Qaanaaq Innaallagissiorfimmi sulisussamik/Qaanaami formandissamik

Nukissiorfiit Avannaani Qaanaami innaallagissiorfimmi sulisussamik sapinngisamik pilertornerpaamik imaluunniit isumaqatigiissuteqarnikkut atorfinittussamik sulisussarsiorput. Suliassat pingaarnerit tassaapput kiassaateqarfimmi aamma Qaanaami sillimmatitut innaallagissiorfimmi aamma nunaqarfiini atortuinilu suliassat.

Suliassat:

  • Innaallagissiorfinni atortunik aamma illuutaannik ingerlatsineq aamma aserfallatsaaliuisarneq, tassunga ilanngullugit sumi tamani saliisarneq aamma eqqiaasarneq
  • Kingoraartissanik aamma ajoquteqalersimasunik atortunilu amigaataasunik nakkutiginninneq aamma quersuarnittuutinut atortoq aqqutigalugu kingoraartissanik allattuisarneq
  • Ingerlatsinerup isumannaatsuunerunissaanik pitsanngorsaalluni suliaqarneq
  • Pigaartuusarnermi peqataaneq
  • Suliassat takkuteriasaartut

Suleqatissarsiorpugut makkuninnga piginnaanilimmik:

  • Suliatigut tulluartumik ilinniagaqarneq (maskinmesteritut, skibsmontøritut imaluunniit assingusumik)
  • Atortut maskiinallu assigiinngitsut atorsinnaanerat, aamma maskiinanik angisuunik aserfallatsaaliuisarnermik misilittagaqarneq iluaqutaassaaq
  • Dieselitortunik motoorinik aserfallatsaaliuisarnermik misilittagaqarneq
  • Sulianut tunngasunik ilisimasaqarneq
  • Allannguinernut sungiussiassuusoq suliffimmullu tunngasunik allanngortoqartillugu sulisinnaassuseqartoq kiisalu immikkut iliuuseqarsinnaasumik tamanna pisariaqaleraangat
  • Biilersinnaanermut allagartaqartoq
  • Aalajaalluni suliartortartoq aamma suleqatiginnikkusussuseqartoq

Neqeroorutigisinnaavavut:

  • Suliffik pikkorissuunermik malunnaatilik aamma suliffeqarfik pimoorussinermik kulturilik
  • Atorfik pissanganartoq, nammineq aalajangiisinnaassuseqarluarnermik ilaqartoq aamma ulluinnarni sulinerup sunniuteqarfiginissaanut periarfissartalik
  • Suliffimmi avatangiisit uummaarissut, tassani illit nammineq inuttut suliatigullu ineriartornissamut periarfissaqarputit
  • Ataatsimoorneq pitsaasoq, tassani sulinermik nuannarisaqarneq qitiutipparput.

Atorfeqartitaanermi atugassarititaasut

Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Atorfimmut atatillugu inissaqartitsisoqanngilaq.

Paasissutissat sukumiinerusut atorfimmi suliassanut tunngasut Teamleder Jan Husted Andersen-imut saffiginnissutaassapput email: lg.ti1553240755ifroi1553240755ssiku1553240755n@uha1553240755j1553240755 imaluunniit oqarasuaat +299 59 42 66. Apeqqutit ataatsimut paasissutissanut tunngasut HR-imut saaffiginnissutigineqassapput: Sulisoqarnermut immikkoortortaqarfik lg.ti1553240755ifroi1553240755ssiku1553240755n@rh1553240755 imaluunniit tlf. (+299) 34 95 00. Nukissiorfiit pillugit annerusumik paasisaqarit, takuuk: www.nukissiorfiit.gl.

Qinnuteqaateqarnissamut piffissarititaasoq kingusinnerpaaq:

Marlunngorneq 22. januar 2019.

Qinnuteqaat tassunga ilanngullugit paasissutissat imminut tunngassuteqartut (CV) ilinniagaqarsimanermut uppernarsaatip aamma siullermik suliffigisimasanit oqaaseqaatit assilineri, allakkatigut A-tut imaluunniit mail aqqutigalugu nassiunneqassapput uunga:

Nukissiorfiit

Postboks 1080

3900 Nuuk

E-mail: lg.ti1553240755ifroi1553240755ssiku1553240755n@rh1553240755