Nukissiorfiit aqutsinermut allatseqarfimmiittussamik pisortaanermut allatsissarsiorput

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuupput. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuusugut, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqarsinnaasumik pilersuinerup pitsanngorsarnissaanik aamma annertusiartortinnissaanik suliaqartarpugut. Pisortaanermut allatsissarsiorpugut pimoorussisumik, taassuma Nukissiorfinni pisortaaneq aqutsisullu suliassanik assigiinngitsunik ataqatigiissaagassanik misissuinernillu ikiortassavai. Pisortaanermut allatsi Nukissiorfinni aqutsinermut allatseqarfimmimmi sulisut ilagissavaat.

Aqutsinermut allatseqarfik pillugu

Aqutsinermut allatseqarfiup Nukissiorfinni suleriaatsit angusaqarfiulluarnissaat ajornaatsuutinnissaallu qulakkiissavaa suliffeqarfiullu iluani ilisimatitsissutinik ingerlatitseqqiisarneq pitsaanerulersissallugu. Aqutsinermut allatseqarfiup aammattaaq tusagassiorfinnik aamma oqartussaasunik allanik, ingammik Namminersorlutik Oqartussanik, attaveqaqateqarneq isumagisarisassavaa. Allaffimmi suliassanik assigiinngisitaartunik arlaqartunik suliaqarfiuvoq, tamakku pisortaanermik allanillu aqutsisunik qanimut suleqatigiinnermi naammassineqartarput.

Atorfik

Nukissiorfinni pisortaanermut allatsitut naalakkersuisoqarfik Nukissiorfiit akisussaaffeqarfeqarfigisaanut aamma allanut oqartussaasunut suleqatigiinnerup ataqatigiissaarnera akisussaaffigissavat. Tamatuma saniatigut suliassatit ilaatigut makkuupput:

  • Pisortamut aamma naalakkersuisoqarfimmut akisussaassuseqarfigisamut allakkianik, ilisimatitsissutinik aamma aalajangiiffigisassatut saqqummiussassanik suliaqartarneq
  • Pisortaaqatigiit ataatsimiinneranni peqataaneq malitseqartitsisarnerlu aamma naalakkersuisoqarfik Nukissiorfiit akisussaassuseqarfigisaannik ataatsimeeqateqartarnermi peqataaneq
  • Tusarniaanermi akissutigisassanik ataqatigiissaarinermut akisussaaneq, § 37 apeqqutinut akissutit aamma kattuffiit innuttaasullu saaffiginnissutaannut akissuteqartarneq
  • Suliffeqarfiup avataani suleqatigiissitanut aamma suliniutini suleqatigiissitanut peqataasarneq
  • Attaveqaqatigiinnermi suliassanik aqutsinermut allatseqarfimmi sulisut allat suleqatigalugit suliaqartarnissaq
  • Nukissiorfiit siunissamut pilersaarutaata atuutsinneqarnissaani tassanngalu malitseqartitsisarnissamut peqataaneq

Immikkut piginnaasaqaruit tamakku atorneqarsinnaassapput, tassami suliffeqarfimmi ineriartornermut periutsit ingerlanneqarmata periarfissaqarluassaaq illit nammineq atorfimmi suliassanut sunniuteqarnissat.

Piginnaasat

Atorfimmut arlaqarput amerlapput, kisianni pingaartinneqarpoq illit suliffeqarfimmi pisortanit pigineqartumi sullissisutut misilittagaqartuunissat, Kalaallit Nunaanni pissutsinik ilisimasaqarluartuunissat aamma iluaqutaassalluni nukissiuteqarnermut politikimik misilittagaqartuuneq. Tamakku saniatigut pingaartipparput illit:

  • Aaqqissuussilluarlutit suleriaaseqarnissat suliassat annikitsortaannik pingaartitsisuullutit
  • Politikimik paasinnilluarsinnaaneq
  • Oqalulluarsinnaassuseqarneq aamma allannermi allallaqqinneq, kiisalu IT-mik atuisutut pitsaasunik piginnaaneqarneq
  • Kandidatitut ilinniagaqarsimaneq

Taakkununnga ilanngullugu iluaqutaassaaq oqaatsinik arlalinnik atuisinnaaneq, kalaallisut, danskisut aamma tuluttut.

Atorfeqartitaanermi atugassarititaasut aamma paasissutissat sukumiinerusut

Atorfik tamanut saqqummiunneqassaaq immikkut siunnersortitut inissisimanissamut periarfissillugu. Immikkut siunnersortitut inissisimaneq neqeroorutigineqarsinnaavoq qinnuteqartoq piukkunneqartoq piginnaaneri eqqortut uppernarsarneqarsinnaappata. Atorfinitsitsineq pissaaq Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit. Takuuk www.nukissiorfiit.gl paasissutissat sukumiinerusut pissarsiarerusukkukkit. Atorfik pillugu apeqqutit nassiunneqarsinnaapput aqutsinermut allatseqarfimmi pisortamut Suneq Tougaardimut, lg.ti1553387191ifroi1553387191ssiku1553387191n@otu1553387191s1553387191 -imut imaluunniit lg.ti1553387191ifroi1553387191ssiku1553387191n@rh1553387191 -imut.

Atorfimmut atatillugu inimik innersuussisoqarsinnaanngilaq.

Qinnuteqaateqarnissamut kingusinnerpaamik piffissarititaasoq tassaavoq 10. Februaari 2019.

Qinnuteqaat tassunga ilanngullugit paasissutissat ilinnut tunngassuteqartut (CV) ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput lg.ti1553387191ifroi1553387191ssiku1553387191n@rh1553387191 imaluunniit allakkatigut A-tut nassiunneqassapput uunga: Nukissiorfiit, Postboks 1080,

3900 Nuuk.