Upernavimmi VVS/Kiassaanermik, Imermik Siaruarterinermut Formandi

Nukissiorfiit Nunap Immikkoortua Avannaa formandissarsiorput ingerlatsinermut aserfallatsaaliuisarnermullu tamanut, kiisalu teknikimut atortunik Upernavimmi kiassaanermik pilersuinermut attuumassuteqartut pitsanngorsarnissaannut akisussaaqataasussamik. Ilaatigooriarluni nunap immikkoortuani illoqarfinni aamma nunaqarfinni allani suliassaqartassaaq. Formandip ulluinnarni teamlederimut akisussaaffeqassaaq, kiisalu suliassat naammassisassallugit nunap immikkoortuani aqutsisut innersuussinerisigut aamma isumaqatigiissuteqarfiginerisigut. Atorfinitsitsisoqassaaq sapinngisamik piaarnerpaamik imaluunniit isumaqatigiissuteqarnikkut.

 

Suliassaqarfiit:

Formandip peqataaffigissavaa suliffimmi namminermi periutsit malinneqarnissaat kiisalu inatsisit atuuttut sutigut tamatigut eqquutsinneqarnissaat, tassani isumannaatsuunissamut aamma oqartussaasut piumasaqaataat immikkorluinnaq qitiutinneqassallutik. Suliassat makkuunerussapput:

  • Kiassaanermik nioqqutissiornermut illoqarfimmi aamma nunaqarfinni atortut
  • Ungasianit kiassaanermut aamma tassunga attuumassuteqartut immikkoortut siaruarterinermut aqqutit
  • Illoqarfimmi aamma nunaqarfinni kissarsuutit uuliatortut tassungalu attuumassuteqartut ikkussukkat
  • Toqqortaanik aqutsineq: 160-Toqqorsivik Kiassaaneq / Imermik siaruarterinermut aqqutit
  • Koblingslederitut sulisinnaanermut akuersissuteqartarneq
  • Kiassaanermik/imermik nioqqutissiornermut atortuni, kiassaanermik/ imermik siaruarterinermut aqqutini aamma tassunga attuumassuteqartuni illoqarfimmi immikkoortuni pilersaarusiortarneq aamma suliaqartarneq.

 

Formandip ulluinnarni attuumassuteqarfigisassavaa Upernavik, kisianni aammattaaq nunap immikkoortuani illoqarfinni allani imaluunniit nunaqarfinni sivikitsumik angalasarnissamut piumaffigineqartarsinnaalluni. Naatsorsuutigissavat teknikimut atortut pillugit tulluartumik ilitsersorneqareerninni Upernavimmi pigaartuusarnissamut peqataasarnissat.

 

Suleqatissarsiorpugut makkuninnga piginnaanilimmik:

  • Tekniskiusumik ilinniagaqartoq soorlu VVS montøritut, skibsmontøritut, uunnaavissuarnik nakkutilliisutut imaluunniit assingusunik piginnaanilimmik.
  • Kissarsuutinik uuliatortunik, uunnaavissuarnik kiisalu kiassaanermik siaruarterinermut ingerlatsinissamut suliatigut ilisimasalik
  • Biilersinnaanermut aamma biilersuarnik ingerlatsisinnaanermut allagartalik
  • Nammineerluni sulisinnaasoq aamma nammineq aallartitaminik suliaqarsinnaasoq, soorlu siumut ilitsersorneqareernikkut
  • Qanoq ilinniagaqarsimaneq apeqqutaatinnagu pitsaasumik suleqatigiissinnaanermut tunniussaqarsinnaassusilik
  • Isumassarsillaqqissoq aamma aallarniuteqarusussuseqartoq, killilersuinernit pinnagit periarfissanik isiginnissinnaasoq

 

Uagut neqeroorutigisinnaavarput:

  • Atorfik pissanganartoq suliatigut aamma inuttut unamminartortaqartoq
  • Angusaqarusussuseqarneq siunertaralugu suliassanik ilitsersorneqarneq
  • Sullivimmi avatangiisit isumassarsiffiusartut aamma pitsaasuusut ikinngutigiilluarfiusullu
  • Suliffik uummaarissuusoq inuttut aamma suliatigut ineriartornissamut pitsaasunik periarfissiisoq.

Atorfeqartitaanermi atugassarititaasut

Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Atorfimmut atatillugu INI A/S aqqutigalugu piumasaqaatit atuuttut naapertorlugit inissaqartitsisoqarsinnaavoq.

 

Atorfininnermut atatillugu qaammatini pingasuni misilinneqarfiussaaq. Atorfininnissaq isumaqatigiissuteqarnikkut pisinnaavoq.

 

Nukissiorfiit pillugit paasissutissat annertunerusut uani www.nukissiorfiit.gl takuneqarsinnaapput.

 

Paasissutissat sukumiinerusut atorfimmi suliassanut tunngasut Teamleder Lars Kristiansen-imut saaffiginnissutigineqarsinnaapput email: lg.ti1542703041ifroi1542703041ssiku1542703041n@rka1542703041l1542703041 atorlugu imaluunniit oqarasuaat +299 59 02 89 sianerfigalugu.

 

Apeqqutit ataatsimut paasissutissanut tunngasut HR-imut saaffiginnissutigineqassapput:  lg.ti1542703041ifroi1542703041ssiku1542703041n@rh1542703041

 

Qinnuteqaat tassunga ilanngullugit paasissutissat imminut tunngassuteqartut (CV) ilinniagaqarsimanermut uppernarsaatip aamma siullermik suliffigisimasanit oqaaseqaatit assilineri, allakkatigut A-tut imaluunniit mail aqqutigalugu nassiunneqassapput uunga:

 

Nukissiorfiit

Postboks 1080

3900 Nuuk

E-mail: lg.ti1542703041ifroi1542703041ssiku1542703041n@rh1542703041

 

Qinnuteqaateqarnissamut piffissarititaasoq kingusinnerpaaq:

Sisamanngorneq 11. Oktoberi 2018.