Nukissiorfiit Sulisoqarnermut Immikkoortortaqarfiat HR-D Managerimik pissarsiorpoq

Sulisoqarnermut Immikkoortortaqarfimmut HR-D Managerimik aallussilluartumik pissarsiorpugut nammineerluni Ineriartortitsinermut Suleqatigiinnik aqqutsisussamik HR-imi Pisortamut akisussaaffeqarluni.

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuupput. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuusugut, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqarsinnaasumik pilersuinerup pitsanngorsarnissaanik aamma annertusiartortinnissaanik suliaqartarpugut.

HR-imut immikkoortoqarfik pillugu

HR-imi sulisut suleqatigiittut marluupput tassaasut Ineriartortitsinermut Suleqatigiit aaamma Inatsisinut aamma Sulisunik Sullissinermut Suleqatigiit.

HR-D Manager Ineriartortitsinermut Suleqatigiinni sulisunut akisussaasuussaaq taakku tassaapput HR-D Manager nammineq, Ilinniartitaanermut siunnersortit aamma HR-imi Assistenti.

Inatsisinut aamma Sulisunik Sullissinermut Suleqatigiit tassaapput Pisortap Tulia 1 aamma Sulisoqarnermut Inatsisileritooq 1, taakkua inatsisinut tunngatillugu suleqatigiipput aammattaaq AC-Fuldmægtig ataaseq, HR-imut Siunnersortit ataaseq, kiisalu HR-imi ilinniartoq ataaseq taakkua sulisoqarnermi allaffissornermut tunngatillugu suleqatigiiussapput.

Sulisoqarnermut Immikkoortortaqarfiup Nukissiorfinni aqutsisunik tamanik sullissisuupput suliarivaallu periutsit ingerlanerat tamakkerlugu pitsaasumik aamma tunngavilersugaasumik siunnersuineq, atorfinitsitsinermiit soraarsitsinissaq ilanngullugu, Ineriartortitsinermut Suleqatigiit aammattaaq Inatsisinut aamma Sulisunik Sullissinermut Suleqatigiit akornanni.

Tamakku saniatigut Sulisoqarnermut Immikkoortortaqarfiata qulakkeertussaavaa aqutsisut aqutsisutut aqutsisutut sakkussaminnik pisariaqartitaminnik pigisaqarnissaat, ilaatigut sulisoqarnermut politikit, sulisut mappersagaat imaluunniit naammagisimaarinninnermut aamma sulinngitsoortarnermi il.il. oqaloqatiginninnissamut immersugassanik. Tamakku saniatigut Sulisoqarnermut Immikkoortortaqarfiup qulakkiigassaraa sulisut siunissaq eqqarsaatigalugu ineriartortinneqarnissaat pikkorissarnissamut aamma ilinniaqqinnissamut pitsaasunik periarfissaqartitsinikkut.

Sulisoqarnermut Immikkoortoqarfimmi HR-imi sullissinermut atortoq nutaaq, MindKey, atulertussanngorpaat. HR-D Manager atuutilersitsinissamut suliaqarnermut peqataasussaavoq.

Atorfik

HR-D Manageritut Nukissiorfinni Sulisoqarnermut Immikkoortortaqarfimmi Ineriartortitsinermut Suleqatigiit akisussaaffigissavatit, sulisunut taakkununnga sulisoqarnermut akisussaassallutit.

Tamatuma saniatigut illit suliassatit ilaatigut tassaapput:

  • Sammisatigut akisussaaffinnut ilaapput pikkorissarnerit, ilinniakkami ilinniaqqinneq/piginnaasanik ineriartortitsineq aammattaaq ilinniartunut aamma praktikkertunut tunngasut
  • Suliniutinik suliniutinut aqutsisutut aqutsineq, ilaatigut MindKey aamma E-learningip aallaavianik atuutilersitsineq. Taakku saniatigut suliffeqarfimmi namminermi suliniutinik aqutsineq soorlu NukiDoc, toqqorsivilerineq aamma workflow-imi il.il. suliassat allat
  • Pikkorissarnerit aamma ilinniartut pillugit allaffissornikkut suliatigut killiussanik Ingerlatsineq, pitsanngorsaaneq aamma ineriartortitsineq
  • Praktikkertunik aamma ilinniakkanut tunngatillugu ilinniaqqinnernik ingerlatsineq, pitsanngorsaaneq aamma ineriartortitsineq
  • Nukissiorfinni sulisut siunissaq eqqarsaatigalugu piginnaasaannik ineriartortitsineq, suliffeqarfiup ataavartumik nukissiamik atuinermini annertusiartortitsinerata tapersersorlugu
  • Nukissiorfiit ilinniarfini, saqqummersitsinerni assigisaannilu sinnerlugit ilisarititsisarneq. Tamatumunnga ilaavoq angasarnerit amerlalaartut
  • Naatsorsuutigisariaqassavat allaffissornermi ingerlatsinermut nalinginnaasunik suliaqartarnissat
  • Suliassat takkuteriasaartartut allat

Immikkut piginnaasaqaruit tamakku atorneqarsinnaassapput, tassami suliffeqarfimmi ineriartornermut periutsit ingerlanneqarmata periarfissaqarluassaaq illit nammineq atorfimmi suliassanut sunniuteqarnissat.

Piginnaasat

  • Illinniakkamik tulluartumik tunngaveqarneq ilinniagaq ingerlaqqiffiusuusinnaavoq
  • Tamatuma iluani misilittagaqarneq
  • Aaqqissuussaalluakkamik suleriaaseqarneq immikkuualuttortai soqutigalugit
  • Pisimasunik soqutigisalik aamma aaqqiissuteqarnissamut soqutiginnittoq
  • Periarfissanik takusaqarsinnaasoq akornusersuutinut taarsiullugu
  • Oqallorissoq aamma allannermi oqaasiliullaqqissoq taamatuttaaq IT-mik atuisutut piginnaasaqarluartoq

Tamatumunnga ilanngullugu iluaqutaassaaq oqaatsinik arlalinnik atuisinnaaneq – kalaallisut, danskisut aamma tuluttut.

Atorfeqartitaanermi atugassarititaasut aamma paasissutissat sukumiinerusut

Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput.

Takuuk: www.nukissiorfiit.gl Nukissiorfiit pillugit paasissutissat sukumiinerusut pissarsiariniarlugit.

Atorfimmut tunngatillugu apeqqutit Sulisoqarnermut Pisortamut Bebiane Boye Hansenimut saaffiginnissutaassapput telefon 34 95 00 imaluunniit mail aqqutigalugu: lg.ti1568761235ifroi1568761235ssiku1568761235n@ahe1568761235b1568761235

Atorfimmut atatillugu inissamik neqerooruteqartoqarsinnaanngilaq.

Qinnuteqarfissaq kingusinnerpaaq tassaavoq: 26. Februar 2019.

Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit mail aqqutigalugu nassiunneqassapput uunga: lg.ti1568761235ifroi1568761235ssiku1568761235n@rh1568761235, imaluunniit allakkatigut uunga:

Nukissiorfiit

Postboks 1080

3900 Nuuk