Imermik pilersuinermut immikkut ilisimasalik atorfeqartussaq

Nukissiorfiit suliamut immikkut ilinniarsimasumik pikkorissumik atorfeqartussamik imermik pilersuinermik suliaqartussamik pissarsiorput.

Ingerlaqqiffiusumik teknikkimut tunngasumik Ingeniøritut, Maskinmesteritut, Cand. Scient.-itut  imaluunniit assingusumik ilinniagaqarsimaguit aamma imermik imerneqartussamik nioqqutissiornermik siaruarterinermillu suliaqarnissaq pilerigigukku, taava pissanganartumik suliffittaarnissannut periarfissaqarluarputit.

Nukissiorfiit suliffeqarfiuvoq pilersuinermik ingerlatsisoq uagullu anguniarparput avatangiisit mianeralugit ullut tamaasa imermik aamma nukissiamik inuiaqatigiinnut kalaallinut tutsuiginartumik pilersuinissarput.

Nukissiorfiit imermik, innaallagissamik kiassaanermillu nioqqutissiorneq siaruarterinerlu akisussaaffigaat Kalaallit Nunaat tamakkerlugu atuisartunut amerlanerpaanut, tamatumunngalu ilutigitillugu nammineq suliaqarnermut atatillugu sanaartornermut suliniutinik sanaartortitsisartuulluni.

Suliamut immikkut ilisimasaqartutut Nukissiorfiit imermik pilersuinermut atortui atorlugit imermik nioqqutissiornermik aamma pilersuinermik ineriartortitsinermut qitiusumik inissisimassaatit. Nukissiorfinnit annertuumik qitiutinneqarpoq erngup pitsaassusia imermillu imerneqartussamik uppernarsaasersukkamik isumannaallisaanerup atorneqarnera aallartisarneqaruttulerpoq. Dokumenteret Drikkevands Sikkerhed (DDS).

Suliaqarfissat pingaarneq Nuummi qullersaqarfimmi inissisimavoq, kisianni naatsorsuutigisariaqarpat sulinermut atasumik annertungaatsiartumik angalasarnissat.

Suliassatit ilaatigut makkuussapput:

  • Imermut imerneqartussamut atortut aamma qerisoornaveersaartitsinermut atortut innaallagiartortut pillugit misissuisarnissamik isumaqatigiissutissanik siunnersuutinik suliaqarneq aammattaaq tamartuma kingornatigut taakkuninnga ataqatigiissaarineq.
  • Sulisut piginnaasaannik aamma ilinniarnissamut pisariaqartitaannik paasisaqarnissamut akisussaaneq kiisalu pikkorissarnissamut pilersaarutinik ingerlatsineq.
  • Erngup imerneqartussap uppernarsaasersukkamik isumannaallisaaneqarneranik Dokumenteret Drikkevands Sikkerhed (DDS)suliffeqarfimmi namminermi misissuisarneq aamma tamatuma atuutsilersinneqarneranut ikiuisarneq.
  • Illoqarfinni aamma nunaqarfinni tamani imermik misissuisarnerup pitsaassusianik qulakkeerinninneq malitseqartitsisarnerlu.
  • Imermut pilersuinermut atatillugu Xellent Drifts- og Vedligholdsmodul-ip atuutsilersinneqarnissaanut akisussaasuuneq.
  • Qalaasseqqusisarnerup ingerlanneqartarneranut akisussaassuseqarneq.
  • Imermut pilersuinermut atortutut pillugit nalinginnaasumik, suleriaaseqarnissamut aamma ilitsersuusiornermik suliaqarneq.
  • Aalisakkanik suliffissuarni aamma avataaneersunik imermik avammut nioqquteqarnissamik kissaateqartut suliarinissaannut akisussaassuseqarneq.
  • Imermik pilersuinermi atortunik ingerlatsinermut aamma aserfallatsaaliuinermut ArcGIS-ip atuutilersinneqarnissaanut akisussaassuseqarneq.

Suleqatissarsiorpugut makkuninnga piginnaasaqartumik:

  • Ingerlaqqiffiusumik illinniagaqartumik (Ingeniøritut, Maskinmesteritut, Cand. Scient.-itut imalt. assingusumik).
  • Imermik pilersuinermik aamma imermik passussisarnermut ilisimasaqartumik.
  • Suliniutinik aqutsinermut PRINCE 2-mik atuisinnaanermik ilisimasaqartumik.
  • Pitsaasumik attaveqaqatigiinnermik allattariarsornikkut aamma oqalunnikkut ingerlatsisinnaasoq kalaallisut aamma danskisut iluaqutaassaaq.
  • Suliffeqarfiup aaqqissuussaanera apeqqutaatinnagu suleqatiginnissinnaasumik.
  • Kalaallit Nunaanni misilittagaqartumik.

Tamatuma saniatigut iluaqutaassaaq Kalaallit Nunaanni pissutsinik ilisimasaqarneq aamma imermik pilersuinermi atortunik ingerlatsisarnermut.

Uagut neqeroorutigisinnaavavut atorfik pissanganartoq aamma allanngorartoq sullivimmi ilumoorsaarnanngitsumik avatangiiseqartumi. Suleqatigiinnut ilaassaatit, takku tassaapput Ingerlatsinermut Pisortap saniagut, ingerlatsinermut siunnersortit katillugit qulingiluat, immikkoortortami aqutsisoq aamma teknisk assistenti ataaseq kiisalu ingerlatsinermi suleqataasoq. Atorfik tassaavoq illit periarfissaqarfissat suliat naammassineqarnissaasa tungaanut sunniuteqarfiginninnissamut.

Atorfeqartitaanermi atugassarititaasut

Akissarsiaqartitsisoqassaaq Kalaallit Nunaanni Naalakkersuisut aamma pineqartup kattuffiata isumaqatigiinniarsinnaatitaasup akornanni isumaqatigiissutit atuuttut tunngavigalugit.

Atorfimmut atatillugu inissiamik innersuussisoqarsinnaanngilaq. Namminersorlutik Oqartussat aqqutigalugit atorfeqarninnut atatillugu inissamik innersuussivigineqareersimaguit, taava atorfimmut atatillugu inissamut innersuunneqarsimasumut pisinnaatitaaffiit pigiinnarneqassapput. Atorfinitsitsineq pissaaq isumaqatigiissuteqarnikkut.

Nukissiorfiit pillugit annertunerusumik paasissutissat takuuk: www.nukissiorfiit.gl.

Atorfik pillugu paasissutissat annertunerusut pillugit saaffiginniffissaq tassaavoq:

Paasissutissat annertunerusut pissarsiarineqassapput Ingerlatsinermut Pisortaq Gert Schmidt Nielsen, e-mailikkut: lg.ti1563302430ifroi1563302430ssiku1563302430n@sre1563302430g1563302430 imaluunniit oqarasuaatikkut uunga (+299) 34 95 00.

Apeqqutit nalinginnaanerusut pillugit Sulisoqarnermut Immikkoortortaqarfik saaffigineqassaaq:

Qinnuteqaat paasissutissat namminermut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit mailikkut lg.ti1563302430ifroi1563302430ssiku1563302430n@rh1563302430, imaluunniit allakkatigut A-tut nassiunneqassapput uunga:

Nukissiorfiit

Issortarfik 3,

Postboks 1080

3900 Nuuk

Qinnuteqaateqarnissamut piffissarititaasoq kingullerpaaq:

Sisamanngorneq 30. Maaji 2019.

Inussiarnersumik qinnuigineqarputit sulisussarsiorluni allagarsiussaq sumi takusimanerlugu.