanortalimmi sullitatta iluaqutigissagaat, uanimi eqqartorneqarpoq Qaqortup Simiutallu akornanni piginnaasamik ataatsimoorussineq.

 

– TELE-POST-imik suleqateqarnermi pitsaasumik oqimaaqatigiissitsisoqarpoq, isumaqatigiissummi manna iluatsissinnaanngorpoq sulinermi tatiginninneq annertooq piummat. Innaallagialersugaanitta TELE-POST-imut atorsinnaatinnera Kalaallit Nunaannilu innallagialersugaanerup inuiaqatigiinnut iluaqutaasumik atorneqarnera, Nukissiorfinniit nuannaarutigaarput, Nukissiorfinni teknikkimut pisortaq Kenneth Nyland oqarpoq.

 

TELE-POST-imi Teknikkimut IT-mullu pisortaq Jonas Hasselriis suleqatigiinneq pillugu ima oqarpoq:
– Inuiaqatigiinnut iluaqutaasussamik attaveqaatiminnik atuisinnaatimmatigut Nukissiorfiit suleqatiginerannut qujavugut. Qaqortumiit Narsamut innaallagissamut sakkortuumut ledningitigut attavilernernissaa fiberkabelimik nermussuussiviginissaanut maanna sanaartornissaq piareersarparput.

 

TELE-POST aammalu Nukissiorfiit sullitanut iluaqutaasussamik siunissami aammattaaq suleqatigiissamaarput.Suliassaq entreprenørinit pilersitsisartuniillu kalaallinit AK Montagemit suliarineqassaaq. Suleqatigiinnut ilaatigut ilaavoq Kujataani suliaqarfissami alliartorsimasoq Ivik Kleist.

 

Attavigineqarsinnaasutut siunnersuutit:

TELE-POST-imi Attaveqaqatigiinnermut pisortaq Julie Rademacher   263535

Nukissiorfinni aqutsisut allattoqarfianni pisortaq Sune Tougaard 349589

AK Montage-mi Ivik Kleist attavigineqarsinnaavoq uunga mobil: +299 286699