Tasiilami allaffimmiussarsiorneq

Nukissiorfiit Tasiilami nukissiornermut sullissivimmi allaffimmiumik sapinngisamik piaartumik imaluunniit isumaqatigiissuteqarneq tunngavigalugu atorfinittussamik pissarsiorpoq.

Allaffimmiutut akisussaaffigisassatit tassaapput:

Oqarasuaat nuutsisarfik sullittakkanik sullissineq telefonikkut aamma inunnit orniguttunik

Innaallagissamik, imermik aamma kiassaanermut uuttuutinik atuisunngortunik aamma atuisuujunnaartunik nalunaarsuineq

Akiligassanik nukingisaarineq, matusinermi kontut allanneri matusinerit aamma ammaaqqinnerit

Sumiiffimmi sullittakkanik piviusumik sullissineq tassunga ilanngullugit sullittakkanut paasissutissiineq

Avataaneersunit saaffiginnittoqarneranut atatillugu EVVA-mut immikkoortortaqarfimmut paasiniaanermi ikiuunneq

Imermik pajuttuisarnermut allattuiffinni nutarterineq aamma naatsorsuutinut allattuineq

Toqqorsivinniittuutit assigiinngitsuneersut kisinneqarnerannut allattuiffiit

Akiligassanik takkuttunik nalunaarsuineq aamma ingerlatitseqqittarneq

Ilitsersuutit malillugit akissarsianik, feerianik aamma napparsimalluni peqanngittarnernik nalunaaruteqartarneq

Sulisut pikkorissarsimaneranni allattuiffinnik suliaqarneq

Allaffimmi atortussanik pisiniarnernik isumagisaqarneq

Allakkerineq nalunaarsorneri aamma toqqorsivimmut ilioraanerit

Allaffissornermi suliassat oqaluttaanerit annikitsut

Uagut naatsorsuutigaarput illit tassaasutit:

Allaffimmiutut ilinniagaqartuusutit imaluunniit allamik tulluartumik

Kalaallisut aamma danskisut oqalussinnaasutit aamma allassinnaasutit

IT-mut tunngasunik pitsaasunik piginnaasaqartuusutit

Torersuunermik pingaartitsisutit aamma allaffissornermi suliassanut piginnaasaqarluartuusutit

Sullissinermik nuannarisaqartutit aamma suleqatigiuminartuusutit.

Tamakku saniatigut iluaqutaassaaq Axapta ilisimasaqarfigereerukku.

Uagut ilinnut neqeroorutigisinnaavagut:

Atorfik pissanganartoq qeratasuujunngitsumik avatangiiseqarluni tassanilu uagut suleqatigiittut sulisarpugut

Atorfimmi suliassat sunniuteqarfiginissaannut periarfissat pitsaasut

Inuttut taamatuttaarlu suliatigut ineriartornissamut periarfissat pitsaasut.

Atorfeqarnermi atugassarititaasut

Akissarsiat aamma atorfeqartitaanermi atugassarititaasut Kalaallit Nunaanni Naalakkersuisut aamma kattuffiup isumaqatigiinniarsinnaatitaasup akornanni isumaqatigiissutit atuuttut tunngavigalugit ingerlanneqassapput. Ajoraluartumik atorfimmut atatillugu inissaqartitsisoqarsinnaanngilaq. Qinnuteqaateqartoq Namminersorlutik Oqartussat aqqutigalugit atorfeqarnerminut atatillugu inissaqartinneqaruni, atorfeqarnermini innissaqartitaanermut pisinnaatitaaffini pigiinnassavai. Nukissiorfiit pillugit sukumiinerusumik paasisaqarniarut, takuuk: www.nukissiorfiit.gl.

Atorfik pillugu paasissutissat sukumiinerusut pillugit saaffiginnissutaassapput:

Apeqqutit atorfimmut tunngasut imaluunniit atorfinitsitaasinnaajunnarnermut tunngasut allaffimmi pisortamut Kristine Christensen-imut tlf.: 86 72 01 sianerluni imaluunniit lg.ti1550515099ifroi1550515099ssiku1550515099n@hcr1550515099k1550515099 saaffiginnissutigineqassapput.

Apeqqutit nalinginnaanerusunut tunngasut sulisoqarnermut immikkoortortaqarfik saaffigineqassaaq mailikkut: lg.ti1550515099ifroi1550515099ssiku1550515099n@RH1550515099

Qinnuteqaat tassunga ilanngullugit paasissutissat ilinnut tunngasut (CV) ilinniakkami soraarummeersimanermut uppernarsaatit aamma siullermik suliffigisimasanit oqaaseqaatit assilineri nassiunneqassapput maillukkut imaluunniit allakkatigut A-tut nassiunneqassapput uunga:

Nukissiorfiit

Postboks 1080,

3900 Nuuk

Mailikkut lg.ti1550515099ifroi1550515099ssiku1550515099n@RH1550515099,

Kingusinnerpaamik qinnuteqaateqarfissat tassaavoq:

Martsip 2-iat 2019