Skibsmontøritut ilinniartoq, Nukissiorfiit Nanortalik

Nukissiorfiit nunap immikkoortuani Kujallermi skibsmontøritut lærlingimik sulisussarsiorput Kalaallit Nunaanni ilinniakkamik ingerlatsinissamut akuerisaasumik. Nukissiorfinni Nanortalimmi ilinniarninnut atatillugu sulillutit sungiusarsinnaavutit (praktik) ilinniakkavillu sungiusarnertaa naammassillugu. Nanortalimmi suliat saniatigut ilinniarnermik ingerlataqarnerup nalaani nunap immikkoortuani illoqarfinni nunaqarfinnilu allani suliassanik naammassillugit peqataasarnissamut periarfissaqarpoq.

Ulluinnarni innaallagissiorfimmi formandimut akisussaassuseqassaatit.

Uagut neqeroorutigisinnaavarput:

Praktikkernermi suliffik pissanganartoq, illit tassani suliassanik assigiinngitsorpassuarnik suliaqartassaatit, tamakku illit innaallagissiorfimmi aamma imeqarfimmi suleqatitit allat suleqatigalugit naammassisissallugit.

Ilinniartitaanerup ingerlanerani skibsmontøritut ilinniartitaanermi piumasaqaataasut malinneqassapput, taamaattumik taakkununnga ilaapput Nuummi atuarneq aamma nunap immikkoortuani praktikkerneq. Praktikkernermi suliassanut ilaapput, soorlu assersuutigalugu motoorinik dieselitortunik, ruujorinut atortunik, atortunik silaannarmik naqitsinertalinnik, atortunik hydraulikilinnik, kiassaanermut atortunik, nillarsaanermut atorunik il.il. ingutsinerit ikkussuinerillu. Atuakkamik allattuiffimmik tunineqassaatit taamaalillutit suliatigut sammisat assigiinngitsut ilinniakkamik ingerlatsinerpit nalaani suliarisarsimasatit uppernarsaasersorniassagakkit.

Sullivimmi isummersuilluarfiusumi pitsaasumillu avatangiiseqartunut ikinngutigiiffiulluarfiusumi peqataalissaatit.

Ilinniarnerup ingerlannerata nalaani aammattaaq suliassanik takkuteriasaartunik suliakkerneqartassaatit, soorlu saliineq, eqqiaaneq il.il. Nukissiorfiit qitiutippaat sullivimmi avatangiisinut tunngasut eqquutsinneqarnissaasa qulakkeerneqarnissaat.

Skibsmontøritut lærlingitut naatsorsuutigaarput illit:

  • Skibsmontøritut ilinniartitaanermi tunngaviusumik ilinniarneq naammassisimagit.
  • Tatiginartuusutit aalajaatsuusutillu aamma nammineq ilinniarninnut akisussaaqataasinnaasutit.
  • Qanilaartuusutit nutaanillu ilinniarnissannut piumassuseqartutit.
  • Suliassanik allanngorartunik ilungersunartunillu suliaqarnissat iluarigit.
  • Tutsuiginartuusutit nutaanillu ilikkagaqarusullutit immikkut suliaqarusussuseqartuusutit.

Atorfeqartitaaneq akissarsiallu SIK-p ilinniartut pillugit isumaqatigiissutaat tunngavigalugit ingerlanneqassapput. Sapinngisamik piaartumik sulilersitsisoqassaaq.

Atorfik pillugu paasissutissat sukumiinerusut:

Ingerlatsinermi akisussaasoq, formandi Alex Kristiansen tlf: +299 61 49 30, lg.ti1553271719ifroi1553271719ssiku1553271719n@kma1553271719

Apeqqutit siammasinnerusut Hr-imut apeqqutigineqassapput: lg.ti1553271719ifroi1553271719ssiku1553271719n@rh1553271719

Qinnuteqaat, CV, ilinniarsimanermik uppernarsaatit innersuussinerillu allakkatigut uunga nassiunneqarsinnaapput:

Nukissiorfiit

Postboks 1080

3900 Nuuk

Mail lg.ti1553271719ifroi1553271719ssiku1553271719n@rh1553271719

 Qinnuteqarnissamut killigititaq: 18. marts 2019

 Inussiarnersumik qinnuigineqarputit sulisussarsiorluni allagarsiissut sumi takusimanerlugit ilisimatitsissutigissagit.