Sulisoqarnermut Immikkoortortaqarfimmut ilinniarnertuutut ikiortaasussaq

Qaagit ineriartortitsinermullu peqataajartorlutit.

Nukissiorfinni suliniutinik pissanganartunik amerlasuunik ingerlatsivugut taamaattumik HR-imut immikkoortortaqarfimmi piginnaasanik aamma nukissanik amerlanernik pisariaqartitsivugut, suliffeqarfimmi aaqqissuussaanerup immikkoortuini tamani ineriartortitsineq tapersersorniarlugu. Aqutsisunik iniartortitsineq aallartinneqarpoq taamatuttaaq piginnaasat pitsanngorsarniarlugit ingerlatsinerit aaqqissuulluarnissaat atortumi nutaami, MindKey-mik taaguutilimmi, sulissutigineqarpoq. Anguniagaq taassaavoq suliffeqarfiup aaqqissuussaanerani iliuusissatut pilersaarusiukkamik piginnaasanik ineriartortitsinissaq.

HR-imut immikkoortortaqarfimmi sulisut suleqatigiittut marluupput, tassaasut suleqatigiit HR-imik ineriartortitsisut aammattaaq suleqatigiit inatsisinut tunngatillugu suliaqartartut – aamma sulisut pillugit allaffissornermi sullissisuusut. Ajunngitsumik angusaqarnissaq angussagaanni piumasaqaataavoq suleqatigiit taakkua marluk suleqatigiinnissaa aamma iliuuserisanik assigiinngitsunik ataqatigiissaarinissaat.

Suliffik

Ilinniarnertuutut ikiortaasutut immikkoortortaqarfimmi sulisut allat suliarisassaannut ikiuuttassaatit. Illit suliassatit tassaanerussapput HR-system nutaaq MindKey-mut nuunnissamut piareersarnermi suliassat ajornaannerusut, matumani;

  • MindKey atuutilernissaanut projektgruppemi toqqaannartumik peqataaneq
  • Sulisut mappiini toqqorterineq torersaanerlu
  • Immersugassanik nutarsaaneq torersaanerlu
  • Suliassat suliarineqartussat assigiinngiiaartut

Suliassanut piviusunngortinneqartussanut illit piginnaasatit aamma misilittakkatit apeqqutaassapput.

Piginnaasat

Iluarissavarput illit:

  • Bachelorinngorniartutut imaluunniit kandidatinngorniartutut ilinniartuusutit, soorlu assersuutigalugu Ilisimatusarfimmi inatsisilerinermik imaluunniit inuiaqatigiilerinermik ilinniakkami ilinniartuunerit
  • Tulleriiaarilluarnermik tunngaveqarlutit suleriaaseqartuunerit
  • Sulisoqarnermut tunngassutilinnut soqutiginnittuusutit
  • IT-mut atuilluarsinnaasutit
  • Oqalutsillutit oqallorissuusuunerit aamma allatsillutit oqaasiliullaqqissuusuunerit
  • Nittartakkat aamma inuit attaveqatigiittarfiisa atornissaannik ilisimasaqartuunerit

Taakkununnga ilanngullugit iluaqutaassaaq arlariinnik oqaaseruit (kalaallisut, tuluttut aamma danskisut).

Atorfeqartitaanermi atugassarititaasut

Atorfinitsinneqarneq ingerlanneqassaaq regulativi manna: “Regulativ om løn- og ansættelsesvilkår for volontører og studentermedhjælpere m.fl. af 15. september 2016.” naapertorlugu.

Piffissamut suliffigisassatut aallaavigineqassaaq sapaatit akunneranut nalunaaquttap akunneri 15-20 akornanni, suna ilinniagaq ingerlannerit apeqqutaalluni, kisianni sukumiinerusumik isumaqatigiissutigineqarsinnaavoq. Soraarummeernissanut il.il. atatillugu eqaatsumik periuseqarnissaq neqeroorutigaarput.

Atorfimmut atatillugu inissaqartitsisinnaanermik neqerooruteqartoqanngilaq.

Atorfik pillugu sukumiinerusumik paasissutissat

Takuuk www.nukissiorfiit.gl Nukissiorfiit pillugit sukumiinerusumik paasissaqarniarlutit.

Sulisoqarnermut Immikkoortortami pisortaq Bebiane Boye Hansen attaveqarfigineqarsinnaavoq atorfik pillugu sukumiinerusumik paasisaqarusuttunit, telefon (+299) 34 95 00 imaluunniit mail lg.ti1557855570ifroi1557855570ssiku1557855570n@ahe1557855570b1557855570.

Qinnuteqaat

Qinnuteqaat tassunga ilanngullugit paasissutissat namminermut tunngasut (CV) ilinniagaqarsimanermut uppernarsaatit maili aqqutigalugu nassiunneqassapput uunga lg.ti1557855570ifroi1557855570ssiku1557855570n@rh1557855570 imaluunniit allakkatut A-tut uunga Nukissiorfiit, Postboks 1080, 3900 Nuuk.

Qinnuteqaateqarnissamut piffissarititaasoq kingusinnerpaaq

Ataasinngorneq ulloq 25. Marts 2019, nal. 12:00.

Qaammatisiutit ulluat sulilerfissaq taassaavoq piaartumik imaluunniit isumaqatigiinnikkut. Atorfinitsitsinissaq pillugu oqaloqatigiinnerit ingerlaavartumik ingerlanneqassapput.