Nukissiorfiit Qaqortoq Teamlederissarsiorput

Misilittagaqarluartumik Teamlederissarsiorpugut Nukissiorfiit Qaqortumi innaallagissamik aamma kiassaanermik tassungalu attuumassuteqartumik imermit nukissiorfimmit nioqqutissiornermik ingerlatsinerannik akisussaaffeqarsinnaasumik. Aqutsisutut atorfik unamminartortaqarfiusoq pineqarpoq nuna tamakkerlugu suliffeqarfiusumi teknikimut tunngasunik sulianut ilisimasaqarfiulluartumi aamma inuiaqatigiinnut annertuumik akisussaaffeqartumik. Nukissiorfiit niuernikkut ineriartortitsinerup pissanganartup qeqqaniipput, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissiamik pilersuinerup ineriartorteqqinnera aamma ataavartumik nukissiamik pilersuinerup pitsaanerulersinneqarnera tamatumunnga ilanngullugu kiassaanermik pilersuinerup qitiutinneqarnerisa pingaartinneqarnerat angusarissaarniarluni anguniakkat aamma killiliussatut piumasaqaataasut unamminartut atorlugit.

Atorfik

Atorfimmi Qaqortumi ingerlatsinermik akisussaasuusumut Teamlederimut akisussaaffeqassaatit, innaallagissamik aamma kiassaanermik nioqqutissiornermi teamlederitut illit formandinut 2-nut, sulisunut 2-nut aamma lærlingimut akisussaaffeqassallutit, suliassatit pingaarnerit ilaatigut makkuupput:

  • Ingerlatsinermut pilersaarusiorneq aamma malitseqartitsisumik ingerlatsinermi aamma aserfallatsaaliuinermi paasissutissanik nalunaarsuisarneq
  • Qaqortumi aamma Qorlortorsuarmi innaallagissamik aamma kiassaanermik nioqqutissiornermi Nukissiorfiit teknikimut atortuinik ingerlatsineq aamma aserfallatsaaliuisarneq, kiisalu nunap immikkoortuani illoqarfinni allani aamma nunaqarfinni tapersersuisarneq
  • Qaqortumi ingerlatsinermut aamma quersuarni toqqortaatinut pisiniartarnermut akisussaasuuneq
  • Illit suleqatigisavit piginnaanngorsarlugit ineriartortinnissaat aamma nioqqutissiornermut atortunik illit akisussaaffigisannik nakkutilliineq
  • Sanaartugassanik pilersaarusiorneq aamma tunniunneqannginneranni suliarinerata nalaani nakkutilliineq
  • Missingersuusiorneq tamatuminngalu malitseqartitsineq ingerlatsinermut akisussaasuulluni teamlederi suleqatigalugu

Teamlederitut illit aammattaaq suliffeqarfiup iluani suleqatigiissitanut suliniuteqarnermullu suleqatigiinnut peqataasassaatit, soorlu aamma illit Nukissiorfiit sinnerlugit avammut tunngasutigut saqqummertassallutit. Immikkut piginnaaneqaruit tamakku atorluarneqarsinnaassapput, suliffeqarfiup aamma nunap immikkoortuani ineriartortitsinermi periarfissaqassammat illit atorfimmi suliassanut sunniuteqarsinnaanissat.

Piginnaasat

Atorfimmut illillu iluatsitsilluarnissannut arlalinnik periarfissaqarpoq, pingaartuutinneqarporli illit nukissiornermi teknikikkut ingerlatsinermik misilittagaqartuunerit SRO-mik atortumik ilisimasaqarlutit kiisalu innaallagissamik nioqqutissiornermik kiisalu kiassaanermik pilersuinermik atortunik ingerlatsinermik aserfallatsaaliuisarnermillu ilisimasaqartuunerit. Tamatuma saniatigut naatsorsuutigineqarpoq illit aqutsisutut misilittagaqartuunerit, aamma illit sulisorisavit kajumissuseqartinnissaannut aamma angusaqarluarnissaq siunertaralugu suleqatigiinnikkut piginnaasaannik ineriartortitsinermut piginnaaneqarnissat aamma paasissutissiisarnikkut akuliutsitsilluartartuunissaq. Tamatuma saniatigut pingaartipparput illit makkuninnga piginnaasaqarnissat:

