100.000-iusunit ataasiinnavik

 

Nukissiorfiit allat nunarsuatsinni tamaneersut 100.000-it akornanni atuisunut GIS-suliniutiminut atatillugu web-eqalerpoq maanna akimanartumik akissarsisinneqartoq

Immikkorluinnaq ittumik Nukissiorfiit akissarsisinneqarput ”Special Achievement i GIS” (GIS: Geografisk Informations System, aaqq.) Award 2019 Esri-miit.

Akissarsiaq tunniunneqartarpoq nunarsuarmi tamarmi atuisunut web-inut GeoINFO-millu innersuussutigineqartarluni, taanna tassaasoq siunnersuisartoqatigiiffik aamma danskit Esri-mit softwarenik siaruarteriffigisaat.

Uani akissarsisitsineq tunniunneqarpoq GIS – teknologi pillugu 2018-imi anguniagaqarusulluni siunissamut pilersaarutit suliniummik nersorinninniarluni. Siunissamut pilersaarut tamanna pilersuinermik ingerlatsivimmi suliffeqarfimmi aammattaaq suliffeqarfiup avataani iluaqutaasumik 2018-2021-mi atuutilersinneqartussaq.

Sunaana GIS systemi
GIS-atortumik atuutilersitsinermi Nukissiorfiit ingerlatsineranni tamani ingerlatsinermut tunngasut ajornannginnerulissapput, sukkanerulerlutik aamma suleriaatsit eqaannerulerlutik. Hans Pirupshvarre, GIS- & Datami immikkoortortaqarfimmi pisortaq suliamut tamatumunnga annertuumut siuttuuvoq.
-Tulluusimaarutigeqaara Nukissiorfiit tamatuminnga nersornaammik pissarsisussatut toqqarneqarmata, ingammik allarpassuit nersornaammik pissarsisinnaasut ilaammatattaaq. Nukissiorfiit nunap assingi atorlugit paasissutissiisarnermut atortuata kinguneranik, tassa kikkut tamarmik qanittukkut atortumik ilisimannilereerpata, allattaaviit aqerluusarlu atorunnaassapput. Atortoq periuseq tamanna nutaaq atorlugu sinerissami ingerlatsinermut sulisut taamaallaat data aamma assit mobilimut imaluunniit iPadimut sulinerminni nalunaarsuisassapput, kingornatigullu tamakku suliffeqarfimmi tamarmi siaruarterneqassallutik. Taamaaliornikkut piffissami sivikitsuinnarmi uagut ”up to date”-ussaagut (malinnaassaagut) siornatigut periusitsinnut pisoqqamut sanilliullugu allaffissorpallaarnermut aamma allaqattaarnermut sanilliullugu, oqaluttuarpoq.

Nukissiorfiit GIS-atortua nutaaq avataaneersunut soqutigisaqatigiinnut databankitut iluaqutaasinnaalluarpoq, paasissutissanik tulluartunik uagut nittartakkatsinnit pissarsisinnaagamik aalajangiinernut atatillugu.
– Suulluunniit soorlu aalisakkerivissanut, mittarfissanut imaluunniit illuliorfissanut sanaartortitsinissamut pilersaarutit pissarsiarineqarsinnaapput, tamakku nuna tamakkerlugu pilersuinermut periarfissanik pioreersunik piviusumik paasissutissanik piumasaqaatitaqarput, Hans Pirupshvarre oqarpoq.

Atuartoq alapernaatsoq Nukissiorfiit nittartagaanni GIS-atortoq pillugu paasissutissanik misissuisinnaavoq. Tassani aammattaaq ilaatigut Nukissiorfiit elektroniskiusumik databaseanni siunissamut pilersaarutaa pissarsiarisinnaavaat paasissutissanik tulluartunik tamanik ilaqartoq, tamakku GIS-atortumi tassani ilanngunneqarlutik aaqqissorneqartut. Takuuk siunissamut pilersaarut assersuutissatut UANI.

Anguniagaqarusulluni suliniut
Siunissamut pilersaarutip kinguneranik suliaq annertooq suliarineqarpoq maannakkut paasissutissat pioreersut atortumut nutaamut atatilernissaannut atatillugu. 2018-imi imermut aamma ungasianit kiassaanermut paasissutissat nutarterneqassapput paasissutissanut ilusermut nutaamut aamma pitsaanerusumut, taanna niuernermi tapertaavoq tunngaviusussaq aamma pitsaanerusoq imartunerullunilu.
– Takorluukkap piviusunngortinneqarneratut ippoq siunissamut pilersaarutip suliarinerata aamma atuutilersinnerat aallartimmat. Inernera naammagisimaaqaara, ullumikkullu uagut web tunngavigalugu atorsinnaaleratsigu, taamaalillutik sulisut sumi suliaqarfimmini paasissutissat piviusumik toqqaannartumik atorsinnaalerpaat, Hans Pirupshvarre oqarpoq.

GIS pillugu suleqatigiinnut ilaasortat akuttunngitsumik nunap namminermi, danskinit aamma nunanit tamalaanit aaqqissuussani peqataasarput, tassunga ilaallutik Nukissiorfiit.

Nukissiorfinnut paasissutissiissutigineqarpoq nersornaat allagartaq aasaru tunniunneqassasoq.