Maanna pujoorfik napparneqarpoq

Allatut periuseqartoqartariaqarpoq Aasianni suleqatitta pujoorfik 41,5 meterinik portussuseqartoq napparnialeramikku. Anorsaarnerata napparneqarnissaa ajornasaartippaa

Sapaatit akunnerata siuliani Aasianni innaallagissiorfimmi kiassaateqarfiutigisumi immikkut pujoorfissap ikkunneqarnissaanut piareersaaneq eqqartorparput.

Suut tamarmik pilersaarutaasutut ingerlapput pujoorfiup napparneqarnissaata tungaanut. Tamanna unamminartorsiuteqarfiuvoq anorlernera pujoorfiup ikkunneqarnissaanut akornusersuimmat.

Allatut periuseqarnissamut eqqarsartoqarnissaanik tamanna kinguneqarpoq. Taamaalillutik aalajangersimasumik suliallit tassani aalajangerpaat pujoorfiup napparneqannginneranni marlunngorlugu ingutsertariaqartoq.

– Oqaloqatigiilluariarluta montørit aamma entreprenøri peqatigalugit isumaqatigiippugut pujoorfik marlunngorlugu ingutsissagipput, taamaalilluni alliusussaq ikkuteqqaassallutigu kingornatigullu aappaa qulliusussaq ikkutissallutigu, René E. Fleischer, nunap immikkoortuani Diskomi pisortaq oqaluttuarpoq.

Taamatut aalajangiinerat pitsaasuusoq kingornatigut paasinarpoq, aamma anorimit unamminartorsiortinneqaqqereerlutillu marlunngornermi septembarip ulluisa 17-ianni pujoorfiup napparnera iluatsippaat.

Pujoorfik nutaaq pujoorfiup atuuttup eqqaani maanna napallualerpoq, Nukissiorfiillu qilanaaraat Aasianni innaallagissiorfiup kiassaateqarfiutigisup pitsaanerusumik ingerlalernissaa.

Sapaatit akunneranni matumani nappaanersiortoqassaaq, tassa silap tamanna ajornartissanngippagu.

 

        Aasianni pujoorfiit pillugit paasissutissat:

  • Pujoorfiit nutaaq aamma nutaannginneq tamarmik immikkut 41,5 meterisut portussuseqarpoq.
  • Pujoorfik nutaaq Danmarkimi pisisarfimmit inniminnigaavoq, sisamanut immikkoortiterlugu containerinut pingasunut 40 fodsitut tamarmik immikkut angissuseqartunut ikillugu umiarsuarmit nunatsinnukaanneqarpoq.
  • Danmarkimit montørit marluk ilaapput katiterneqarnissaanut Aasianni entreprenørimit ikiorneqarlutik pujoorfik katiterpaat.
  • Pujoorfik nutaannginneq 1990-imeersumit innaallagissiorfimmit pingaarnermeersuuvoq. Taanna kusassarneqarpoq kalaallimit eqqumiitsuliortumit Anne-Birthe Hovemit.    –
  • Pujoorfik nutaaq qalipaatinit pingasunit assigiinngitsunit ilulissanik kusassarneqarpoq, Qeqertarsuup Tunuani kusanarlutik ilisarnaataasartut.