Nukissiorfiit Direktionianut COO/Teknikkeqarnermut Pisortamik pissarsiorpugut

Imermit nukissiorfinnik, Issittumi anorisaatinik, smartgrids aamma atortunik akulerissanik batteriilinnik, seqerngup qinngornerinik katersuissutit aamma diesel ataatsimoortillugit, ulittarnermi tinittarnermilu kaavittorsuit, imeq imerneqartussaq imaat pisoq minguitsoq, sermersuaq aamma iluliarsuit ikkarlissimasut. Suliniutit illit nunarsuarmi piviusunngortikkusuppigit, taamaakkuit illit atorfissaqartippatsigit.

Ujartugarput tassaavoq COO/teknikkeqarnermut pisortaq misilittagalik aamma siumut takorluuisinnaasoq Nukissiorfiit direktionianut peqataasussaq, illit ilanngullutit taakku tassaapput Pisortaaneq aamma Aningaasaqarnermut pisortaq.

Illit akisussaaffigissavatit suliffeqarfiup teknikkikkut ineriartornermut aamma aserfallatsaaliuinermut pilersaarutai kiisalu suliatigut qullersatut akisussaassuseqassaatit sullissinitsinnut pingaarnernut; – innaallagissamik, imermik aamma kiassaanermik Kalaallit Nunaat tamakkerlugu nioqqutissiorneq aamma siaruarterineq. Illit akisussaaffigisassatit tassaapput Ingerlatsinermut Immikkoortortaqarfik, Suliniutinut Allaffik, IT-mut Immikkoortortaqarfik aamma Pisiniarnermut Immikkoortortaqarfik. Katillugit sulisut 40-t missaanniittut Nuummi inissisimasut.

Illit ulluinnarni suliatigut akisussaaffigissavatit Kalaallit Nunaat tamakkerlugu teknikkikkut ingerlatsineq aamma ineriartortitsitsineq Nukissiorfiit nunap immikkoortuini pisortaq arfinillit suleqatigalugit, taakkua isumagisaraat illoqarfinni 17-ini aamma nunaqarfinni 51-ini nioqqutissiorneq.

Kissaatigisarput tassaavoq iliuusissanut tunngatillugu ataatsimoortumik isiginnissaalluartoq aamma suleqatiginnissinnaalluartoq, Naalakkersuisut Nu­kis­si­uu­te­qar­ner­mut i­mer­mil­lu pi­ler­su­i­ner­mik im­mik­koor­tu­mut pi­ler­saa­rutaannik annertuumik aamma uagut suliffeqarfimmi namminermi 2030-mi 100 %-imi piujuartitsinermik nukissiuteqalernissamut aamma ukioq kaajallallugu imermik suni tamani pilersuilernissamik anguniakkatsinnik piviusunngortitsisinnaasoq. Illit peqataaffigissavat Kalaallit Nunaata nunarsuarmi ilisimaneqalernissaa piujuartitsinermik tunngaveqartumik nukissiornermik siammarterinermut tunngatillugu.

COO/Teknikkeqarnermut Pisortatut naatsorsuutigisariaqarpoq angalanissaq ukiumut ullut 20 -30 missaannut assingusumik.

Naatsorsuutigaarput illit

  • Ukiuni 5 – 10-ni siunissamut pilersaarusiornermik qaffasissuseqarluni misilittagaqarneq suliffeqarfimmi assingusumi
  • Teknikimut tunngasumik ingerlaqqiffiusumik tulluartumik ilinniagaqarneq soorlu assersuutigalugu, ingeniøritut, maskinmesteritut, imaluunniit assingusumik
  • Nukissiornermi aamma pilersuinermi teknologiimut tunngasunik ukiuni amerlasunik sulisimasoq
  • Attaveqaqatigiinnermut suliniutinik annertuunik politikikkut akuerineqartussanik misilittagaqartoq
  • Ataatsimoortumik isiginnilluni piffissaq ungasinnerusoq eqqarsaatigalugu pilersaarusiornernik naammassinninnernik misilittagaqartoq
  • Nioqqutissiornermut atortunik digitaliseriinermut aamma suliffeqarfinni digitaliseriinermut annertusiartortumut misilittagaqartoq
  • Suliffeqarfimmi annerusumi allanngortitsinermut periutsinik misilittagaqartoq
  • Inuit atugarisaannik ilisimasaqarluartoq aamma attaveqaqatigiinnermut pisinnaasaqartoq
  • Assut piumassuseqalernarpoq piffissami aggersumi teknologiit sulilluni atornerulernissaat
  • Ajornartorsiutinik annertuunik teknikkimut tunngasunik paasititsinissamut ajornanngitsumik aamma paasinartumik piginnaanilik
  • Sulisut iluarisimaarinninnissaannik aamma sillimaniarnermik sulisunut 375-iusunut annertuumik pingaartitsisoq
  • Suliffeqarfik tamakkerlugu sumik suliaqarneq apeqqutaatinnagu suleqatigiinnissamik ilisimasaqarluartoq aamma piumassuseqarluartoq
  • Oqaatsinik arlalinnik oqaaseqarneq iluaqutaassaaq – kalaallisut, danskisut aamma tuluttut.

