Nukissiorfinni sulisoqarnermut immikkoortortaqarfik pisortamut tullersortissarsiorpoq

Sulisoqarnermut Immikkoortortaqarfimmi aallussilluartumik pisortamut tullersortissarsiorpugut sulisoqarnermut pisortamut ikiortaanermi saniatigut nammineq inatsisinut aamma sulisoqarnermut tunngasunik allaffissornermi suliassanik aqutsisussamik.

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuupput. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqarsinnaasumik pilersuinerup pitsanngorsarnissaanik aamma annertusiartortinnissaanik suliaqartarpugut.

Sulisoqarnermut immikkoortortaqarfik pillugu

HR-imi sulisut suleqatigiittut marluupput tassaasut Ilinniartitaanermut tunngasunut Suleqatigiit aaamma Inatsisinut aamma Sulisunik Sullissinermut Suleqatigiit.

Pisortamut tullersortaasup toqqaannartumik Inatsisilerinermut aamma Sulisunik Sullissinermut Suleqatigiinni sulisut akisussaaffigissavai, Pisortamut Tullersortaasup saniatigut Sulisoqarnermut Inatsisileritooq inatsisilerinermut tunngasunut suleqatigiiussallutik, kiisalu AC-fuldmægtig ataaseq, sulisoqarnermut siunnersorti ataaseq aamma sulisoqarnermut tunngasunik ilinniartoq ataaseq tassaassallutik sulisoqarnermi allaffissornermut tunngatillugu suleqatigiit. Atorfiit inuttaqanngikkallartut tassaapput Sulisoqarnermut Inatsisileritooq aamma AC-Fuldmægtig ataaseq, Pisortamut Tullersortip atorfinitsinneqareernerata kingornatigut atorfinnut taakkununnga sulisussarsiorneq aallartissaaq.

Ilinniartitaanermut tunngasunut suleqatigiit inuttaqarpoq HR-D Manager ataaseq, Ilinniartitaanermut Siunnersortimik ataatsimik aamma Sulisoqarnermut Assistentimik ataatsimik.

Sulisoqarnermut Immikkoortortaqarfiup Nukissiorfinni aqutsisoqarfinni tamani aqutsisut sullittassavai, atorfininnermiit soraarnermut Ilinniartitaanermut tunngasutigut Suleqatigiit suliassaasigut aamma Inatsisilerinermut aamma Sulisoqarnermut Allaffissornermi Suleqatigiit suliassaasigut sutigut tamatigut pitsaasumik tunngavissaqarluartumillu siunnersortassallugit.

Tamakku saniatigut Sulisoqarnermut Immikkoortortaqarfiup qulakkeertussaavaa aqutsisut aqutsisutut sakkussaminnik pisariaqartitaminnik pigisaqarnissaat, ilaatigut sulisoqarnermut politikit, sulisut mappersagaat imaluunniit naammagisimaarinninnermut aamma sulinngitsoortarnermut atatillugu il.il. oqaloqatiginninnissamut immersugassanik. Tamakku saniatigut Sulisoqarnermut Immikkoortortaqarfiup qulakkiigassaraa sulisut siunissaq eqqarsaatigalugu ineriartortinneqarnissaat pikkorissarnissamut aamma ilinniaqqinnissamut pitsaasunik periarfissaqartitsinikkut.

Sulisoqarnermut Immikkoortoqarfimmi HR-imi sullissinermut atortoq nutaaq, MindKey, atulertussanngorpaat. Pisortamut tullersortaasoq atuutilersitsinissamut suliaqarnermi peqataassaaq.

Atorfik

Tamatuma saniatigut pisortamut tullersortip sulisoqarnermut pisortaq ikiortassavaa, taassuma peqannginnerani taartaasarluni.

Nukissiorfinni Sulisoqarnermut Immikkoortortaqarfimmi pisortamut tullersortitut inatsisilerinermut kiisalu sulisoqarnerup aqunneqarnera tamakkiisumik akisussaaffigissavatit, toqqaannartumik suleqatigiinni sulisunut akisussaasuussallutit.

