Uummannami innaallagissiorfimmi ingerlatsinermut suleqataasussamik

Ingerlatsinermi suleqataasup innaallagissiorfimmi formandi suleqatigalugu aamma innersuussutit naapertorlugit illoqarfimmi sulisunik suliatigut siunnersuisassaaq innaallagissamik, imermik aamma kiassaanermik nioqqutissiornermut aamma siaruarterinermut tunngasunut, tamatumunnga ilanngullugit ingerlatsinermi, pitsanngorsaanermi aamma ineriartortitsinermi.

Suliassaqarfiit:
Ingerlatsinermi suleqataasup Uummannami suleqatigiit akornanni aamma nunaqarfinni, nunap immikkoortuani aamma suliffeqarfimmi suleqatigiilluarnissamik pilersitsinissaq piviusumik peqataaffigissavaa.
Ingerlatsinermi suleqataasut tapertaaffigissavaa suliffeqarfimmi namminermi ingerlatseriaatsit ingerlaavartumik ineriartortinneqarnissaat aamma malinneqarnissaat, taamatuttaaq inatsisit atuuttut suni tamani eqqortinneqarnissaat, ingammik;
• Isumannaallisaanermi aamma oqartussaasunit piumasaqaatit.
• Maskiinanut tunngasunik ikkussorneqarsimasunik aamma atortunut taakkualu atortuinut kiisalu sannatinut tunngatillugu sulisunik suliatigut ilinniartitsineq.
• Uummannami pigaartuusarnermut peqataasalernissaq sioqqullugu sulisunik ilinniartitsinermut peqataaneq.
• Nukissiorfiit Inuiaqatigiinnut Akisussaaqataanermi (CSR) anguniaagaanik eqqortitsinissamut aamma ineriartortitsinissamut peqataaneq.
• Uummannami formandip innersuussutai naapertorlugit suliassanik takkuttartunik suliaqarneq.

Naatsorsuutigineqarpoq illit:
• Teknikkimut tunngasumik ilinniagaqartutit umiarsuarmik maskinistitut, skibsmontøritut, maskiinalerisutut imaluunniit allamik tulluartumik ilinniakkamik tamatumunnga ilanngullugu SRO-mi atortunik ilisimasaqarlutit.
• Nammineersinnaassuseqartutit taamatullu suleqatigiinni sulinissaq piginnaasaqarfigalugu.
• Isumassarsiullaqqissoq aamma aallarniisinnaasoq periarfissanik isiginnittoq killilersuutinut taarsiullugu.
• Uummannami najugaqarnissamut pisussaaffik.
• Uummannami pigaartuusarnermut peqataasarneq.
• Angalasarnissamut piareersimasoq nunami immikkoortuani taamatullu nunap immikkoortuinut allanut aamma Nuummi qullersaqarfimmut.

Iluaqutaassaaq illit:
• Kalaallisut aamma danskisut oqalussinnaaguit allassinnaallutillu.
• Biilernermut allagartaqaruit.
• Qarasaasiamik atuinissamik ilisimasaqaruit.

Uagut ilinnut neqeroorutigisinnaavagut:
• Sullivimmi avatangiisit qeratanngitsut tassani uagut suleqatigiittut sulivugut.
• Atorfimmi suliassanut sunniuteqarsinnaanermut periarfissat pitsaasut.
• Inuttut taamatullu suliatigut ineriartornissamut periarfissat pitsaasut.

Atorfinitsinneqarnermut tunngasunik paasissutissat, paasissutissallu allat:
Akissaatit atorfinitsinneqarnermullu atugassarititaasut Naalakkersuisut kiisalu kattuffiup sulisoqarnermut tunngasup qaninnerup akornanni isumaqatigiissutit malillugit aaliangerneqassapput. Suliffimmut tunngatillugu inimik neqerooruteqarsinnaavugut, tassungali qularnaveeqqusiissummik qaammammullu akiliummik akiliisarnissaq isumaqatigiissutit tunngavigalugit ingerlanneqassaaq.
Nukissiorfiit pillugit paasisaqarnerorusukkuit una allakkaruk www.nukissiorfiit.gl, atorfillu pillugu annerusumik paasisaqarusukkuit nunap immikkoortuani pisortaq saaffigiuk Kjell Bergman lg.ti1542645237ifroi1542645237ssiku1542645237n@bej1542645237k1542645237 imaluunniit tlf. nr. (+299) 54 92 92.

Qinnuteqarnissamut killigitaq tassaavoq Aggustip 17-iat 2018
Qinnuteqaat, CV, ilinniarnermut uppernarsaatit innersuussutillu uunga nassiunneqassapput lg.ti1542645237ifroi1542645237ssiku1542645237n@rh1542645237 imaluunniit allakkatigut uunga Nukissiorfiit, Postboks 1080, 3900 Nuuk