Ingerlatsinermi suleqataasussaq Qaqortumut

Nukissiorfiit nunap immikkoortua Kujalleq ingerlatsinermi suleqataasussamik pissarsiorpoq, ingerlatsinermut, aserfallatsaaliuisarnermut aamma kiassaateqarfinni, Qaqortumi imeqarfimmi sillimmataasumi kiisalu Qorlortorsuarmi imermik nukissiorfimmi teknikkimut atortunik pitsanngorsaanermut suliassanik takkuteriasaartunik suliaqartartussamik. Ilaannikkooriarluni nunap immikkoortuani illoqarfinni nunaqarfinnilu allani suliassanik takkuteriasaartunik suliassaqartassaaq. Ingerlatsinermi suleqataasussaq ulluinnarni formandimut akisussaassuseqaaq, kiisalu aamma nunap immikkoortuani aqutsisut innersuussinerisigut isumaqatigiissuteqarfiginerisigullu suliassanik naammassisassaqartassaaq. Sapinngisamik piaartumik imaluunniit isumaqatigiissuteqarnikkut atorfinitsitsisoqassaaq.

Suliassat:

Ingerlatsinermut suleqataasussap peqataaffigissavai suliffimmi namminermi suleriaatsit malittarnissaat kiisalu inatsisit atuuttut sutigut tamatigut malinneqartarnissaat, isumannaallisaanermut aamma oqartussaasut piumasaqaataat immikkorluinnaq qitiutinneqartassallutik. Suliassat makkuunerussapput:

  • Ulluinnarni ingerlatsinermut aamma imermik nioqqutissiornermut atortut, kiisalu kiassaanermik siaruarterinermut atortut taakkununngalu attuumassuteqartut illuutit Qaqortumi Qorlortorsuarmilu aserfallatsaaliorneqartarnissaat.
  • Ingerlatsinermut pitsanngorsaanermi iliuuserisassanik siunnersuuteqartarnermi peqataaneq kiassaanermik aamma imermik nioqqutissiornermi kiisalu kiassaanermik siaruarterinermut atortunik pitsanngorsaaneq siunertaralugu.
  • Qulakkiissallugu nunaminertat aamma teknikimut atortut paarilluagaanissaat, eqqiluisaartittarnissaat aamma Nukissiorfiit sinnerlugit isikkuminartittarnissaat.
  • Nunap immikkoortuani Qaqortumi aamma Qorlortorsuarmi atortut allat pillugit suliassat takkuteriasaartut.

Ingerlatsinermut sulisup ulluinnarni Qaqortumut attuumassuteqartassaaq, aammattaarli nunap immikkoortuani illoqarfinnut nunaqarfinnulluunniit allanut piffissami sivikitsumi angalanissamut piumaffigineqartarsinnaalluni. Illit piareersimaffigissavat teknikkimut atortunik ilinniartinneqareernermi Qaqortumi pigaartuusarnissat.

Suleqatissarsiorpugut tassaasumik:

  • Teknikimut tunngasumik skibsmontøritut, VVS-montøritut imaluunniit innaallagialerisutut ilinniagaqartumik imaluunniit assingusunik piginnaasalimmik.
  • Biilernermut allagartaqartoq aamma imaatigut angallammik inuussutissarsiorsinnaanermut uppernarsaateqarneq iluaqutaassaaq.
  • Nammineq sulisinnaassusilimmik aamma ilitsersorneqareernermi suliaqarsinnaasumik.
  • Aalajaatsoq kiisalu qanoq ilinniagaqarsimaneq apeqqutaatinnagu pitsaasumik suleqataasinnaanermut piginnaanilimmik.
  • Isumassarsillaqqissoq aallarneerusussuseqartorlu, illit killissat pinnagit periarfissanik takunnissinnaasuullutit.

Neqeroorutigisinnaavavut:

  • Atorfik pissanganartoq aamma suliatigut inuttullu unamminartoqarfiusoq.
  • Suliarisartagassanut tunngatillugu sukumiisumik ilitsersorneqarneq aamma ilitsersuisoqarneq.
  • Sullivimmi avatangiisit isumassarsiffiulluarfiusartut pitsaasuusullu ikinngutigiilluni suleqatigiiffiusut.
  • Sullivik uummaarissoq inuttut aamma suliatigut ineriartornissamut periarfissagissaartoq.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Atorfimmut atatillu inissaqartitsisoqanngilaq.

Atorfik pillugu annertunerusumik paasissutissat pillugit saaffigineqassaaq:

Ingerlatsinermut akisussaasuulluni teamlederi Gert Kjær oqarasuaat +299 49 37 17, mail: lg.ti1568965570ifroi1568965570ssiku1568965570n@kg1568965570

Apeqqutit nalinginnaanerusunut tunngasut pillugit Sulisoqarnermut immikkoortortaqarfik saaffigineqassaaq: hr@nukissiorfiit.gl

Kingusinnerpaamik qinnuteqaateqarfissaq: tallimanngorneq ulloq 29. martsi 2019.

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput uunga:

Nukissiorfiit

Postboks 1080

3900 Nuuk

Mail: lg.ti1568965570ifroi1568965570ssiku1568965570n@rh1568965570

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.