Nukissiorfiit Nunap immikkoortua Kujalleq Narsami allaffimmi fuldmægtigissarsiorput

Nukissiorfiit Nunap immikkoortuani Kujallermi Narsami allaffimmi fuldmægtigissarsiorput allaffissornermi suliassanut nunap immikkoortuanut tamanut attuumassuteqartunut, tassunga ilanngullugit allaffissiornermut aamma sullissinermut attuumassuteqartunik tapersersuineq nunap immikkoortuani sulisunut allanut.

 Suliassaqarfiit:

Allaffimmi fuldmægtigitut illit immikkoortortaqarfimmi aamma Nukissiorfinni Narsami pitsaasumik suleqatigiinnissamut peqataalluassaatit. Tamatuma saniatigut illit akisussaaffigissavat suliffeqarfimmi periutsit ingerlaavartumik malinnaavigisarnissaat kiisalu inatsisit atuuttut sutigut tamatigut malinneqarnissaat, ingammik:

  • Atuisunut Sullissivimmik, fakturaliortarnermik aamma Nuummi akiligassalerinermik pisariaqartitsisoqartillugu ikiortaasarneq.
  • Aningaasaqarnermi sumut killinnermut nalunaarusiortarnermi peqataaneq, tak. tamanna pillugu ilitsersuut.
  • Akissarsianik aamma sulisunut tunngasunik ataqatigiissaarinermi aamma nalunaaruteqartarnermi peqataaneq, tassunga ilanngullugit feeriarnissamut pilersaarutit.
  • Nunap immikkoortuani allaffissiornermi periutsinut malittarisassat pitsanngorsarnissaannut siunnersuutinik ineriartortitsinermi peqataaneq.
  • IT-mut atortunik ineriartortitsinermi aamma pitsaanerulersitsinermi peqataaneq, tassunga ilanngullugit elektroniskiusumik toqqorterineq aamma uppernarsaasersuineq.
  • Nukissiorfiit siunissamut pilersaarutaannik eqqortitsinissamut peqataaneq aamma suleqatigiinnik ulluinnarni aqutsinermut ilanngunneqarnissaat.
  • Nukissiorfiit Corporate Social Responsibility-mi anguniagaanik piviusunngortitsinermi ineriartortitsinermilu peqataaneq.
  • Suliassat takkutteriaataartartut ingerlatsinermut akisussaalluni teamlederimit aamma allaffimmi pisortamit innersuussutigineqartut.

Allaffimmi fuldmægtigitut illit ulluinnarni Narsami allaffissornermut akisussaasuussaatit Nunallu immikkoortuani Kujallermi allaffimmi aqutsisumut akisussaaffeqassallutit.

Suleqatigisassatut ujartugarput tassaavoq:

  • Allaffissornermik ilinniagalik.
  • Nammineerluni suliaqarsinnaasoq soorlu aamma suleqatigiinni suleqataalluarsinnaasoq.
  • Nutaanik pilersitsisinnaasoq aamma aallarniilluarsinnaassuseqartoq, killilersuinerit pinnagit periarfissanik takusaqarsinnaasoq.
  • Nutserinissamut piginnaanilik.
  • Kalaallisut aamma danskisut oqalussinnaallutillu allassinnaavutit.
  • EDB-mik atuisutut ilisimasaqartoq, tassunga ilanngullugu databasenik soqutiginninneq iluaqutaassalluni.

Uagut ilinnut neqeroorutigisinnaavavut:

  • Atorfik pissanganartoq suliatigut aamma inuttut unamminartoqarfiusoq.
  • Angusaqarfiulluartussamik ilitsersuineq aamma suliassanut ilitsersorneqarneq.
  • Sullivimmi avatangiisit isumassarsiaqarnartut aamma pitsaasut.
  • Suliffik aallussilluarfiusoq inuttut aamma suliatigut ineriartornissamut periarfissaqarluartoq.

 Atorfeqartitaanermi atugassarititaasut

Akissarsiaqartitsineq pissaaq Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutaat tunngavigalugit. Atorfinitsitsineq pissaaq ullormi 1. april 2019 imaluunniit isumaqatigiissuteqarnikkut.

Inissaq

Ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git a­tor­fi­nit­tu­mut su­li­su­nut i­nis­si­a­mik pe­qu­ser­su­gaan­ngit­su­mik in­ner­suus­si­so­qar­sin­naa­voq. I­nis­si­a­mut in­ner­suun­ne­qar­tu­mut ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git i­ne­qar­ner­mut a­ki­li­u­tit a­ki­ler­ne­qar­tas­sap­put aam­ma i­ser­ter­ner­mi qu­lar­na­veeq­qu­tit a­ki­ler­ne­qas­sal­lu­tik. Su­li­su­tut i­nis­si­aq a­tor­fe­qar­ti­taa­ner­mut at­tuu­mas­su­te­qar­poq a­tor­fe­qa­run­naar­ne­rul­lu taa­maa­tin­ne­ra­nut a­ta­til­lu­gu qi­man­ne­qas­sal­lu­ni.

I­nis­si­ap pi­so­qas­su­sia, kik­kut pi­gin­nit­tuu­ner­sut il.il. a­peq­qu­taal­lu­tik i­ne­qar­ner­mut a­ki­li­u­tit i­nis­si­al­lu pit­saas­su­si­a al­lan­ngo­rar­sin­naap­put. Su­li­su­nut i­nis­si­ap i­ni­gi­ne­qa­ler­tus­sap in­ner­suun­ne­qar­nis­saa­ta tu­ngaa­nut u­taq­qi­so­qar­tar­sin­naa­voq, taa­maam­mat u­taq­qii­saan­naa­gal­lar­tu­mik i­nis­sii­so­qar­sin­naa­sar­lu­ni, taa­ma­tut­taaq a­taat­si­moor­lu­ni i­ne­qar­fis­si­a­ni mi­ki­ne­ru­su­ni a­kun­nit­tar­fiil­lu i­nis­si­ar­taan­ni, taak­ku­na­niin­ner­mut a­ki­le­raa­ru­ti­nik a­ki­lii­so­qar­tar­poq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

Atorfinitsitsinermi qaammatit pingasut ingerlaneri misiliutaassapput.

Nukissiorfiit pillugit paasissutissat sukumiinerusut takuuk: www.nukissiorfiit.gl

Atorfimmut tunngatillugu paasissutissat sukumiinerusut pillugit saaffigineqassaaq:

Nunap immikkoortuani Kujallermi pisortaq Lars Hoffmeyer, tlf. +299 53 17 46, mail: lg.ti1553272082ifroi1553272082ssiku1553272082n@hl1553272082

 Apeqqutit nalinginnaanerusunut tunngasut apeqqutigineqassapput:

Sulisoqarnermut immikkoortortaqarfik, lg.ti1553272082ifroi1553272082ssiku1553272082n@RH1553272082

 Qinnuteqaateqarnissamut piffissarititaasoq kingusinnerpaaq: Marlunngorneq ulloq 19. martsi 2019.

 Qinnuteqaat tassunga ilanngullugit paasissutissat namminermut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataat allakkatigut A-tut nassiunneqassapput imaluunniit mailikkut uunga:

Nukissiorfiit

Postboks 1080

3900 Nuuk

Mail: lg.ti1553272082ifroi1553272082ssiku1553272082n@rh1553272082

 Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.