Nukissiorfiit Ingerlatsinermut Uuttuisarnermut teknikimut aamma Datanut Siunnersortimik/Suliatigut Immikkut Ilisimasalimmik sulisussarsiorput

Nukissiorfiit pikkorissumik Uuttuisarnermut teknikimut aamma Datanik Ingerlatsinermut Siunnersortimik/Suliatigut immikkut Ilisimasalimmik Nuummi qullersaqarfimmiittussamik sulisussarsiorput.

Illit innaallagissamut tunngasumik soorlu innaallagissamut installatøritut, innaallagissamut ingeniøritut, maskinmesteritut imaluunniit assingusumik ilinniagaqarsimaguit ungasianit uuttortaanik atuaasarnermik aamma nioqqutissiornermut datanik suliaqarusukkuit, taava periarfissaqarputit pissanganarluinnartumik suliffeqalernissannut.

 

Nukissiorfiit pilersuinermik ingerlatsisuuvoq uagullu anguniagarput tassaavoq ullut tamaasa tutsuiginartumik imermik aamma nukissiamik avatangiisit eqqarsaatigalugit inuiaqatigiinnut pilersuinissaq.

Kalaallit Nunaat tamakkerlugu atuisunut amerlanerpaanut imermik, innaallagissamik aamma kiassaanermik nioqqutissiorneq aamma siaruarterineq akisussaaffigaarput, tamannalu ilutigalugu suliffitsinnut attuumassuteqartunik sanaartugassanik sanaartortitsisartuulluta.

 

Ingerlatsinermut Siunnersortitut /Suliatigut immikkut ilisimasalittut qitiusumik inissisimassaatit ingammik ungasianit atuaasarnermut uuttortaatit aamma koncentratorit pillugit qitiusumik sullissinerussaatit. Atorfimmut ilaapput ilaatigut Datawarehousemit datanik pissarsisarnermi aamma suliffeqarfiup iluani avataanilu agguaasarnermut peqataasassaatit ungasianit atuaasarnermut aamma nioqqutissiornermi datanut atatillugu, kiisalu ingerlatsinermut aamma atuinermut datat pitsaassusiannik qulakkeerinnittarnermut peqataasassallutit.

Tamakku saniatigut ilaatigut ingerlatsinermut aamma aserfallatsaaliuisarnermut atortunik ArcGIS-imiittunik ungasianik atuaasarnermut uuttuutit atuutilersinneqarnerannut aamma aserfallatsaaliortarnerannut akisussaasuusassaatit, peqataasassaatillu Nukissiorfiit nioqqutissiornermut atortuinik teknologitigut ineriartortitsiuarnissamut.

 

Pingaarnertut suliffigisassavat Nuummi qullersaqarfik, kisianni atorfimmut atatillugu angalasarnissaq naatsorsuutigisariaqarpat.

 

Suliassatit ilaatigut makkuupput:

  • Ungasianit atuaasarnermut uuttuutit aamma nioqqutissiornermut datat pillugit teknikikkut ikiuisarnissap pitsanngorsarnissaanut peqataaneq
  • Ataasiakkaanik misileraasarnikkut uuttuisarnermut nakkutilliineq ingerlaavartumik kisitsisitigut paasissutissartaasa ataqatigiissaarneqartarnerat
  • Ungasianik atuaanermut uuttuutinut nalinginnaasunik, periusissanik aamma ilitsersuutissanik suliaqartarneq
  • Ungasianit atuaasarnermut, ingerlatsinermut aamma nioqqutissiornermut datanik nalinginnaasunik, periusissanik aamma allattuisarnermut, qulakkeerinninnermut aamma atuinermut suliaqartarneq
  • Ungasianit atuaasarnermut uuttuutinik Ingerlatsinermut Siunnersortit allat isumaqatigalugit ArcGIS-imi ingerlatsinermut aamma aserfallatsaaliuisarnermut atortunik atuutilersitsisarnermut akisussaasuuneq
  • Uuttuisarnermut teknikimik suliaqartartut ataatsimiititaliaata qaammammut ataasiarluni ataatsimiittarnissaannut akisussaasuuneq
  • Kamstrupimut aamma siunnersortinut avataaneersunut attaveqartarneq

 

  • Ungasianiit atuaasarnermut uuttuutinut suleqatigiissitanut aamma ataatsimiititaliamut siulittaasoq
  • Uuttuutit qanoq ittuunissaannik Ingerlatsinermut Siunnersortit allat peqatigalugit toqqaanissamut malittarisassanik siunnersuisarneq aamma aalajangiisarneq
  • Sanaartornermi suliniutit pillugit teknikikkut oqaaseqaateqarnermut aamma pitsaassutsinik qulakkeerinninnissamut siunnersuusioqataasarneq
  • Ingerlatsinermut Siunnersortit allat, ungasianit atuaasarnermut aamma datat pillugit Akiligassanik aamma Business Controlling suleqatiginissaat
  • Soqutigisaqartut allat ataqatigiissaarnerisigut, uuttuutit atuarneqanngitsut automatiserernissaannut periusissat ingerlaasissallu ineriartortinneqarnissaannut aamma atuutilersinneqarnissaannut akisussaasuuneq.

