Qaqortumi kiassaanermik pilersuinermut formandi

Nukissiorfiit nunap immikkoortuani Kujallermi formandissarsiorput ingerlatsinermut aamma aserfallatsaaliuisarnermut, kiisalu Qaqortumi kiassaanermik pilersuinermut attuumassuteqartunik teknikimut atortunik pitsanngorsaanermut akisussaaqataarusuttumik. Nunap immikkoortuani allani illoqarfinni aamma nunaqarfinni ilaatigut suliassaqartarsinnaavoq. Formandi ulluinnarni teamlederimut akisussaaffeqassaaq, kiisalu aamma nunap immikkoortuani aqutsisunik innersuussisoqarneratigut aamma isumaqatigiissuteqarnermi suliassanik naammassisaqartassalluni. Sapinngisamik piaarnerpaamik imaluunniit isumaqatigiissuteqarnikkut atorfinitsitsisoqassaaq.

Suliassaqarfiit:
Formandip peqataaffigissavai suliffiup iluani periutsit malinneqartarnissaat kiisalu inatsisit atuuttut sutigut tamatigut eqquutsinneqartarnissaat, tamatumani isumannaallisaanermut aamma oqartussaasut piumasaqaataat annertuumik qiutinneqartassallutik. Suliassat pingaarnerit tassaapput:
• Ulluinnarni kiassaanermik nioqqutissiornermi aamma kiassaanermik siaruarterinermi atortut ingerlatsinermut aamma Qaqortumi taakkununnga attuumassuteqartunik illuutigisanik aserfallatsaaliuisarnermut tunngasut suliassat.
• Ingerlatsinerup pitsanngorsarneqarneranut iliuuserisassanik siunnersuuteqaqataasarnissaq kiassaanermik nioqqutissiornermut aamma kiassaanermik siaruarterinermut atortut naammassisaqarluarnerusarnissaat eqqarsaatigalugit.
• Nunaminertat aamma teknikimut atortut paarilluagaasarnissaannik, salinneqartarnissaannik aamma Nukissiorfiit sinnerlugit isikkuminartuutittarnissaannik qulakkeerinnittarnissaq.
• Qaqortumi aamma Qorlortorsuarmi Nukissiorfiit atortuini suliassat takkuteriasaartut.

Formandi ulluinnarni Qaqortumut attaveqartuussaaq, kisianni aammattaaq peqquneqarluni nunap immikkoortuani illoqarfinnut allanut imaluunniit nunaqarfinnut angalasassalluni. Illit naatsorsuutigissavat teknikimut atortunik ilinniartinneqareernerpit kingornatigut Qaqortumi pigaartuusarnissamut.

Suleqatissarsiorpugut makkuninnga piginnaasalimmik:
• Suliatigut teknikimik ilinniagaqartuusoq VVS montøritut, skibsmontøritut, uunnaavissuarnik nakkutilliisutut imaluunniit assingusunik piginnaalik.
• Kissarsuutinik uuliatortunik, uunnaavissuarnik kiisalu kiassaanermik siaruarterinermik ingerlatsinermik suliatigut ilisimasalik.
• Biilersinnaanermut immaqalu biilersuarnik ingerlatsisinnaanermut allagartalik.
• Nammineerluni innersuunneqaqqaarnani sulisinnaasumik, soorlu aamma ilitsersorneqareernermi.
• Suleqatigiit suliatigut qanoq ilinniagaqarnerat apeqqutaatinnagu pitsaasumik suleqatigiinnissamut piginnaanilik.
• Isumassarsillaqqissoq aamma aallarniisinnaanissamut kajumittoq, illit killiliussat pinnagit periarfissat takusinnaavatit.

Neqeroorutigisinnaavavut:
• Atorfik pissanganartoq suliatigut aamma inuttut unamminartortalik.
• Anguniagaqarluarnissaq siunertaralugu suliassanik ilitsersorneqarneq.
• Sullivimmi avatangiisit isumassarsiffiulluartartut aamma pitsaasuusut ikinngutigiilluarfiusut.
• Sullivik suliaqarfiulluartartoq inuttut aamma suliatigut ineriartornissamut periarfissaqarfiulluartoq.

Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput.Sapinngisamik piaartumik atorfinitsitsisoqassaaq. Atorfimmut atatillugu inissaqartitsisoqanngilaq. Nukissiorfiit pillugit paasissutissat pillugit takuuk: www.nukissiorfiit.gl.

Atorfik pillugu annertunerusumik paasissutissat pillugit saaffigineqassaaq:
Ingerlatsinermut akisussaasuulluni teamlederi teamleder Michael B. Christensen +299 53 31 13, mail: lg.ti1542428957ifroi1542428957ssiku1542428957n@CBI1542428957M1542428957

Apeqqutit nalinginnaanerusunut tunngasut pillugit Sulisoqarnermut immikkoortortaqarfik saaffigineqassaaq: lg.ti1542428957ifroi1542428957ssiku1542428957n@rh1542428957

Kingusinnerpaamik qinnuteqaateqarfissaq: sisamanngorneq ulloq 23. aggusti 2018.

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput uunga:

Nukissiorfiit
Postboks 1080
3900 Nuuk
Mail: lg.ti1542428957ifroi1542428957ssiku1542428957n@rh1542428957