Maniitsumi Nukissiorfiit nunaqarfimmi nakkutilliisussarsiorput

Nukissiorfiit Napasumi nunaqarfimmi nakkutilliisumik sapinngisamik piaartumik sulilersussamik pissarsiorput. Illit akisussaaffigisassatit tassaapput nunaqarfiup innaallagissiorfianik ingerlatsineq aamma aserfallatsaaliuineq tassunga ilanngullugit illutai aamma teknikikkut atortui. Maniitsumi teamlederimut akisussaaffeqassaatit, sapaatillu akunneranut piffissaq suliffiusoq nal. akunneri 40-upput.

Suliassaqarfiit
Illit pingaarnertut suliaasaqarfitit tassaapput nunaqarfimmi innaallagissiorfimmik tassunga ilanngullugit illutaanik aamma teknikikkut atortuinik ingerlatsineq aserfallatsaaliuinerlu.

Taakku saniatigut illit suliarisartagassavit ilaat tassaassapput:
– Nunaqarfimmi innaallagissiorfimmik nunaqarfiullu imeqarfianik illuutaanillu aamma erngup aqqutaanik il.il. aserfallatsaaliuisarneq
– Innaallagissap aqqutaanik aamma imermik pilersuinermi erngup aqqutaanik tamanik tassunga ilanngullugit illuutaanik imertartarfinnillu ingerlatsineq aamma aserfallatsaaliusarneq- Innaallagissap aqqutaaniittunik kabelinut sikaavinnik aamma kabelit poortuutaannik halvruujorinik nakkutilliineq
– Ajoquteqartoqartillugu aamma amigaateqartoqartillugu Maniitsumi teamlederimut nalunaaruteqartarneq
– Napasumi innaallagissiorfiup aamma imeqarfiup ingerlanerat pillugit paasissutissanik Maniitsumi teamlederimut nalunaaruteqartarneq- Napasumi ikkussukkanik tamanik ingerlatsinermi aserfallatsaaliuisarnermilu ingerlaavartumik pitsanngorsaasarneq aserfallatsaaliuisarnerlu
– Nunaqarfimmi sullitanik sullissisarneq
– Tassani suleqataasumut pitsaasumik aqutsineq
– Nunaqarfinni allani suleqataasunik suleqateqarluarneq.

Suleqatissatut ujartugarput tassaavoq:
– Ilinniakkamik naleqquttumik ilinniagaqarsimasuusoq
– Suleqatigiuminartuusoq aamma allannguinernut peqataasinnaasoq.
– Aalajaatsuulluni suliartortuaannartoq namminerlu sulisinnaasoq
– Qarasaasiamik PC-mik atuisutut ilisimasaqartuusoq
– Napasup eqqaanik ilisimasaqartoq.

Pigaartuusarnissaq naatsorsuutigineqassaaq.

Ilinnut neqeroorutigisinnaavavut:
– Suliffik pissanganartoq aamma nuannersoq, pimoorussilluta sulisarluta.
– Atorfiup qanoq ittuunissaanut sunniuteqaqataanissamut periarfissat pitsaasut
– Inuttut aammattaaq suliatigut ineriartornissamut periarfissat pitsaasut.

Atorfeqartitaanermi atugassarititaasut
Akissarsiaqartitsineq aamma atorfeqartitaanermi atugassarititaasut, Naalakkersuisut aamma pineqartup kattuffiata isumaqatigiinniarsinnaatitaasup attuumassuteqarfigisaata akornanni isumaqatigiissutit atuuttut tunngavigalugit ingerlanneqassapput. Atorfimmut atatillugu inissaqartitsisoqarsinnaavoq tassunga qularnaveeqqutit akilerneqassapput aamma inimut akiliutit akilerneqartassapput sukkulluunniit malittarisassat atuuttut naapertorlugit

Nukissiorfiit pillugit paasissutissat sukumiinerusut, takuuk: www.nukissiorfiit.gl

Atorfik pillugu paasissutissat annertunerusut saaffiginnissutigineqassapput uunga:
Atorfik pillugu paasissutissat imaluunniit atorfinitsinneqarsinnaanermut atatillugu apeqqutit nalinginnaasut Teamleder Marianne Begtrup, tlf. 80 70 54-imut, mobil: 52 12 06 imaluunniit lg.ti1542643001ifroi1542643001ssiku1542643001n@ebm1542643001 saaffiginnissutigineqassapput.

Apeqqutit nalinginnaanerusut Sulisoqarnermut Immikkoortortaqarfimmut saaffiginnissutigineqassapput: lg.ti1542643001ifroi1542643001ssiku1542643001n@rh1542643001
Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit allakkatigut A-tut nassiunneqassapput:

Nukissiorfiit
Postboks 1080
3900 Nuuk
Maili: lg.ti1542643001ifroi1542643001ssiku1542643001n@rh1542643001

Qinnuteqaateqarnissamut piffissarititaasoq kingullerpaaq:
5. Septemberi 2018.