  • Teknikimut tunngasumik tulluartumik ilinniagaqartuunissat, soorlu assersuutigalugu maskinmesteritut, maskiningeniøritut imaluunniit elinstallatøritut
  • Aaqqissuulluakkamik suleriaaseqarnissaq sunnguit tamaasa pingaartittarnissaannut piginnaaneqarneq, allaffissornikkut pikkorissuuneq aamma aningaasaqarnermut paasinnilluarsinnaaneq
  • IT-mik atuisutut pitsaasunik piginnaaneqarneq biilersinnaanermullu allagartaqarneq
  • Niuernermik tamanik malinnaajutigaluni nutaaliorsinnaanermut piginnaaneqarneq
  • Iluaqutaassaaq illit kalaallit inuiaqatigiinnik paasisimasaqartuunissat aamma kalaallisut qallunaatullu oqalussinnaanissat.

 

Atorfeqartitaanermi atugassarititaasut aamma paasissutissat sukumiinerusut

Akissarsiat aamma a­tor­fe­qar­ti­taa­ner­mi a­tu­gas­sa­ri­ti­taa­sut Naa­lak­ker­su­i­sut aam­ma kat­tuf­fi­up at­tuu­mas­su­te­qar­fi­gi­sap a­kor­nan­ni i­su­ma­qa­ti­giis­su­tit tun­nga­vi­ga­lu­git i­nger­lan­ne­qas­sap­put.

A­tor­fim­mut a­ta­til­lu­gu i­nis­sa­qar­tit­si­so­qar­sin­naa­voq ta­ma­tu­mun­nga a­ta­til­lu­gu ma­le­ru­aq­qu­sat a­tuut­tut naa­per­tor­lu­git. Nam­mi­ner­sor­lu­tik O­qar­tus­saq aq­qu­ti­ga­lu­gu a­tor­fe­qar­ti­taa­ner­mut a­ta­til­lu­gu i­nis­sa­mik in­ner­suus­si­so­qar­si­map­pat a­tor­fe­qar­ti­taa­ner­mut a­ta­til­lu­gu i­ni­mut in­ner­suun­ne­qar­si­ma­su­mut pi­sin­naa­ti­taaf­fiit pi­giin­nar­ne­qas­sap­put.

Atorfimmut tunngasut apeqqutit imaluunniit atorfinitsinneqarnermi atugassarititaasut pillugit Suleqatigiinni aqutsisoq ingerlatsininnermut akisussaasoq Jan Hagberg, tlf. 647820, mobil: 53 62 62 imaluunniit e-mail: jaha@nukissiorfiit.gl saaffiginnissutigineqarsinnaapput.

Paasissutissat nalinginnaanerusut Sulisoqarnermut Immikkoortortaqarfimmut, HR-imut, saaffiginnissutigineqarsinnaapput: lg.ti1548258552ifroi1548258552ssiku1548258552n@RH1548258552 imaluunniit +299 34 95 00.

Qin­nu­te­qaat tas­su­nga i­lan­ngul­lu­git paa­sis­su­tis­sat i­lin­nut tun­ngas­su­te­qar­tut (CV), i­lin­ni­a­ga­qar­si­ma­ner­mut up­per­nar­saa­tit aam­ma si­or­na­ti­gut su­lif­fi­gi­si­ma­sa­nit o­qaa­se­qaa­tit as­si­li­ne­ri i­lan­ngul­lu­git allakkatigut A-tut nassiunneqassapput postboks 1080, 3900 Nuuk, imaluunniit ma­i­lik­kut uu­nga: hr@nu­kis­si­or­fiit.gl, taamaalilluta qinnuteqaat tigusimariissavarput kingusinnerpaamik 22. januar 2019.

Nukissiorfiit pillugit sukumiinerusumik paasissutissat, tak. www.nukissiorfiit.gl