Innaallagialerisumik Upernavimmut

Nukissiorfiit nunap immikkoortuani Avannaani innaallagialerisumik Upernavimmi najugaqartussamik sulisussarsiorput. Illit aqutsisorisat qaninnerpaaq tassaassaaq innaallagissamik siaruarterinermut aqqutinut formandi.

Suleqatissarsiorpugut ulluinnarni iluarsakkanik aamma innaallagissiorfiup allissutaanik nakkutilliineq kiisalu lærlinginik, Upernavimmi innaallagissamik siaruarterinermut sulisuusunik, illinniartitsineq isumagisassavatit. Suliassat ulluinnarni innaallagissamik siaruarterinermut aqqutinik ingerlatsinermut attuumassuteqartut suliassat suliarisassavatit. Aammattaaq illit akisussaaffigisani sulianut tunngasunik pitsaanerulersitsinermut aamma ineriartortitsinermut siunnersuusiortarnermut peqataasassaatit, kiisalu allaffissornermi aamma aqutsinermi iliuuserisat malittarisassat, ilitsersuinerit aamma ilitsersuutit naapertorlugit isumagisassallugit.

Illit makkuninnga suliaqartassaatit:

  • Innaallagissamik siaruarterinermut aqqutit illoqarfimmi aamma nunaqarfinni
  • Qullersuit aqqutaat illoqarfimmi aamma nunaqarfinni
  • Qerinaveersaatit innaallagiatortut illoqarfimmi aamma nunaqarfinni
  • Toqqortaatinik aqutsineq

Sulisussarsiorpugut makkuninnga piginnaanilimmik:

  • Suliatigut teknikimut tunngasumik illinniagalik, innaallagialerisutut imaluunniiit innaallagissamik ikkussuisartutut
  • Nammineersinnaasoq soorlu aamma suleqatigiinni suleqataasinnaassuseqartoq
  • Isumassarsillaqqissoq aamma aallarniuteqarusussuseqartoq, killissat pinngagit periarfissanik takunnissinnaasoq
  • Kalaallisut aamma danskisut oqalussinnaallunilu allassinnaappat tamanna kissaatiginaqaaq
  • EDB-mik atuisutut ilisimasalik
  • Biilersinnaanermut allagartaqartoq

Naatsorsuutigissavat pigaartuusarnermi peqataasarnissat.

Neqeroorutigisinnaavavut:

  • Suliffik pikkorissusermik malunnaatilik suliffeqarfillu pimoorussinermik kulturilik
  • Atorfik pissanganartoq, aalajangeeqataasarneq annertuumik atorneqartarluni aamma suliassanut sunniuteqarnissamut periarfissartaqarluni.
  • Sullivimmi avatangiisit uummaarissut, tassani illit inuttut aamma suliatigut ineriartornissamut periarfissaqarlutit.
  • Ataatsimoornermik misigissuseqarluarfiusoq, tassani sulinermik nuannarisaqarnermik qitiutitsilluta.

Atorfeqartitaanermi atugassarititaasut

Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Atorfimmut atatillugu inissaqartitsisoqarsinnaavoq.

Atorfininnermut atatillugu qaammatini pingasuni misilinneqarfiussaaq. Atorfininnissaq isumaqatigiissuteqarnikkut pisinnaavoq.

Atorfik pillugu sukumiinerusumik paasissutissat pillugit uunga saaffiginnissinnaavutit:

Ingerlatsinermut aqutsisoq Lars Kristiansen lg.ti1560647860ifroi1560647860ssiku1560647860n@RKA1560647860L1560647860 – imaluunniit telefonikkut saaffiginninnikkut, mobil Kalaallit Nunaat (+299 59 02 89).

Apeqqutit nalinginnaanerusut pillugit uunga saaffiginnittoqarsinnaavoq:

Sulisoqarnermut Immikkoortortaqarfik lg.ti1560647860ifroi1560647860ssiku1560647860n@RH1560647860 imaluunniit telefon nr. ( +299) 34 95 00.

Ansøgning bilagt CV, kopi af uddannelsesbevis og referencer fremsendes pr A-post til:

Nukissiorfiit, Postbox 1080, 3900 Nuuk. Email: lg.ti1560647860ifroi1560647860ssiku1560647860n@RH1560647860

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput, uunga: Nukissiorfiit, Postbox 1080, 3900 Nuuk. Email: lg.ti1560647860ifroi1560647860ssiku1560647860n@RH1560647860

Piffissaq qinnuteqarfissat kingullerpaaq: kingusinnerpaamik sisamanngorneq 21. Februari  2019.

Nukissiorfiit pillugit paasissutissat sukumiinerusut, takuuk: www.nukissiorfiit.gl