Bogholderiimut allaffimmi fuldmægtig – Nuummi

Nukissiorfiit Nuummi qullersaqarfitsinnut allaffimmi fuldmægtigissarsiorput pilertornerpaamik imaluunniit isumaqatigiissuteqarnikkut atorfinittussamik.

Suliassat

Bogholderiimut attuumassuteqassaatit, aningaasaqarnermut immikkoortortaqarfimmi, suliassatillu ilaatigut tassaassallutik:

  • Akiliutit nalunaarsorneqartarnissaat aamma sullitat kontuinik ingerlaavartumik nakkutilliineq
  • Aningaaserivimmi kontup aamma akiligassallillu naligiissaartarnissaat
  • Akiligassallit ataatsimoortut nakkutiginissaat aamma naligiissaartarnissaat
  • Akiligassalinnut nukingisaarutit nassiuttarnissaat malitseqartittarnissaallu
  • Akiliisitsiniartarneq aamma toqusimasut pigisaat pillugit suliassat suliarisarnissaat
  • Allaffimmi suliassat takkuteriasaartut

Suleqatissarsiorpugut makkuninnga piginnaasalimmik

  • Suliatigut tulluartumik ilinniagalik
  • Ukiuni 2-3-ni bogholderiimi misilittagalik
  • Marluinnik oqaaseqarneq iluaqutaassaaq
  • Allanngoriasaartoqartillugu piareersimasoq, ilikkapallattartoq aamma nammineerluni sulisinnaasoq
  • Ammasuusoq, akuersaartumik pissusilik aamma pimoorussilluartoq
  • Office sulinermi atortunik atuisinnaasoq aningaasaqarnermullu tunngasunut atortunik ilisimasaqarluartuussalluni. Atortarparput Exellent.               

Neqeroorutigisinnaavavut

  • Suliffik pikkorissusermik malunnaatilik aamma suliffeqarfimmi kulturi aallussilluarfiusoq.
  • Atorfik pissanganartoq annertuumik aalajangeeqataasinnaalluarfiusoq aamma ulluinnarni sulinermut sunniuteqarnissamut periarfissaqartoq.
  • Sullivimmi avatangiisit ulapaarfiusut, tassani illit inuttut aamma suliatigut ineriartornissannut periarfissaqarputit.
  • Ataatsimuussuseq pitsaasoq, tassani sulinermik nuannarisaqarnermik qitiutitsivugut.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Atorfimmut tunngatillugu inissaqartsitsisoqanngilaq.

Nukissiorfiit pillugit sukumiinerusumik paasisaqarit uunga iserlutit www.nukissiorfiit.gl.

Atorfik pillugu paasissutissat sukumiinerusut pissarsiarineqarsinnaapput Hanne Kleinschmidt Jensen lg.ti1568980749ifroi1568980749ssiku1568980749n@jka1568980749h1568980749 saaffiginninnikkut imaluunniit telefonikkut: (+299) 34 96 35.

Apeqqutit ataatsimut paasissutissanut tunngasut pillugit uunga saaffiginnittoqassaaq:

Sulisoqarnermut Immikkoortortaqarfik, hr@nukissiorfiit.gl imaluunniit tlf. (+299) 34 95 00.

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut uppernarsaatit aamma suliffigisimasanit oqaaseqaatit assilineri allakkatigut A-tut imaluunniit e-mailitut nassiunneqassapput uunga:

Nukissiorfiit

Postboks 1080

3900 Nuuk,

e-mail: HR@nukissiorfiit.gl

Qinnuteqaateqarfissaq kingullerpaaq: Marlunngorneq 21. maj 2019.

Inussiarnersumik qinnuigineqarputit sulisussarsiorluni allagarsiissut sumi takusimanerlugit ilisimatitsissutigissagit.