Sulisoqarnermut siunnersortimik allaffissornermik qitiutitsisumik Nuummi Nukissiorfiit qullersaqarfiat pissarsiorpoq

Nukissiorfiit sulisoqarnermut tunngasunik siunnersortissarsiorpoq misilittagaqarluartumik sulisoqarnermullu allaffissornermi pitsaasunik piginnaaneqartumik.

Pineqartoq tassaavoq atorfik unamminartortalik suliffeqarfimmi nuna tamakkerlugu ingerlatsisumi teknikkimi suliatigut qaffasissumik ingerlatsisumik aamma inuiaqatigiinnut annertuumik akisussaassuseqartumi. Nukissiorfiit niuernikkut ineriartortitsinerup unamminartortallip qeqqaniipput, tassani pilersinneqarput aningaasartuutinik atorluaaneq aamma ataavartunik tunngaveqartumik aaqqiinerit sullittakkatsinnut iluaqutaasut. Tamatumunnga ilanngullugit ataavartumik tunngaveqartumik nukissiamik pilersuinerup pingaartutut qitiutinneqarpoq Nukissiorfiit 2022-p tungaanut iliuusissatut pilersaarutaani, kiisalu Nukissiorfinni sulisut suliffeqarfimmit sillimmataatitut pingaaruteqartutut isigineqarput.

Sulisoqarnermut tunngasunut siunnersortitut illit suleqatigiit ilagilissavatit Kalaallit Nunaanni suliffeqarfimmi sumiinneq apeqqutaatinnagu sulisussaq, illit Nukissiorfinni aqutsisut sulisoqarnermut tunnganerusutigut ikiortassallugit. Sulisoqarnermut immikkoortortaqarfiup iliuuserisatut aallartitai aamma suliffeqarfimmut sulisuinullu tapertaasutut taakkunanngalu ineriartortitsilluni suliniutai Nukissiorfiit 2022-mut Pilersaarutaanik tunngaveqarput. Illit pingaarnertut suliassatit tassaapput sulisussarsiornermi aqutsisunik ikiuisarnissaq.

Sulisoqarnermut immikkoortortaqarfimmi sulisuupput Sulisunut Inatsisileritooq, Sulisoqarnermut Siunnersorti ataaseq, Ilinniartitaanermut Siunnersorti ataaseq, Sulisoqarnermut assistenti ataaseq, ilinniartoq ataaseq aamma Sulisoqarnermut Pisortaq, illit akisussaassuseqarfigisat.

Illit makkuninnga suliaqartassaatit:

  • Sulisussarsiornermi suliassat; Nalinginnaasumik atorfinnik nittarsaassinerniit aaqqissuussanut peqataanermut
  • Sulisoqarnermut allaffissornerup iluani ingerlatsineq, pitsanngorsaaneq ineriartortitsinerlu
  • Atsiornikkut isumaqatigiissutinik, isumaqatigiissutit tapertassaannik aamma allanik sulisoqarnermut tunngasunik uppernarsaatinik pisariaqartunik suliaqartarneq
  • Sulisunit saaffiginnissutit aamma sulisunut tunngasut suliassat isumagisarnissaat
  • Sulisunik aamma suliffeqarfimmi tamarmi aqutsisunik isumasioqateqartarneq
  • Periutsinik, malittarisassanik ilitsersuutinillu pisortanut sulisunullu sananeq
  • Sulisunut quppersakkami sulisoqarnermi allaffissornerup iluani tunngasutigut ataavartumik nutarterineq
  • Sulisoqarnermut allaffissornermi system-inik atuilernissamut kivitseqataaneq

Illit piginnaanitit:

  • Tulluartumik ilinniagaqarnikkut tunuliaqutaqarneq
  • Sulisoqarnermut tunngasutigut misilittagaqarneq, aammattaaq isumaqatigiissut teknikertaannut tunngasutigut iluaqutaassaaq
  • Illit pingaartitaraat suliavit pitsaasuunissaat, aamma aaqqissuussillaqqillutit suleriaaseqartuuvutit
  • Sulisoqarnermut tunngasunik atortunik suliaqarneq ilisimavat imaluunniit assingusunik IT-mut atortunik
  • Ajunngitsumik isumaqartuuvutit suleqatigiinni suleqataarusussuseqarluartuullutit.

Illit nuannaraat sulisoqarnermut immikkoortortaqarfimmi allaffissornikkut suliassat suliarinissaat, illit allaffissornermi periutsit pilersinnissaannut aamma periutsinik pitsanngorsaanermut piginnaaneqartuuvutit. Immikkuualuttut qanoq kinguneqarsinnaanerannik paasinnissinnaavutit ulapaarfiillu nalaanni suut tamaasa qimerloorluarsinnaallugit, soorlu aamma illit tatiginartuusutit, tusarnaarsinnaasutit aamma sulisut qanoq atorfeqaraluarpataluunniit oqaloqatigisinnaalluarlugit.

Ilinnut neqeroorutigisinnaavavut:
Atorfik pissanganartoq aamma assigianngitsunik suliassartalik immikkoortortaqarfimmi ineriartortinneqartuartumi, kiisalu illit tassani sunniuteqarfigalugu peqataaffigisinnaallugu qanoq suleriaaseqarnerput.

Ilinnut periarfissaassaaq suliatigut aamma inuttut ineriartornissaq suliffeqarfimmi pissanganartumi aamma ineriartortitsinissamik aallussisumi. Sulisut iluarisimaarinninnissaat annertuumik sulissutigaarput aamma suliffeqarfimmi iluarisimaarinninnissaq annertuumik qitiutillugu.

Atorfeqartitaanermi atugassarititaasut aamma paasissutissat sukumiinerusut

Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput.

Atorfinitsitsineq pissaaq qaammatini pingasuni misilinneqarluni.

Atorfinitsitsisoqassaaq 1. december 2019 imaluunniit isumaqatigiissuteqarneq tunngavigalugu.

Atorfimmut atatillugu inissamik neqerooruteqartoqarsinnaanngilaq.

Takuuk: www.nukissiorfiit.gl Nukissiorfiit pillugit paasissutissat sukumiinerusut pissarsiariniarlugit.

Atorfimmut tunngatillugu apeqqutit Sulisoqarnermut Pisortamut Bebiane Boye Hansenimut saaffiginnissutaassapput telefon 34 95 00 imaluunniit mail aqqutigalugu: lg.ti1545137903ifroi1545137903ssiku1545137903n@ahe1545137903b1545137903

Qinnuteqarfissaq kingusinnerpaaq tassaavoq: Pingasunngorneq  28. november 2018, nalunaaqutaq 12:00.

Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit mail aqqutigalugu nassiunneqassapput uunga: lg.ti1545137903ifroi1545137903ssiku1545137903n@rh1545137903, imaluunniit allakkatigut uunga:

Nukissiorfiit

Postboks 1080

3900 Nuuk