Kangerlummi imeq imigassaq mingutsinneqarsimasoq

Kangerlummi imeq imigassaq saffiugassanik aluminiumimik, saviminissamik manganimillu annertuumik akoqartoq paasineqarpoq. Taamaattumik Pinngortitamut Avatangiisinullu Naalakkersuisoqarfiup Nakorsaanerullu erngup imerneqanngissaanik inassuteqarput. Pissutsinik iluarsiinissaq aamma imermik imigassamik pilersuinermi periarfissanik allanik qulakkeerinissaq Nukissiorfinnit sulissutigineqarpoq.

Nakorsaaneq naliliivoq, Kangerlummi erngup imerneqarnissaa tassanngaannaq ulorianartorsiorfiulertussaanngitsoq, aammalu imersimagaanni annilaangassutissaqartoqanngitsoq, kisiannili piffissami sivisuumi saffiugassanik iioraaneq ulorianartorsiortitsilersinnaavoq. Imeq imerneqannginnissami saniatigut suli siunertanut allanut tamanut, soorlu errortornermut, atisanik errorsinermut, erruinermut, uffarnermut eqqiaanermullu atorneqarsinnaavoq.

Paasissutissat annertunerusut pissarsiarineqarsinnaapput Naalakkersuisoqarfimmi pisortaaneq, Mette Skarregaard Pedersen, oqarasuaat +299 34 64 76-mut, e-mail: , saaffigalugu.