Illit tassaavit Nukissiorfiit qullersaqarfiani saaffiginnittarfimmi sulisortaassarput ulapporissoq?

Nukissiorfiit qiimasumik aamma sullissillaqqissumik saaffiginnittarfimmiittussamik sulisussarsiorput, taassuma suliarisassaa pingaarneq tassaassalluni sullittakkatsinnik pikkorissuseqartumik aamma qanilaarnermik misigititsinissaq.

Ukiut kingulliit ingerlanerini Nukissiorfiit allanngortitsineq annertooq ingerlappaat. Tamatuma ilaatigut kingunerivaa 1. maaji 2014 aallarnerfigalugu sullittakkanik sullissiviup qitiusumik inissinneqarnera aamma ataatsimoortinneqarnera sullittakkanik sullissisarfimmi Nuummi qullersaqarfimmi inissisimalluni. Tamatumani siunertarineqarpoq sullittakkat ammasumik aamma pikkorissuseqartumik attaveqaqatigiiffigineqartarnissaat. Aqutsisussat qaninnerpaaq tassaassaaq sullittakkanik sullissinermi pisortaq.

Illit suliassaqarfissat

Saaffiginnittarfimmi sulisutut suliassat pingaarnerpaaq tassaavoq isertartutsinnik sullissineq aaamma telefonikkut ullut tamaasa nal. arfineq pingasunit sisamat tungaanut. Pitsaalluinnartumik sullissisarputit sullisserusussuseqarlutit aamma sullittakkanik telefonikkut oqaloqateqartarneq nuannaralugu. Taamaattumik illit Nukissiorfiit ilisarnaataata aamma tusaamaneqarnerata Nunatsinni suliffeqarfittut nutaaliaasutut suli ineriartortinneqarneranni ambassadøriuvutit pingaaruteqartoq.

Saaffiginnittarfimmi sulinerup ilaatigut ilagivaa, tassa illit:

Pulaartorisartakkatta sullinneqarneranut akisussaaffeqarneqSullittakkat oqarasuaatikkut saaffiginnittut pilertortumik aamma qanilaartumik pissuseqarlutit sullinnissaat aamma ornigullutik saaffiginnittut pilertortumik aamma qanilaartumik pissuseqarlutit tikilluaqqusarnissaat

Allakkani tigusisarneq aamma agguaassineq meqqilersuinerlu

Sullittakkanik tamanik pitsaasumik misigisaqartitsinissaq tassa eqqortumik aamma pikkorissuseqartumik akissuteqarfigisarnerisigut

Qitiusumik ataatsimoortumik sullittakkanik sullissiviup ineriartortinneqarneranut peqataaneq

Sullittakkat taamatullu suleqatigisat imminnut pitsaasumik attuumassuteqarnissaannik qulakkeerinninneq sulissutigissallugu

Nukissiorfiit ineriartorneranni piviusumik peqataaneq

Suliassat takkuteriasaartunik suliaqarneq.

Illit ilisarnaatit

Siornatigut saaffiginnittarfimmi/sullittakkanik sullissivimmi suliaqarsimavutit aamma sullittakkanik pitsaasumik ajunngitsumillu sullissinissamik kissaateqarnermik tunngaveqartuullutit. Sullittakkat sullissinermut naatsorsuutigisaat eqqortinniarlugu pikkorissusermut piumasaqaatit annertuujupput, taamaattumik illit uteriitsuuvutit aamma qiimasuullutit – aammattaaq akerlilersorneqaraluaruilluunniit. Qanilaartuuvutit aamma attaveqaqatigiinnermik assigiinngitsunik ingerlatsisinnaavutit, aamma sullittakkat allakkatigut attaveqaqatigineqartarmata, naatsorsuutigineqarpoq illit oqallorissuunissat aamma allallaqqissuunissat – iluassaaq kalaallisut aamma danskisut. Allanngortitsisarnernut piareersimaneq aamma tamakkiisumik isiginnissinnaaneq atorfimmi matumani pingaaruteqarput.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Atorfimmut atatillugu inissaqartitsisoqanngilaq.

Atorfik pillugu annertunerusumik paasissutissat pillugit saaffigineqassaaq:

Sullissivimmi pisortaagallartoq Naja Johnsen Hard, oqarasuaat +299 80 11 50, mail: lg.ti1566437454ifroi1566437454ssiku1566437454n@hjj1566437454an1566437454

Paasissutissat nalinginnaanerusut Sulisoqarnermut Immikkoortortaqarfimmut, HR-imut, saaffiginnissutigineqarsinnaapput: lg.ti1566437454ifroi1566437454ssiku1566437454n@RH1566437454 imaluunniit +299 34 95 00.

Qinnuteqarfissaq ulloq kinguilleq 5. apriili 2019

Qinnuteqaat tassunga ilanngullugit paasissutissat namminermut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataat allakkatigut A-tut nassiunneqassapput imaluunniit mailikkut uunga: Nukissiorfiit,Postboks 1080, 3900 Nuuk. Oqaloqatigiinnerit pissapput qinnuteqarfik ingerlanerani qaangiutereerpallu.