Kangaatsiamut Teamlederimik Ingerlatsinermut Akisussaasumik pissarsiorpugut

Nunap Immikkoortua Disko Kangaatsiami ingerlatsinermi suleqatissarsiorput.

Kangaatsiami  ingerlatsinermut isumannaatsumillu pilersuinermut aammattaaq sulisunut akisussaaffeqassaatit.

Imermik sarfamik aammalu kiassarnermik tunisassiorsiorneq siammartiterinerlu pillugit aqutsisoqatigiinni peqataalissaatit nunap immikkoortuani pisortaq, illoqarfinni aammalu nunaqarfinni Ingerlatsinermut akisussaasut peqatigalugit.

Suliassat

Suliassatit pingaarnertut tassaapput illoqarfimmi ingerlatsinermi isumannaatsumillu pilersuineq , atortunik ineriartortitsineq aammalu nutarsaaneq.

Suliassat allat ilaat aamma ukuullutik:

  • Sanaartukkanut aqutsisutut atuuffeqarnissaq nunap immikkoortuani pisortamit innersuunneqarnikkut.
  • Malitassanik nutartiineq, ilitsersuutinik najoqqutassanillu suliap suliariniarnerini nunap immikkoortuani  eqquutsitsinerit Kangaatsiami formand peqatigalugu.
  • Suliat siuttuuffigalugit suliassanik agguaaneq, ilisimasanik avisteqatigiinneq aammalu sulisunik kaammattuineq.
  • Kangaatsiami sulisunik atorfinitsitsinermi soraarsitsinermilu peqataaneq nunap immikkoortuani pisortaq qanimut suleqatigineratigut.

Naatsorsuutigaarput illit:

  • Teknikimut tunngasumik ilinniaqqiffiusumik maskiinanut imaluunniit sarfalinerinermi ilinniagaqarsimanissaq, imaluunniit assingusumik suliaqarsimanissaq.
  • Biilernermut allagartaqarnissaq
  • SRO-atortumik ilisimasaqarneq
  • Qarasaasiamik atuinissamik ilisimasaqarneq, tassani aserfallatsaaliinermut imaluunniit ingerlatsinermut qarasaasiarsornermut misilittagaqarneq.
  • Kangaatsiami najugaqarnissamut piumasaqaateqarpoq

Iluaqutaassaaq illit:

  • Aqutsisutut Diplom ilinniarsimanissaa, piumasaqaataanngilarli.
  • Aqutsisutut misilittagaqarnissaq, iluaqutaasinnaalluni pilersuinermi atortunik ingerlatsinermi aserfallatsaaliinermilu.
  • Kisimiilluni sulisinnaaneq aammalu eqimattanni suleqateqarsinnaaneq
  • Kalaallisut danskisullu oqalussinnaallutillu allassinnaanissat

Ilinnut neqeroorutigisinnaavavut:

  • Atorfik pissanganartoq avatangiisini assigiinngitsuni, suleqatigiittut suleqatigiiffiusumi
  • Atorfiup imarisaanut sunniuteqarnissamut periarfissat pitsaasut
  • Inuttut aammattaaq suliatigut ineriartornissamut periarfissat pitsaasut.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Inissaq

Ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git a­tor­fi­nit­tu­mut su­li­su­nut i­nis­si­a­mik pe­qu­ser­su­gaan­ngit­su­mik in­ner­suus­si­so­qar­sin­naa­voq. I­nis­si­a­mut in­ner­suun­ne­qar­tu­mut ma­lit­ta­ri­sas­sat qa­qu­guk­kul­luun­niit a­tuut­tut naa­per­tor­lu­git i­ne­qar­ner­mut a­ki­li­u­tit a­ki­ler­ne­qar­tas­sap­put aam­ma i­ser­ter­ner­mi qu­lar­na­veeq­qu­tit a­ki­ler­ne­qas­sal­lu­tik. Su­li­su­tut i­nis­si­aq a­tor­fe­qar­ti­taa­ner­mut at­tuu­mas­su­te­qar­poq a­tor­fe­qa­run­naar­ne­rul­lu taa­maa­tin­ne­ra­nut a­ta­til­lu­gu qi­man­ne­qas­sal­lu­ni.

I­nis­si­ap pi­so­qas­su­sia, kik­kut pi­gin­nit­tuu­ner­sut il.il. a­peq­qu­taal­lu­tik i­ne­qar­ner­mut a­ki­li­u­tit i­nis­si­al­lu pit­saas­su­si­a al­lan­ngo­rar­sin­naap­put. Su­li­su­nut i­nis­si­ap i­ni­gi­ne­qa­ler­tus­sap in­ner­suun­ne­qar­nis­saa­ta tu­ngaa­nut u­taq­qi­so­qar­tar­sin­naa­voq, taa­maam­mat u­taq­qii­saan­naa­gal­lar­tu­mik i­nis­sii­so­qar­sin­naa­sar­lu­ni, taa­ma­tut­taaq a­taat­si­moor­lu­ni i­ne­qar­fis­si­a­ni mi­ki­ne­ru­su­ni a­kun­nit­tar­fiil­lu i­nis­si­ar­taan­ni, taak­ku­na­niin­ner­mut a­ki­le­raa­ru­ti­nik a­ki­lii­so­qar­tar­poq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

Atorfik pillugu imaluunniit atorfinitsitaassaguit tamatumunnga tunngasut nalinginnaasut paasissutissat Nunap immikkoortuani pisortaq Aasiaat, René E. Fleischer, tlf. 89 48 56, imaluunniit e-mail: lg.ti1568629259ifroi1568629259ssiku1568629259n@fr1568629259 saaffiginninnikkut pissarsiarineqarsinnaapput. Paasissutissat nalinginnaanerusut pillugit Sulisoqarnermut Immikkoortortaqarfimmut saaffiginnissutigineqarsinnaapput: lg.ti1568629259ifroi1568629259ssiku1568629259n@rh1568629259 imaluunniit +299 34 95 00. 

Qinnuteqaat tassunga ilanngullugit paasissutissat imminut tunngassuteqartut (CV) ilinniagaqarsimanermut aamma siullermik suliffigisimasanit paasissutissat assilineri, nassiunneqassapput Allakkatut A-tut uunga: Nukissiorfiit, Postboks 1080, 3900 Nuuk imaluunniit mailikkut nassiunneqassapput uunga: lg.ti1568629259ifroi1568629259ssiku1568629259n@rh1568629259, taamaalilluta qinnuteqaat uagutsinnit tiguneqarsimassalluni kingusinnerpaamik ataasinngorneq 20. maj 2019.

Nukissiorfiit pillugit paasissutissat amerlanerusut, takuuk: www.nukissiorfiit.gl

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.