HR-imi assistenti nalunaarsuinermik aamma toqqortassanik suliaqartussaq piffissami killilimmi atorfeqartussaq

Nukissiorfiit HR-Assistentimik Nuummi Qullersaqarfimmut, piffissami killimmi 1. januar 2019 – 30. juni 2019, nalunaarsuinermik aamma toqqortassanik suliaqartussamik pissarsiorput. Atorfik Nuummi Qullersaqarfimi inissisimavoq.

Atorfik immikkoortortaqarfimmi pissanganartumik ineriartorfiusumi aamma arlalitsigut ikaarsaariartornermik ingerlasumiippoq. HR-Assistentip HR-imi atortumik, Mindkey, atuutilersitsiartorneq peqataaffigissavaa, ingammik piffissami ikaarsaariartorfiusumi, suliassat pingaarnerit tassaapput uppernarsaasersuutinik sulisunut tunngasunik nalunaarsuineq aamma toqqortassanik suliaqarneq.

Ilinnut ilanngullutit sulisoqarnermi suliaqartunut suleqataassaatit, taakkua tassaapput HR-imut Pisortaq, Sulisoqarnermut Inatsisileritooq, HR-imut siunnersorti, Ilinniartitaanermut siunnersortit, HR-imut assistent aamma ilinniartoq suleqatigilissavatit.

Illit suliarisartagassatit tassaapput:

  • Sulisut pillugit uppernarsaasersuutinik pigineqareersunik suliffeqarfimmi namminermi nalunaarsuinermut atukkatsinni NukiDoc-imi paasissutissanik immikkoortiterineq
  • Sulisut pillugit uppernarsaasersuutinik NukiDoc-imi inissisimasunik allattukkanik aamma toqqortaatinik nakkutiginninneq
  • Sulisut pillugit paasissutissanik sulisut sumik suliaqarnerannut attuumassuteqartunik nakkutiginninneq
  • Ullormut allagarsianik aamma suliassanik naammassineqareersimasunik toqqarterineq aamma nalunaarsuineq
  • Suliassat allat sulisut pillugu paasissutissanut attuumassuteqartut
  • Suliassanik takkuttartunik suliaqarneq
  • HR-imi atortunik atuutilersitsinermi pitsanngorsaanermut peqataaneq.

Illit piginnaasatit:

  • HK-Assistent
  • HR-imik sammisaqarnermi nalunaarsuinermik aamma toqqortassalerinermi misilittagaqarneq
  • Illit pingaartippat suliaqarninni pitsaassuseq aamma tulleriiaarilluartumik suleriaaseqarputit
  • Ilisimasaqarfigaat aamma pilerigalugu HR-imut atortunik imaluunniit IT-mi atortunik assingusunik ingerlatsinermut aamma ineriartortitsinermut tapertaanissat
  • Isumagissaartuuvutit aamma suleqatigiinni suleqatigiinnissamut piginnaaneqarlutit.

Illit tulleriiaartumik sulineq nuannaraat aamma sulisut pillugu uppernarsaasersuutinik toqqortassanik aamma nalunaarsuinermi suleriaatsinik pilersitsineq aamma pitsanngorsaaneq piginnaasaqarfigalugu. Illit paasisimasaqarfigaat immikkuualuttut pingaaruteqassusiat ulapiffiusumilu ataatsimoortumik isiginnissinnaallutit, taamatuttaaq illit tatiginninnermik pilersitsisuuvutit, tusarnaartuullutik aamma piginnaasaqarfigalugu sulisunik sumi inissisimanerat apeqqutaatinnagu oqaloqatiginnissinnaaneq.

Ateqarfeqartitaanermit atugassarititaasut

Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap isumaqatigiinniarsinnaatitaasup isumaqatigiissutai atuuttut naapertorlugit aalajangersarneqassapput.

Atorfinitsinneqarneq ulloq 1. januar 2019 imaluunniit isumaqatigiissuteqarnikkut.

Atorfimmut atatillugu inissaqartitsisoqanngilaq.

Nukissiorfiit pillugit paasissutissat sukumiinerusut takuuk www.nukissiorfiit.gl.

Atorfik pillugu apeqqutit Sulisoqarnermut Pisortaq Bebiane Boye Hansen, tlf. nr. 34 95 00 imaluunniit mail: lg.ti1557858092ifroi1557858092ssiku1557858092n@ahe1557858092b1557858092 aqqutigalugu attaveqarfigineqassaaq.

Kingusinnerpaamik qinnuteqaateqarfissaq: Pingasunngorneq, ulloq 27. december 2018 nal. 12:00.

Qinnuteqaat tassunga ilanngullugit paasissutissat namminermut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataasa assilineri, maili aqqutigalugu uunga lg.ti1557858092ifroi1557858092ssiku1557858092n@rh1557858092, nassiunneqarsinnaapput imaluunniit allakkatigut uunga: Nukissiorfiit, Postboks 1080, 3900 Nuuk