 

Suleqatissarsiorpugut makkuninnga piginnaanilimmik:

  • Teknikimik ingerlaqqiffiusumik ilinniagaqarsimasuuneq (innaallagissamik installatøritut, innaallagissamut ingeniøritut assingusumilluunniit).
  • Teknikimut paasinnissinnaaneq uuttuutit aamma IT-mut atortunut tunngatillugu
  • Ungasianit atuaasarnermut uuttuutinik ilisimasaqarneq, datanik katersuisarneq datawarehousemik ilisimasaqarneq iluaqutaassaaq.
  • Suliniutinik aqutsinermik ilisimasalik, iluaqutaassaaq PRINCE 2-mik.
  • Ataqatigiinnermut pitsaasunik piginnaaneqartoq, allannermi taamatullu oqalunnermi, iluaqutaassaaq kalaallisut aamma qallunaatut.
  • Suliffeqarfimmi sumiinneq apeqqutaatinnagu suleqateqarsinnaassuseqarneq.

 

Tamakku saniatigut pitsaaqutaassaaq Kalaallit Nunaanni pissutsinik ilisimasaqarneq aamma nukissiamik pilersuinermut atortunik ingerlatsinermik.

 

Ilinnut neqeroorutigisinnaavarput atorfik pissanganartoq, assigiinngiiaartunik aamma unamminartortalinnik suliffiusoq sullivimmi avatangiisini ilumoorsaarnanngitsuusuni. Suleqatigiinni ilaassaatit Ingerlatsinermut Pisortamut akisussaaffeqarlutit, taassuma saniatigut ingerlatsinermut siunnersortinik katillugit quliusuusunik, atortunut ataqatigiissaarisartumik aamma teknikimut assistentimik ilaqartut. Atorfik illit sunniuteqarfigisinnaasat suiassat aallaqqaataanniit naammassineqarnissaata tungaannut malinnaaffigisassallugit.

 

Atorfeqartitaanermi atugassarititaasut

Atorfinitsitsisoqassaaq Naalakkersuisut aamma kattuffiup attuumassuteqarfigisap akornanni isumaqatigiissutaat atuuttut tunngavigalugit.

 

Atorfimmut atatillugu inissamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnini tunngavigalugu atorfimmut atatillugu ineqartinneqaruni, atorfimmut atatillugu inimut innersuussamut pisinnaatitaaffia atuutiinnassaaq imaluunniit inissaqanngivissoruit inissarsiorninni attaveqarfigisinnaasatit pillugit ikiorsinnaavatsigit. Atorfinitsinneqarnermut atatillugu angalanermut aamma pequtit nuunneqarnerannut akiliussisoqassaaq kiisalu ukiut pingasut ataannartumik atorfeqareernerup kingornatigut inoqutigiit tamarmik angerlarnerannut akiliunneqassapput, qitornat 18-it inorlugit ukioqartut ilanngullugit.

 

Atorfinitsitsineq pissaaq qaammatini pingasuni misilinneqarluni. Atorfinitsitsisoqassaaq isumaqatigiissuteqarneq tunngavigalugu.

 

Nukissiorfiit pillugit paasissutissat sukumiinerusut, takuuk: www.nukissiorfiit.gl

 

 

Atorfik pillugu paasissutissat sukumiinerusut pillugit saaffiginnittoqassaaq uunga:

Paasissutissat sukumiinerusut uunga saaffiginninnikkut pissarsiarineqarsinnaapput, Ingerlatsinermut Pisortaq Gert Schmidt Nielsen, e-mail: lg.ti1542644977ifroi1542644977ssiku1542644977n@sre1542644977g1542644977 imaluunniit telefonikkut saaffiginninnikkut tlf. (+299) 34 95 00.

 

 

Apeqqutit nalinginnaanerusut Sulisoqarnermut Immikkoortortaqarfimmut saaffiginnissutigineqarsinnaapput.

 

Qinnuteqaat tassunga ilanngullugit paasissutissat ilinnut tunngassuteqartut (CV), ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput uunga: lg.ti1542644977ifroi1542644977ssiku1542644977n@rh1542644977 imaluunniit allakkatigut A-tut nassiunneqassapput uunga:

 

Nukissiorfiit

Issortarfik 3,

Postboks 1080

3900 Nuuk

 

Qinnuteqarfissaq kingullerpaaq:  Sisamanngorneq 18. Oktober 2018.