Nukik minguitsoq

Nukissiorfiit aamma nukik minguitsoq pillugit apeqqutitit ataani akissutissarsikkit.

Vedvarende ikon 3

Nukissiorfiit erngup nukinganik nukissiorfii tallimat ukiut tamaasa 174.200 ton CO2 inuiaqatigiinnut sipaartarutaasarput.

 

 

Sooq Nukissiorfiit
brintimik innaallagissiorfimmut
aningaasaliissuteqarpat?

Nukissiuummut tassunga siunertarisat ilaattassa imermik nukissiuuteqarfimmit nioqqutissiamit sinneruttumit brintip nukissiuuteqarfittut atorneqarsinnaaneranik misileraaneq.
Misileraanermut atortup ukiuni pingasuni atorneqareerluni
paasineqarpoq tamanna akilersinnaanngitsoq, ilaatigut atortup innaallagissamik toqqorsivittut atornerani nukissamik
annaasaqarnerup qaffasippallaarnera pissutaalluni.

Solcellemik atortumut Nukissiorfiit sooq aningaasaliissuteqarpat?

Atortoq ilisimasassanik pissarsiffiussaaq seqernup qinngorneranit nukissaq siunissami Nukissiorfiit nukissiornermik nioqqutissiornerani qanoq iliornikkut ilanngunneqarsinnaaneranut atatillugu – ingammik inuiaqatigiinni angivallaanngitsuni. Atortoq Nuummi qullersaqarfimmi inissinneqarpoq, tassani ingerlaavartumik nakkutigisinnaagatsigu teknikkikkullu aaqqiivigisinnaallutigu.

Nunani allani solcellenik atortut atorneqartarnerat pillugu Nukissiorfiit qanoq ilisimasaqarpat?

Atortup ikkunneqarneranut atatillugu Sisimiunit suliniummit Danmarks Tekniske Universitet peqatigalugu suliarineqartumit paasissutissanik Nukissiorfiit pissarsipput.

Kikkut nukissamit ataavartumik
aallaaveqartunit innaallagissamik
Nukissiorfiit pilersuinermut aqqutaanut
pilersuisinnaappat?

Kikkut tamarmik taamaaliorsinnaapput. Sumiiffinni nukissiorfik uuliamik sipaaruteqarnermik pilersitsippat Nukissiorfiit sipaarutigineqartoq nukissiorfimmik pilersitsisimasumut akiliutigissavaa. Sipaarutaasoq naatsorsorneqartarpoq uuliap akianut atuuttumut naapertorlugu. Illoqarfinni imermik nukissiorfilinni nioqqutissiorneq imermit tunngaveqarpat taakkunani inuiaqatigiit sipaaruteqartutut oqaatigineqarsinnaanngillat. Taamaammat illoqarfinniimermik nukissiuuteqarfiusuni nammineq nioqqutissiornermut akiliuteqartoqartanngilaq.

Kalaallit Nunaanni 70 %-imik ataavartumik nukissiorneq
qanoq isumaqarpa?

Tamanna isumaqarpoq Nukissiorfiit nukissiornermik pilersuinerata 70 %-ia ataavartumik nukissiuteqarfinnit tunngaveqartoq. Taakkununnga 70 %-inut ilaapput innaallagissamik aamma kiassaanermik nioqqutissiorneq. Nunami imermik nukissiorfinnit nukissiornerup tamakkiisup 40- t aamma 70 %-it akornanniittup kiassaanermut atorneqartarpoq.

Kalaallit Nunaanni sooq anorisaatit
atorneqartanngillat?

Nukissiorfiit ukiuni arlalinni Kalaallit Nunaanni anorimit nukissiornissamut periarfissanik misissuisimapput. Kalaallit Nunaannili pissutsit anorisaatit ikkunneqarnissaannut atorsaasimanngillat. Anorisaatinik nalinginnaasunut, ilaatigut Danmarkimi ilisimaneqartunut, Nunatsinni anorsaartarnerup sakkortuallaartarneranik tamanna patsiseqarpoq. Taamaammat anorisaatinik angisoorujussuarnik, soorlu Savalimmiuni atortorineqartunik, ikkussinissaq pisariaqassaaq. Taamatut ittut anorisaatit anorip sakkortujuaannartumik pisariaqartitsipput, Kalaallit Nunaannilu anorip sakkortussusaa nikerarpallaartarluni.