Nuummi immiisarfiit nutaat

Misissorluartartup malugisimassavaa Nuummi pilertortumik immiisarfiit nutaat marluk napparneqarsimasut.

Pilertortumik immiisarfiit napparneqarsimasut uaniipput Brugseni Nuussuaq (Nathaliakup eqqaani) aamma Qinngutsinni Brugsenip eqqaani biilit unittarfianni.
Pilertortumik immiisarfiup ataatsip GrønlandsBANKEN-ip eqqaani napparneqarnissaa suli amigaataavoq, naatsorsuutigineqarporli 2021-imi upernaakkut piareernissaa.

Tassa imaappoq inuit inaallagissamik ingerlassuteqartumik aamma hybridinik biilillit 2021-imi kvartalimi siullermi aamma aappaani biiliminnik immiinissaminnut periarfissaat amerlissapput. Immiisarfinnik suli amerlanernik nappaasoqassaaq aamma tamatuma kingunerisaanik akiliisarnermut aaqqiissutissamik atuutilersitsisoqassaaq. Tamanna pillugu kingusinnerusukkut paasissutissiisoqassaaq.