Naalakkersuisoq Utoqqarmiut Kangerluarsunnguannut takusaasoq

Naalakkersuisoq Jess Svane kissaateqarsimavoq Nunatsinni imermit nukissiorfiit annersaannik takusaanissaminut

Marlunngorneq ulloq 30. juuli kissaatigineqartoq naammassineqarpoq. Naalakkersuisoqarfimmi atorfilittat arlallit peqatigalugit Naalakkersuisoq Jess Svane sukumiisumik aamma pissanganartumik ingerlatsinermi aqutsisumit Jens Bjergemit takornariartinneqarput, Jensi imermit nukissiorfimmi 1993-imili atuutilermat sulisimavoq.

Jens Bjerrep oqaluttuaraa Utoqqarmiut Kangerluarsunnguani imermit nukissiorfiup piviusunngortinneqannginnerata siorngatigut aamma kingornatigut sulineq oqaluttuarivaa. Naalakkersuisoq Jess Svane imermit nukissiorfimmut assut soqutiginnippoq aamma amerlasuunik apeqquteqarluni, taakkualu Jens Bjergep misilittagaqarluartup uummaarissumik aamma paasinarluartumik akisarpai.

Utoqqarmiut Kangerluarsunnguanni Imermit Nukissiorfik 1993-imi pilersinneqaramili Nuummi innuttaasut nukissiamik minguitsumik aamma ataavartumik pilersorpai. Ullumikkut Nukissiorfiit Nuummi nukissiap atorneqartup tamarmiusup 99 procentia Utoqqarmiut Kangerluarsunnguanni kaavittorsuarnit pilersittarpaa. Taamaattorli innuttaasut amerlasuut suli namminneq kissarsuutinit uuliatortunik kiassaaneq atorpaat. Imermit nukissiorfiup allineqarneratigut innuttaasut taakkua kiassaanermik imermit nukissiorfimmit pisumit pilersorneqarsinnaapput aamma taamaaliornermikkut aningaasanit sipaaruteqarsinnaapput uuliamut nunanit allanit pisumut – tamanna avatangiisinut aamma innuttasut aningaasaqarnerannut iluaqutaassagaluarpoq.

Utoqqarmiut Kangerluarsunnguat pillugu filmi takusinnaavat uani