Kalaallit Nunaanni Innaallagissiornermut Oqartussat

Kalaallit Nunaanni Innaallagissiornermut Oqartussat Nukissiorfiit ataanni inissisimapput, Nukissiorfiit, atuisut kiisalu innaallagisserisut nunatsinniittut, inatsisinik peqqussutinillu innaallagisserinermut gassimullu isumannaallisaanermut tunngassuteqartunik malinnillutik sulinissaannik qulakkeerinnittussaallutik.   

Innaallagissiornermut Oqartussat Nuummi inissisimapput, sinerissamilu immikkoortortaqarfiit Innaallagisserinermut Oqartussat suliassaat suliarisarpaat. 

Innaallagissiornermut Oqartussat nittartagaat uani takuneqarsinnaavoq.

Innaallagissiornermut Oqartussat

Innaallagissiornermut oqartussat innaallagissamik tunisassiornermi, ingerlaartitsinermi, siammarterinermi atuinermilu isumannaallisaaneq akisussaaffigaat. Tassa imaappoq, Innaallagissiornermut Oqartussat, innaallagissiornerup, isumannaallisaanerup, ikumatitsinerup il.il. iluani akuersissutit aquppaat.

Innaallagissiornermut Oqartussat akisussaaffii suliassaallu inatsisit tunngavigalugit inissinneqarsimapput ”Sanaartukkat innaallagissamut sakkortuumut atugassat atortullu innaallagiatortut pillugit Inatsisartut peqqussutaat nr. 12, 3. november 1994-imeersoq”.

Gassi pillugu isumannaallisaaneq

Innaallagissiornermut Oqartussat aamma gassi pillugu oqartussatut inissisimapput. Tassa imaappoq, gassimut atortulersuutit ikkussukkat isumagisarpaat, atortut atornissaannut maleruaqqusaliorlutik, kiisalu akuersissutinik agguaallutik, inatsit una malillugu ”Gassileriviit, gassinut atortut aamma akuersissuteqarnissamut piumasaqaatit pillugit Inatsisartut inatsisaat nr. 10, 3. juni 2015-imeersoq

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542672237ifroi1542672237ssiku1542672237n@eci1542672237vrese1542672237dnuk1542672237.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.