Nuummi kiassaateqarnermut Nukissiorfiit assistentissarsiorput

Nunap immikkoortortaqarfia Nuuk kiassaateqarnermut assistentissarsiorpoq teknikimut tunngasumik ilinniagalimmik imaluunniit assingusumik suliffimmut pissanganartumut aamma unamminartortalimmut. Illit Kiassaanermik Pilersuinermut teamlederimut akisussaaffeqassaatit.

Illit kiassaanermik nioqqutissiornermut aamma siaruarterinermut atortunik ulluinnarni ingerlatsinermut tunngasunik suliaqartassaatit.

Akisussaaffigisami suliassanut tunngasut suliatigut pitsanngorsaanermi aamma ineriartortitsinermi peqataasassaatit.

Illit pingaarnertut suliassavit ilagaattaaq peqqussutaasunut atatillugu allaffissornikkut iliuuserisassat, ilitsersuutit innersuussutillu.

Suleqatissarsiorpugut makkuninnga piginnaasalimmik:
– Suliatigut naleqquttumik teknikimut tunngasumik ilinniagalik
– Kissarsuut uuliatortoq pillugu 1, 2, 3-mik pikkorissarsimasumik – naleqqussaanermut pikkorissarneq
– Ungasianit kiassaanermi teknikimik nakkutilliineq
– Nammineq sulisinnaasumik soorlu aamma suleqatigiinni sulisinnaassuseqartumik
– Isumassarsillaqqissumik aallarniuteqarusussuseqartumillu, killiliussat pinnagit periarfissanik isiginnissinnaasoq
– Illit kalaallisut danskisullu oqalullutillu allassinnaavutit
– EDB-mik atuisutut ilisimasaqartumik
– Biilersinnaanermut allagartaqartumik.

Ilinnut neqeroorutigisinnaavavut:
– Atorfik pissanganartoq avatangiisini assigiinngitsuni, suleqatigiittut suleqatigiiffiusumi
– Atorfiup imarisaanut sunniuteqarnissamut periarfissat pitsaasut
– Inuttut aammattaaq suliatigut ineriartornissamut periarfissat pitsaasut.

Atorfeqartitaanermi atungassarititaasut:
Atorfinitsinneqarneq Kalaallit Nunaanni Naalakkersuisut aamma kattuffiup attuumassuteqarfigisap tulluartup akornanni isumaqatigiissutit tunngavigalugit. Inissamik innersuussisoqarsinnaanngilaq. Namminersornerullutik Oqartussani atorfeqarnermut atatillugu inissamik innersuussiffigineqareersimaguit, taava inissamut innersuunneqarsimasumut pisinnaatitaaffik pigiinnarneqarsinnaavoq.

Nukissiorfiit suliffeqarfiuvoq nunami innaallagissamik, imermik aamma kiassaanermik pilersuisoq, taamaattumillu Kalaallit Nunaanni nutaaliaasumik inuuneqarnissamut pisariaqartuulluni. Suliffeqarfiup ingerlatarai tunngaviusumik attaveqaasersuineq taamaattumillu nunap suli ineriartoqqinnissaanut atatillugu pingaaruteqartuuvoq. Suliffeqarfiup allaffeqarfia Nuummi qullersaqarfimmi ataatsimoorpoq. Sulisuvut 400-it missaanniittut illoqarfinni 17-ini aamma nunaqarfinni 53-ini siaruarsimapput.

 Nukissiorfiit pillugit paasissutissat amerlanerusut pissarsiariniarlugit takuuk: www.nukissiorfiit.gl

Atorfimmut tunngatillugu paasissutissat sukumiinerusut saaffiginnissutaassapput uunga:
Kiassarnermik pilersuinermut Teamleder Timo Schaedla, lg.ti1542699422ifroi1542699422ssiku1542699422n@cst1542699422 imaluunniit telefonikkut saaffiginninnermi tlf. 34 22 82 imaluunniit 55 74 09.

Apeqqutit nalinginnaanerusunut tunngasut saaffiginnissutigineqassapput uunga:

lg.ti1542699422ifroi1542699422ssiku1542699422n@rh1542699422.

Qinnuteqaat paasissutissat imminut tunngasut (CV) ilanngullugit, ilinniagaqarsimanermut uppernarsaatip assilinera aamma oqaaseqaatit ilanngullugit allakkatigut A-tut nassiunneqassapput uunga:

Nukissiorfiit
Postboks 1080
3900 Nuuk
E-mail: lg.ti1542699422ifroi1542699422ssiku1542699422n@rh1542699422

Kingusinnerpaamik qinnuteqaateqarnissamut piffissarititaasoq: 11. Septemberi 2018.