 

Uagut ilinnut neqeroorutigisinnaavagut

  • Kalaallit Nunaanni siunissami pilersuinermik attaveqaatinik ilusilersuinissamut periarfissaq
  • Kalaallit Nunaata silap qanoq issusianut sunniuteqarnissaanut periarfissaq annertoq aamma Kalaallit Nunaata nunarsuarmi ilisimaneqarnissaanut
  • Ulluinnarni sulineq pissanganartoq annertuumik aalajangiinissamut pisinnaatitaaffilik
  • Suleqatit nuannersut aamma sullivimmi avatangiisit pitsaasut, tassani illit annertusaanissamut suli periarfissaqassallutit
  • Piginnaanngorsaalluni ineriartortitsinissamut periarfissat pitsaasut – suliatigut taamatullu inuttut.

 

Atorfeqartitaanermi atugassarititaasut

COO/Teknikkeqarnermut pisortatut atorfinitsitsisoqassaaq isumaqatigiissutit tunngavigalugit Naalakkersuisut aamma pineqartut kattuffiata isumaqatigiinniarsinnaatitaasup isumaqatigiissutai tunngavigalugit akissarsiat inissisimaffianni 39-imi.

Atorfimmut atatillugu inissaqartitsisoqarsinnaavoq tassunga iserternermut akiliut akilerneqassaaq aamma ineqarnermut akiliutit akilerneqartassapput maleruagassat sukkulluunniit atuuttut tunngavigalugit. Isumaqatigiissutit naapertorlugu sulinngiffeqarnermi akiliuneqarluni angalaneq piarfissaassaat. Atorfininnermut atatillugu angalanermut aamma pequtit assartorneqarnerannut akiliussisoqassaaq kiisalu ukiuni pingasuni ataannartumik atorfeqareernermi inoqutigiit tamarmik angerlarnissaminut akiliunneqassapput qitornaasut 18-it inorlugit ukiullit ilanngullugit.

Soqutiginnilersippatsigit?
Atorfimmut tunngatillugu aamma Nukissiorfinni periarfissat pillugit paasissutissat sukumiinerusut pissarsiarineqarsinnaapput Nukissiorfinni pisortaq Michael Pedersen saaffigalugu telefon + 299 349500, e-mail: lg.ti1548260853ifroi1548260853ssiku1548260853n@epi1548260853m1548260853.

Apeqqutit ataatsimut paasissutissanut tunngasut sulisussarsiornermut siunnersortimut saaffiginnissutaassapput Charlotte Schnoor på tlf. + 45 22860213, e-mail: kd.te1548260853ingap1548260853moksg1548260853nirdn1548260853arof@1548260853sc1548260853

Kingusinnerpaamik aamma qinnuteqaateqarneq

Qinnuteqaat tassunga soraarummeersimanermut uppernarsaatit pisariaqartut aamma suliffigisimasanit oqaaseqaatit ilanngullugit e-mailikkut nassiunneqassapput uunga: kd.te1548260853ingap1548260853moksg1548260853nirdn1548260853arof@1548260853sc1548260853

 

Qinnuteqaat uagutsinnit tiguneqareersimassaaq kingusinnerpaamik pingasunngorneq ulloq 30. januar 2019.

Nukissiorfiit pillugit annertunerusumik paasisaqarniaruit, takuuk: www.nukissiorfiit.gl