Nutaamik ilusilersuinerup ajutooqqinnissaq pinngitsoortissavaa

Sisimiuni misilittaalluni anorisaatit marluusut ukiup matuma aallartilaarnerani aappaaniittoq suluusap aappaa katattoorpoq. Sukumiisumik misissuinermi taamatut pisoqaqqinnissaa pinngitsoortinneqassaaq.

Ajutoorneq misissuiffigineqarpoq arlaannaannulluunniit attuumassuteqanngitsumit Force Technologymit, taassumalu ajutoornerup misissuiffigineqarnera innersuussutitalinnik inaarutaasumik nalunaarusiorfigalugu.

Force Technologyp innersuussutigai sananeqarnerani pitsanngorsaatissat inernilerlugulu anorisaatit misileraanermi atorneqartut aappaat nalinginnaasunik kikiassuit boltit atorlugit ikkussorneqarsimasoq. Taakku naleqqutinngitsut paasineqarpoq nalinginnaasuusut boltit katariataarsinnaammata, nalinginnaasuusut boltit atuussinnaanerat assigiinngiiaartuusarmat. Tamannalumi pissutaarpiarluni anorisaatip aappaata suluusamik aappaat katappaa.

Siunissami taamaallaat innersuussutigineqartut boltit eqquissumik ikkunneqarsinnaasut kisimik atorneqartassapput. Aammattaaq qajannaarlugit qanoq ikkussorneqarnissaannut sananeqarnerat pitsaanerulersinneqarluarpoq.

Nukissiorfiit taamaammat naatsorsuutigaat anorisaat ajortittoq aggustip aallaqqaataata missaani ingerlaleqqissinnaassasoq, suluusat nutaat taakkulu atortui tikeriarpata, anorisaallu ikkussorneqarnissaminut piareersarneqareerpat.

Anorisaat tamatuma kingornatigut Nukissiorfiit Kalaallit Nunaanni anorisaatit pillugit datanik katersuinerannut ilannguteqqilissaaq.

Una linki aqqutigalugu anorisaatit misileraatissat marluk ikkussorneqarnerat takusinnaavat, taanna Sisimiut TV suleqatigalugu suliarineqarpoq.

 

Link til Vindmøllevideo 375MB i mov-format