Sulisoqarnermut immikkoortortaqarfitsinni pisortamut tullersortissarsiorpoq aamma HR-D Manageritut sulisussamik

Qaagit ineriartortitsinermullu peqataajartorlutit.

Nukissiorfinni suliniutinik pissanganartunik amerlasuunik ingerlatsivugut taamaattumik HR-imut immikkoortortaqarfimmi piginnaasanik aamma nukissanik amerlanernik pisariaqartitsivugut, suliffeqarfimmi aaqqissuussaanerup immikkoortuini tamani ineriartortitsineq tapersersorniarlugu. Aqutsisunik iniartortitsineq aallartinneqarpoq taamatuttaaq piginnaasat pitsanngorsarniarlugit ingerlatsinerit aaqqissuulluarnissaat atortumi nutaami, MindKey-mik taaguutilimmi, sulissutigineqarpoq. Anguniagaq taassaavoq suliffeqarfiup aaqqissuussaanerani iliuusissatut pilersaarusiukkamik piginnaasanik ineriartortitsinissaq.

HR-imut immikkoortortaqarfimmi sulisut suleqatigiittut marluupput, tassaasut suleqatigiit HR-imik ineriartortitsisut aammattaaq suleqatigiit inatsisinut tunngatillugu suliaqartartut – aamma sulisut pillugit allaffissornermi sullissisuusut. Ajunngitsumik angusaqarnissaq angussagaanni piumasaqaataavoq suleqatigiit taakkua marluk suleqatigiinnissaa aamma iliuuserisanik assigiinngitsunik ataqatigiissaarinissaat.

Suliffeqarfimmut pingaaruteqartorujussuuvoq inuit aqutsinermik suliaqartut, suliatigut sammisat suliarinerisa saniatigut ilumoortumik inunnik ineriartortitsinissamik aamma aqutsinermi soqutigisaqarnissaat, taava taamatut piginnaasaqarneq pingaartinneqarniarpoq.

Taamaattumik pisariaqartippavut Pisortap tullia aamma HR-D Manager:

Pisortap tullia, aammattaaq tassaasoq HR-imut pisortamut taartaasartussaq. Illit akisussaaffigissavatit suleqatigiit inatsisinut aamma sulisoqarnermut allaffissornermi suliaqartut, taakku tassaapput illit, HR-imut siunnersorti, sulisoqarnermut inatsisilerisoq, AC-fuldmægtig aamma ilinniartoq ataaseq.

Pisortap tulliatut atorfik

Illit soorlu assersuutigalugu sammisat makkua suliarisassavatit:

  • Sulisoqarnermut tunngasunik suliaqarnermi killiliussassat suliarinerat
  • Suliffeqarfimmi namminermi suleriaatsit ineriartortinneqarnerat aamma pitsanngorsarnerat
  • Suliffeqarfimmi namminermi allatassanut ilusiliussat ineriartortinneqarnerat aamma pitsanngorsarnerat, soorlu assersuutigalugit atorfinitsitsinermi isumaqatigiissut atsiugassaq, atorfimmi qaffasinnerusumi inissisimanermi akissarsiat, illuatungeriinnik tusarniaanermi aamma aalajangiinermi allakkiat, naartunermi erninermilu sulinngiffeqarnermut allakkiat il.il.
  • Sulisut mappersagaata ineriartortinneqarnera aamma pitsanngorsarneqarnera
  • Aqutsinermut atortunik ineriartortitsineq aamma pitsanngorsaaneq
  • Ingerlatsinermut suliassani aamma suliap naammassinissaani suleqatigiinni tamani peqataasarneq
  • Suliffeqarfimmi avataanilu suleqatigiissitani suliniutinilu suleqatigiinni peqataasarneq
  • Suliffeqarfiup avataani suleqatigiissitani aamma suliniutinut suleqatigiinni peqataasarneq
  • Aqutsineq aamma illit sulisuit suleqatigiit ineriartortinneqarnissaat.

Piginnaasat

  • Ilinniaqarnermut tunngatillugu tulluartumik tunngaveqarneq, ingerlaqqiffiusumik ilinniagaqarsimaneq pitsaassaaq
  • Suleqatigiinnik amerlanngitsunik aqutsinermi misilittagaqartoq HR-imut sammisumi pitsaassaaq
  • Aaqqissuulluakkamik suleriaaseqartoq immikkuualuttut soqutigalugit
  • Suleqatigiinnermi soqutigisalik, assigiinngissutsinut inissaqartitsisoq aamma aaqqiissuteqarnissanut soqutiginnittoq
  • Suleqatiginnermik piginnaasaqartoq qullersanik aamma qullersaanngitsunik avammullu
  • Aporfissat pinnagit periarfissanik isiginnittartoq
  • Oqallorissoq aamma allannermi oqaasiliullaqqissoq taamatuttaaq IT-mik atuisutut piginnaasaqarluartoq

HR-D manager

Suleqatigiit tassaapput illit aamma sulisut marluk. Ineriartortitsinermut siunnersorti aamma HR-imut assistent.

