Teamleder Aasiaat

Nukissiorfiit Nunap Immikkoortortaqarfia Disko Aasiaani Innaallagissamik Pilersuinermut Teamlederimik pissarsiorpoq.
Akisussaaffigissavatit ingerlatsineq aamma pilersuineq.

Najukkami aqutsisuni suleqatigiissuni peqataassaatit, taakku tassaapput Nunap Immikkoortuani pisortaq, Pisortap tullia aamma nioqqutissiornermut aamma innaallagissamik, imermik kissaanermullu teamlederit.

Suliassaqarfiit
Suliassaqarfiit pingaarneq tassaassaaq illoqarfimmi ingerlatsinerup aamma pilersuinerup isumannaatsuunissaa aammattaaq atortut ingerlaavartumik ineriartortinneqarnerat aamma nutarterneqartarnerat.

Sulisarninni suliassatit ilaatigut tassaassapput:
– Suliniutinut aqutsisutut sulineq nunap immikkoortuani pisortap innersuussai tunngavigalugit.
– Formandi qanimut suleqatigalugu suleriaatsinik, ilitsersuutinik aamma ilitsersuinernik ingerlatitseqqinneq aamma nutarterinissanik aallarniisarneq nunap immikkoortuata Aasianni suliassaanut tunngatillugu.
– Suliassanik sulianut tunngasunik aqutsineq aamma agguaassineq, ilisimasanik ingerlatitseqqittarneq aamma suleqataasunik kaammattuisarneq.
– Aasiaani sulisunik atorfinitsitsisarneq aamma soraarsitsisarneq nunap immikkoortuani tullersortaasoq aamma aqutsisoq isumasioqatigalugit.

Naatsorsuutigineqarpoq illit pigissagitit:
– Teknikkikkut ingerlariaqqiffiusumik ilinniagaqarsimanissaq soorlu Maskinmester, ingeiør, maskinist imaluunniit tassunga assingusumik.
– Biilernermut allagartaq.
– SRO-mi atortunut ilisimasaqarneq.
– IT-mik atuisutut ilisimasaqarneq, tamatumunnga ilanngullugit pitsaassaaq IT tunngavigalugu ingerlatsinermut aamma aserfallatsaaliuinermut atortut.
– Aasianni najugaqarnissat

Iluaqutaassaaq illit:
– Aqutsisutut ilinniagaq angusassaq diplom angusimallugu, piumasaqaataanngilarli.
– Aqutsisutut misilittagaqarneq pitsaassaaq pilersuinermi atortunik ingerlatsinermik aamma aserfallatsaaliuinermik misilittagaqaruit.
– Nammineersinnaassuseqartutit taamatuttaaq suleqatigiinni suleqataasinnaallutit.
– Kalaallisut aamma danskisut allassinnaasutit oqalussinnaasutillu.

Uagut ilinnut neqeroorutigisinnaavavut
– Suliffik pissanganartoq qeratanngitsumik avatangiiseqarluni tassanilu suleqatigiittut sulivugut.
– Atorfimmi suut suliassaanersut sunniuteqarfigissallugit periarfissat pitsaasut.
– Inuttut taamatullu suliamut tunngatillugu ineriartornissamut periarfissat pitsaasut.

Atorfinitsitaaneq Kalaallit Nunaanni Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassaaq. Atorfimmut atatillugu inissaqartitsisoqarsinnaavoq, tamatumani ineqarnermut akiliuteqartoqartassaaq il.il. maleruagassat atuuttut tunngavigalugit. Namminersorlutik Oqartussat aqqutigalugit atorfeqarninnut atatillugu ineqartinneqareeruit inigisannut innersuunneqarsimasumut pisinnaatitaaffitit pigiinnassavatit.

Atorfimmut tunngatillugu imaluunniit atorfinitsinneqarnissamut pissutsinut tunngasunik sukumiinerusut nunap immikkoortuani pisortamut René E. Fleischerimut saaffiginninnikkut pissarsiarineqarsinnaallutik, lg.ti1542699483ifroi1542699483ssiku1542699483n@fr1542699483 imaluunniit tlf. +299 894856.

Apeqqutit nalinginnaanerusut pillugit Sulisoqarnermut Immikkoortortaqarfimmut saaffigineqassaaq lg.ti1542699483ifroi1542699483ssiku1542699483n@RH1542699483 imaluunniit +299 34 95 00.

Qinnuteqaat tassunga ilanngullugit paasissutissat imminut tunngassuteqartut (CV) ilinniagaqarsimanermut uppernarsaatip aamma siullermik suliffigisimasanit oqaaseqaatit assilineri, allakkatigut A-tut nassiunneqassapput uunga: Nukissiorfiit, Postboks 1080, 3900 Nuuk Telefax +299 34 96 64 imaluunniit e-mailikkut lg.ti1542699483ifroi1542699483ssiku1542699483n@RH1542699483, taakku uagutsinnik tiguneqareersimassallutik kingusinnerpaamik 17. september 2018.

Nukissiorfiit pillugit sukumiinerusumik paasisaqarit uunga iserlutit www.nukissiorfiit.gl