Nukissalik biilinut innaallagissamik immiut


Innaallagissamik biilinut immiisarfiit attartorneqartut pillugit ilisimatitsissut

Nukissiorfiit maannakkorpiaq innaallagissamik biilinut immiisarfiutitta teknikia pitsanngorsarniarlugu suliaqarput taamatuttaaq periuseq pillugu nalilersuisoqarpoq. Tamatuma kingunerisaanik maannakkorpiaq Nukissiorfiit biilinut innaallagissamik immiisarfinnik nutaanik attartornermut isumaqatigiissuteqanngikkallarniarpoq.

Aalajangersimasumut attuumassuteqartumut apeqqutissaqaruit uunga: kundeservice@nukissiorfiit.gl saaffiginneqquneqarputit.
img1img2

Nukissalik illoqarfinni imermit nukissiaqarfiusuni tamani

Nukissiorfiit immikkut pilersitsipput taamaallaat biilit innaallagiatortut immiisarfiinut tunngasunik. Tamanna taaguuteqarpoq Nukissalik avatangiisitta mianerinerunissaat tunngavigalugu pilersinneqartoq.

Biilinik innaallagiatortunik piginnittutut illit Nukissalimmut Nukissiorfinnit ingerlanneqartumut ilanngutissaatit. Tamanna akeqanngilaq, aamma taamaallaat Call Centeritsinnut telefon normumut: 801150-imut imaluunniit mailerlutit uunga: Nukissalik@nukissiorfiit.gl ilanngussinnaavutit.
Ilanngutereeruit Nukissaliup 2 RFID kortimik akeqanngitsumik inniminniissutissavaatit, illit biilivit innaallagiatortup Nukissiorfiit immiisarfiini tamani sarfalersornissaanut piginnaatitsisoq. RFID kortissavit, Nukissiorfiit inniminnigaata, tigunissaata tungaanut, utaqqininni immiisarnitit aallartissinnaavatit aamma naammassillugit illit mobiltelefonit atorlugu.

 

Inissisimaffii aamma akigitinneqartut

Ullumikkut Qaqortumi, Ilulissani aamma Nuummi immiisarfeqarpoq.

Illit biilivit innaallagiatortup imaluunniit hybridbiilivit sarfalersornissaannut sarfamut akigitinneqartoq qaqugukkulluunniit atuuttuusoq atorneqassaaq, maannakkut 1,75 kr./kWh-imut.

Nukissalik kikkut tamarmik illoqarfinni imermit nukissiaqarfinni immiisinnaanissaannut aqqutissiuiuarpoq, tassaasuni: Ilulissat, Narsaq, Nuuk, Qaqortoq, Sisimiut aamma Tasiilaq.
Taakku illoqarfiit ilaanni illit najugaqaruit, taava periarfissaqarputit illit najukkanni immiisarfimmik attartornissamut qaammammut 75,00 koruuninik akeqarpoq.

Siunnersuutitsialak

Illit nammineq atugassannik sarfalersuummik attartornissamut periarfissinneqarusukkuit Nukissiorfiit saaffigissavatit paasissutissanik amerlanerusunik piniarlutit aamma siunnersorneqarnissat kissaatigigukku.

Tuniniaanermi aamma pilersuinermi piumasaqaatit

Nukissalik immikkut pilersinneqarpoq Nukissiorfiit tuniniaanermini aamma pilersuinermini piumasaqaatai nalinginnaasut malittussaallugit, taakkua talerpiup tungaani toqqaaffissami takuneqarsinnaapput.

Apeqqutigineqakkajuttut – Aallartilluarit

Nukissalimmut ilanngunniariaruit kortimik matuersaammillu immiinermik aallartitsinermut unitsitsinermullu atorneqartussamik nassissavatsigit. Taakku najukkatut nalunaarutigisannut nassiunneqassapput, ilanngunnernillu nalunaaruteqarnernit ullut suliffiusut tallimat iluanni nassiunneqassapput.
  1. Qanoq Nukissalimmut ilannguttoqartarpa?
    Una webapp.nukissalik.gl iserfigiuk saamiata tungaani ‘log ind’ tooruk. Tamatuma kingornatigut ‘tilmeld dig her’ tooruk. Paasissutissat ilinnut tunngasut immersukkit. Tamatuma kingornatigut mail nassiunneqassaaq mailimut illit nalunaarsuininnut atorsimasannut, tassuuna illit ilanngussimanerit uppernarsassavat.
    Mail nalunaaquttap akunnerata ataatsip ingerlanerani tigusimanngikkukku, taasa atuisunut sullissivik attaveqarfigiuk ugguuna nukissalik@nukisisorfiit.gl imaluunniit sianerit uunga 801150. Eqqaamajuk spam mappe takunissaa.
  2. Ilanngunneq, sarfamik immiineq aamma immiissummik ikkussineq qanoq akeqarpat?
    Nukissalimmut ilanngunneq: 0 kr.
    RFID kortit marluk: 0 kr.
    Immiineq: 1,75 kr/kWh.
    Immiissummik attartorneq: 75 kr./qaammammut + ikkussuititsinermut aningaasartuutit.
  3. Immiissummik angerlarsimaffimmi qanoq ikkussititsisoqartarpa?
    Nukissalimmut mailimik allagit imaluunniit Facebook-ikkut taava isumaqatigiissummik aamma immiissummik attartornermut atugassarititaasut nassiutissavagut. Inissiamik attartortutut ineqaruit taava illumik piginnittumit immiissummik ikkussititsinissamut akuersissummik pissaatit. Isumaqatigiissut atsiorneqareerpat aamma uagutsinnut nassiunneqareerluni, taava innaallagialerisoq immiissummik ikkussuitinniakkat attaveqarfigissavat.
  4. Qanoq akiliisoqartarpa?
    Sarfamik immiinermut atorneqartumik akiliisarneq korti atorlugu akilerneqartarpoq (Visa imaluunniit MasterCard). Taamaallaat kortit Nukissalimmi atuisutut nalunaarsukkannut ilanngutissavat, tamatuma kingornatigut korti pillugu paasissutissat toqqorneqassapput siunissami akiliinissamut atorneqartassallutik.
  5. Illoqarfinni sorlerni Nukissalik atuuppa?
    Nukissalik illoqarfinni imermit nukissiorfeqartuni atorneqarsinnaavoq, tassalu: Ilulissat, Narsaq, Nuuk, Qaqortoq, Sisimiut aamma Tasiilaq.
  6. Nukissalik qanoq atorunnaassavara?
    Nukissalimmik atuiunnaarniaruit tamanna pillugu mailimik nassiussissaatit uunga nukissalik@nukissiorfiit.gl. Illit aammattaaq RFID kortitit uagutsinnut nassiutissavatit.