Illit soorlu assersuutigalugu sammisat makkua suliarisassavatit:

  • Pikkorissarnerit, ilinniakkami ilinniaqqinneq/piginnaasanik ineriartortitsineq aammattaaq ilinniartunut aamma praktikkertunut tunngasut
  • Suliniutinik assigiinngitsunik suliniutinut aqutsisutut aqutsineq, ilaatigut MindKey aamma E-learningip aallaavianik atuutilersitsineq.
  • Pikkorissarnerit aamma ilinniartut pillugit allaffissornikkut suliatigut killiussanik ineriartortitsineq
  • Praktikkertunik aamma ilinniakkanut tunngatillugu ilinniaqqinnernik ineriartortitsineq
  • Nukissiorfinni sulisut siunissaq eqqarsaatigalugu piginnaasaannik ineriartortitsinermi killiussanik pilersitsineq
  • Nukissiorfiit ilinniarfinni, saqqummersitsinerni assigisaannilu sinnerlugit ilisarititsisarneq
  • Suleqatigiinnik illit sulisorisannik aqutsineq aamma ineriartortitsineq
  • Sammisanik matuma siuliani taaneqartunut atatillugu allaffissornermi suliaqarneq

Immikkut piginnaasaqaruit tamakku atorneqarsinnaassapput, tassami suliffeqarfimmi ineriartornermut periutsit ingerlanneqarmata periarfissaqarluassaaq illit nammineq atorfimmi suliassanut sunniuteqarnissat.

Piginnaasat

  • Illinniakkamik tulluartumik tunngaveqarneq ilinniagaq ingerlaqqiffiusuusinnaavoq
  • HR-imi ineriartortitsinermik aamma aqutsinermik misilittagaqarneq
  • Aaqqissuussaalluakkamik suleriaaseqarneq immikkuualuttortai soqutigalugit
  • Suleqatigiinnermi soqutigisalik, assigiinngissutsinut inissaqartitsisoq aamma aaqqiissuteqarnissanut soqutiginnittoq
  • Periarfissanik takusaqarsinnaasoq akornusersuutinut taarsiullugu
  • Oqallorissoq aamma allannermi oqaasiliullaqqissoq taamatuttaaq IT-mik atuisutut piginnaasaqarluartoq

Atorfinnut taakkununnga marlunnut tunngatillugu iluaqutaassaaq oqaatsinik arlalinnik atuisinnaaneq – kalaallisut, danskisut aamma tuluttut.

Atorfeqartitaanermi atugassarititaasut

Atorfinitsitsineq pissaaq Naalakkersuisut aamma kattuffiup attuumassuteqarfigisap isumaqatigiinniarsinnaatitaasup akornanni isumaqatigiissutit atuuttut tunngavigalugit. Atorfinitsitsinermi qaammatit pingasut ingerlaneri misiliutaassapput.

Inissaq

Ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git a­tor­fi­nit­tu­mut su­li­su­nut i­nis­si­a­mik pe­qu­ser­su­gaan­ngit­su­mik in­ner­suus­si­so­qar­sin­naa­voq. I­nis­si­a­mut in­ner­suun­ne­qar­tu­mut ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git i­ne­qar­ner­mut a­ki­li­u­tit a­ki­ler­ne­qar­tas­sap­put aam­ma i­ser­ter­ner­mi qu­lar­na­veeq­qu­tit a­ki­ler­ne­qas­sal­lu­tik. Su­li­su­tut i­nis­si­aq a­tor­fe­qar­ti­taa­ner­mut at­tuu­mas­su­te­qar­poq a­tor­fe­qa­run­naar­ne­rul­lu taa­maa­tin­ne­ra­nut a­ta­til­lu­gu qi­man­ne­qas­sal­lu­ni.

I­nis­si­ap pi­so­qas­su­sia, kik­kut pi­gin­nit­tuu­ner­sut il.il. a­peq­qu­taal­lu­tik i­ne­qar­ner­mut a­ki­li­u­tit i­nis­si­al­lu pit­saas­su­si­a al­lan­ngo­rar­sin­naap­put. Su­li­su­nut i­nis­si­ap i­ni­gi­ne­qa­ler­tus­sap in­ner­suun­ne­qar­nis­saa­ta tu­ngaa­nut u­taq­qi­so­qar­tar­sin­naa­voq, taa­maam­mat u­taq­qii­saan­naa­gal­lar­tu­mik i­nis­sii­so­qar­sin­naa­sar­lu­ni, taa­ma­tut­taaq a­taat­si­moor­lu­ni i­ne­qar­fis­si­a­ni mi­ki­ne­ru­su­ni a­kun­nit­tar­fiil­lu i­nis­si­ar­taan­ni, taak­ku­na­niin­ner­mut a­ki­le­raa­ru­ti­nik a­ki­lii­so­qar­tar­poq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

Atorfiit illit soqutiginnilersippaatsit?

Atorfiit pillugit paasissutissat sukumiinerusut, HR-imut immikkoortortaqarfik aamma Nukissiorfinni periarfissarpassuit pillugit Sulisoqarnermut Pisortaq Bebiane Boye Hansen, telefonikkut +299349500, e-mailikkut lg.ti1558120335ifroi1558120335ssiku1558120335n@ahe1558120335b1558120335 imaluunniit uunga lg.ti1558120335ifroi1558120335ssiku1558120335n@rh1558120335 saaffigineqassaaq.

Atorfinitsitsinerup ingerlanneqarnissaanut tunngatillugu apeqqutit nalinginnaasut uunga saaffiginnissutigineqassapput rekrutteringskonsulent Birtha Bianco på tlf. +299 545666 eller e-mail: lg.0615581203353boj@1558120335ahtri1558120335b1558120335

Kingusinnerpaamik piffissarititaasoq aamma qinnuteqaat

Qinnuteqaat tassunga ilanngullugit paasissutissat ilinnut tunngassuteqartut (CV) ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput uunga: lg.0615581203353boj@1558120335ahtri1558120335b1558120335

Qinnuteqaat uagutsinnit tiguneqareersimassaaq kingusinnerpaamik 5. april 2019.

Takuuk www.nukissiorfiit.gl Nukissiorfiit pillugit paasissutissat sukumiinerusut pissarsiarerusukkukkit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuineq suliaraat. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqartussamik pilersuinerup pitsanngorsarnissaanik aamma annertusiartortinnissaanik suliaqartarpugut.