Kullorsuarmi imeqanngilaq

Pumpip tatsimit Kullorsuarmit pilersuisumit imermik qalluisartup ajoquteqarnera pissutaalluni ulluni kingullerni nunaqarfimmut imermik pilersuineq ajornartissimavaa. Nukissiorfiit suli ajoqutaasut iluarsiniarlugit sulipput.

Ajoqutit decembarip ulluisa 27-iani paasineqarput uumasumillu piliarineqarsimaneri ilimagineqarpoq. Pumpi tatsip eqqaaniittoq pilertortumik iluarsineqarpoq kisianni iluarsaassinerup nalaani tatsip aamma nunaqarfiup akornanni erngup aqqutaani imeq qerivoq, tamatumalu kingunerisaanik imermik pilersuineq unittoorpoq.

Tamatuma kingunerisaanik aputit oqimaannerata tatsip nunaqarfiullu akornanni erngup aqqutaa kittorartippaa, tamatumalu iluarsaassiniarneq suli ajornarnerulersippaa.

Ajortittut annertussusiat pissutaalluni ajoraluartumik suli nunaqarfimmut imermik pilersuineq aallarteqqinngilaq, maannakkorpiarlu Nukissiorfinnit kingoraartissat aamma immikkut ikiuuttussat utaqqineqarallarput.

Nukissiorfinnit sapinngisamik qanoq iliorsinnaaneq atorlugu piaarnerpaamik ajortissimasut iluarniarneqarput.

Allanik apeqquteqarusuttut aqutsisut allatseqarfianni pisortaq Sune Tougaard attaveqarfigineqarsinnaavoq ugguuna: lg.ti1563243759ifroi1563243759ssiku1563243759n@otu1563243759s1563243759