NUKISSIORFIIT ATUISUNUT SULLISSIVIANI PISORTASSARSIORPUT

Kalaallit nunaata ataavartumik pilersorneqarnerata ineriartortinneqarnissaanut peqataarusuppit, taava nukissiorfiit ilinnut soqutiginartuussaaq.

Nukissiorfiit Atuisunut Sullissiviani sapinngisamik pilertortumik aallussilluartumik akisussaassuseqarluartumillu pisortassarsiorput. Nukissiorfiit nuna tamakkerlugu suliffeqarfiuvoq teknikimut suliatigut ilisimasaqarluartuusoq aamma inuiaqatigiinnut akisussaassuseqarluartuulluni. Niuernikkut unamminartumik ineriartorfiup nalaaniippugut, aningaasartuutitigut kinguneqarluartumik aamma ataavartumik aaqqiissutissanik pilersitsisoqartarluni sullitatsinnut iluaqutaasunik. Aningaasaqarnermut immikkoortortaqarfimmi sulisut suliami tamatumani pingaaruteqartuupput.

Sulisut nukissiorfiit sillimmataatigai pingaarnerpaat

Atuisunut Sullivimmi Call centerimi 4-nik sulisoqarpoq kiisalu 1 saaffiginnittarfimmiittuusoq aamma 1 sulisoq angalanermut allaffimmik akisussaasuusoq. Illit sulisut 6 akisussaaffigilissavatit kiisalu ilaannikkooriarluni ilinniartut.

Atorfik

Atuisunut Sullissivik

  • Atuisunut sullissiviup Nukissiorfinni tamarmi atuunnerata call centerimi sulisut peqatigalugit ineriartortinnissaa
  • Atuisunut sullissinermi suliassaq Nukissiorfinni tamarmi pikkorissumik aamma piginnaaneqartumik suliarineqartarnissaasa qulakkeernissaat
  • Atuisunut suliassat aamma atuisunit saaffiginnissutit pitsaasumik kinguneqarluartumillu illit sulisunnit
  • Atuisunut sullissinermut suliassat allakkatigut malittarisassaqarnissaasa periusissaqarnissaasalu ineriartortittarnissaasa qulakkeernissaat
  • KTU-p pisariaqartitsineq malillugu pikkorissumik ingerlanneqartarnissaata akisussaaffiginissaa
  • Sullitanit ajornakusoortunik/ajornartunik saaffiginnittoqartillugu Call centerimik ikiuisarnissaq
  • Call centerip ammaffiup nalaani sulisoqartuaannarnissaata qulakkeernissaa
  • Atuisunut Sullissivimmi pilersaarutitut aallarniutaasut ineriartortinnissaat aamma piviusunngortinnissaat.

Saaffiginnittarfik aamma Angalanermut Allaffik

  • Suliffeqarfik tamakkerlugu angalanissamut inniminniinermi aamma angalanermut sillimmassiinermi pitsaassuseqarluartuunissaasa qulakkeernissaat
  • Sulisut ineriartortinnissaasa qulakkeernissaa
  • Atuisunut sullissinermut qitiusoqarfimmi allatanik periuseqartoqarnissaata qulakkeernissaa
  • Pappilissanut toqqorsiviup ingerlanneqarnera
  • Qullersaqarfimmi saaffiginnittarfiup ammanerup nalaani sulisoqartuaannarnissaata qulakkeernissaa

Tamakku saniatigut Nukissiorfinni aqutsisooqatigiinnut aamma immikkoortortaqarfinni pisortaqatigiinnut peqataalissaatit.

Illit pikkoriffitit

Pingaartuuvoq illit atuisunik sullissinermik aamma aqutsinermik atorfimmit assingusumit misilittagaqartuunissat, aamma illit akisussaassuseqartuunissat Nukissiorfinnut atatillugu sullitap pitsaasumik misigisaqartinnissaanik pingaartitsisoq.

Tamakku saniatigut pingaartipparput illit:

  • Suliatigut tulluartumik ilinniagaqartuunissat
  • Atuisunik sullissinermut aamma aningaasaqarnermut atortunik pitsaasumik ilisimasaqartuunissat, tassunga ilanngullugu Ax 2009, Xellent-imik
  • IT-mut atortunik soorlu MS Officemik ingammillu Excel-imik paasinnilluarsimasuunissat
  • Kalaallinik inuiaqatigiinnik paasisimasaqarnissat, kalaallisut aamma danskisut oqalussinnaallutit aamma iluaqutaassaaq tuluttut oqalussinnaanissat.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Inissaq

Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

Atorfik pillugu annertunerusumik paasissutissat pillugit saaffigineqassaaq:

Aningaasaqarnermut pisortaq/Økonomidirektør, Claus Andersen-Aargaard oqarasuaat +299 349503, mail: lg.ti1553179446ifroi1553179446ssiku1553179446n@aal1553179446c1553179446

Qinnuteqarfissaq ulloq kinguilleq 25. Martsi 2019

Qinnuteqaat tassunga ilanngullugit paasissutissat namminermut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataat allakkatigut A-tut nassiunneqassapput imaluunniit mailikkut uunga: Nukissiorfiit,Postboks 1080, 3900 Nuuk. Oqaloqatigiinnerit pissapput qinnuteqarfik ingerlanerani qaangiutereerpallu.