Tamakku saniatigut suliassat ilaatigut tassaassapput:

  • Sulisoqarnermut tunngasunik suliaqarnermi killiliussassat suliarinerat
  • Suliffeqarfimmi suleriaatsit ineriartortinneqarnerat aamma pitsanngorsarnerat
  • Suliffeqarfimmi namminermi allatassanut ilusiliussat ineriartortinneqarnerat aamma pitsanngorsarnerat, soorlu assersuutigalugit atorfinitsitsinermi isumaqatigiissut atsiugassaq, atorfimmi qaffasinnerusumi inissisimanermi akissarsiat, illuatungeriinnik tusarniaanermi aamma aalajangiinermi allakkiat, naartunermi erninermilu sulinngiffeqarnermut allakkiat il.il.
  • Sulisut mappersagaata ineriartortinneqarnera aamma pitsanngorsarneqarnera
  • Aqutsinermut atortunik ineriartortitsineq aamma pitsanngorsaaneq
  • Ingerlatsinermut suliassani aamma suliap naammassinissaani suleqatigiinni tamani peqataasarneq
  • Suliffeqarfimmi avataanilu suleqatigiissitani suliniutinilu suleqatigiinni peqataasarneq
  • Suliffeqarfiup avataani suleqatigiissitani aamma suliniutinut suleqatigiinni peqataasarneq
  • Suliassat takkuteriasaartutImmikkut piginnaaneqaruit tamakku atorluarneqarsinnaassapput, tassami suliffeqarfimmi ineriartortitsinermi periarfissagissaarpoq illit atorfimmi suliassanut sunniuteqarnissat.

Piginnaanerit

Cand.jur.-itut imaluunniit cand.merc.jur.-itut ilinniagaqarputit sulisoqarnermut tunngasunik sivisuumik misilittagaqarlutit. Pisortat suliffeqarfiutaanni suliassanik suliarinnittartutut misilittagaqartuuvutit, kalaallini pissutsinik ilisimasaqarluartuullutit aamma aqutsinermik misilittagaqaruit iluaqutaassaaq. Tamakku saniatigut pingaartipparput illit:

  • Aaqqissuulluakkamik suleriaaseqartutit suliarisat immikkuualuttuinik pingaartitsillutit
  • Naammassisaqarusussuseqartuusutit aamma aaqqiissutissarsiortartuusutit
  • Aporfissat pinnagit periarfissanik isiginnittartoq
  • Oqallorissoq aamma allannermi oqaasiliullaqqissoq taamatuttaaq IT-mik atuisutut piginnaasaqarluartoq.

Tamakku saniatigut iluaqutaassaaq oqaatsinik arlalinnik oqalussinnaanerit, kalaallisut, danskisut aamma tuluttut.

Atorfeqartitaanermi atugassarititaasut aamma paasissutissat sukumiinerusut

Atorfinitsitsineq pissaaq Naalakkersuisut aamma kattuffiup attuumassuteqarfigisap akornanni kattuffiup isumaqatigiissutai/isumaqatigiissutit tunngavigalugit. Takuuk www.nukissiorfiit.gl Nukissiorfiit pillugit paasissutissat sukumiinerusut pissarsiarerusukkukkit. Atorfik pillugu apeqqutinut tunngatillugu saaffigineqassaaq Sulisoqarnermut Pisortaq Bebiane Boye Hansen, telefonikkut +299349500, e-mailikkut lg.ti1550518242ifroi1550518242ssiku1550518242n@ahe1550518242b1550518242 imaluunniit uunga lg.ti1550518242ifroi1550518242ssiku1550518242n@rh1550518242.

Atorfimmut atatillugu inissaqartitsisoqanngilaq.

Qinnuteqaateqarnissamut kingusinnerpaamik piffissarititaasoq tassaavoq 26. februaari 2019.

Qinnuteqaat tassunga ilanngullugit paasissutissat ilinnut tunngassuteqartut (CV) ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput lg.ti1550518242ifroi1550518242ssiku1550518242n@rh1550518242 imaluunniit allakkatigut A-tut nassiunneqassapput uunga: Nukissiorfiit, Postboks 1080,

3900 Nuuk.