Illit tassaavit oqarasuaatikkut sullissivimmi suleqatissarput uummaarissoq?

Nukissiorfiit oqarasuaatikkut sullissivimmi suleqataasussamik qiimasumik sullisserusuttumillu suleqataasussanik marlunnik qiimasunik sullisserusuttunillu pissarsiorput suliassai pingaarnerit tassaassallutik sullittakkanik pitsaasumik qanilaartumillu misigisaqartitsisarnissaq.

Ukiuni kingullerni Nukissiorfiit annertuumik allanngortiterneqarput. Tamanna ilaatigut ingerlanneqarpoq sullittakkanik kiffartuussiviup 1. apriili 2014-imi atuutilersumik qitiusumit ingerlanneqalerneratigut aamma sullittakkanik sullissinermi saaffiginnittarfiup Nuummi Qullersaqarfimmi ataatsimoortinneqarneratigut. Tamatumunnga siunertaavoq sullittakkat saaffiginnittut ammasumik, eqaatsumik aamma pikkorissuseqartumik attaveqarfeqartarnissaat.

Illit suliassaqarfitit:
Oqarasuaatikkut sullissivimmi suleqataasutut suliassatit pingaarnerit tassaapput oqarasuaatikkut sullissineq siunnersuinerlu, taamaaliornikkut ilissi ataatsimoorlusi iluarsiissutissaq pitsaanerpaaq angussagassiuk. Pitsaalluinnartumik sullissisarputit, sullisserusussuseqarlutit aamma oqarasuaatikkut sullissineq aqqutigalugu attaveqarneq pikkoriffigalugu. Taamaattumik illit Nukissiorfiit ilisarnaataannik aamma tusaamaneqarnerannik, Nunatsinni suliffeqarfittut nutaaliaasutut, suli ineriartortitsinermi pingaaruteqartutut avammut kiinnertartuussaatit, taakku saniatigut suliffimmi aalajaatsuuneq.

Sullittakkanik sullissinermi suleqataasutut sulinerup kinguneraa ilaatigut illit:
– sullittakkanik tamanik pitsaasumik aamma qanilaartumik sullissisarnissat siunnersuisarnissallu
– sullittakkanik tamanik pitsaasumik misigititsisarnissat, pineqartut eqqortumik aamma pitsaasumik akineqartarlutik
– sullittakkanik sullissinermi ataatsimoortumik saaffiginnittarfiup ineriartortinneqarnera peqataaffigissavat
– sullittakkanik aamma suleqatinut attuumassuteqarnerup pitsaasuunissaanik aamma ajunngitsuunissanik piviusumik sulissutiginneqataassaatit
– Nukissiorfiit ineriartorneranni piviusumik peqataassaatit

Illit ilisarnaatit
Sullittakkanik kiffartuussinermik illit suliaqareersimasuuvutit sullittakkanik sullissinermik pitsaassuseqartumik aamma pitsaasumik sullisserusunneq kajungissutigivat. Sullittakkat sullinneqarnissamut aamma siunnersorneqarnissamut naatsorsuutigisaat naammassiniarlugit illit pikkorissuseqarninnut piumasaqaatit annertuujupput, taamaattumik illit uteriitsuuvutit qiimasuullutillu – aamma aporfissanik naammattuuigaangavit. Qanilaartuuvutit tamatigoortumik aattaveqaqatiginnissinnaavutit aammattaaq sullittakkanik allakkatigut attaveqartoqartartussaammat, naatsorsuutigineqarpoq oqallorissuunissat aamma allallaqqissuunissat – pitsaassaaq kalaallisut aamma danskisut. Allanngortitsisarnermut periareersimaneq aamma ataatsimoortumik isiginnissinnaaneq atorfimmi matumani pingaaruteqartuupput.

Atorfeqartitaanermi atugassarititaasut
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Atorfimmut atatillugu inissaqartitsisoqanngilaq.
Nukissiorfiit pillugit annertunerusumik paasisaqarniaruit, takuuk: www.nukissiorfiit.gl

Atorfimmut tunngatillugu paasissutissat sukumiinerusut pillugit saaffiginniffissaq:
Atorfimmut tunngatillugu paasissutissat sukumiinerusut pillugit Sullissivimmi pisortaagallartoq Naja Johnsen Hard, oqarasuaat +299 80 11 50, mail: lg.ti1560695793ifroi1560695793ssiku1560695793n@hjj1560695793an1560695793

Paasissutissat nalinginnaanerusut Sulisoqarnermut Immikkoortortaqarfimmut, HR-imut, saaffiginnissutigineqarsinnaapput: lg.ti1560695793ifroi1560695793ssiku1560695793n@RH1560695793 imaluunniit +299 34 95 00.

Qinnuteqarfissaq ulloq kinguilleq 10. apriili 2019
Qinnuteqaat tassunga ilanngullugit paasissutissat namminermut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataat allakkatigut A-tut nassiunneqassapput imaluunniit mailikkut uunga: Nukissiorfiit,Postboks 1080, 3900 Nuuk. Oqaloqatigiinnerit pissapput qinnuteqarfik ingerlanerani qaangiutereerpallu.