ALLANGARSIUTEQQITAQ Nukissiorfiit GIS-imik Ingerlatsinermut Siunnersortimik sulisussarsiorput

Illit Nukissiorfiit GIS pillugu iliuusissatut pilersaarutaa 2018-2021 aallaavigalugu isumassarsiat aamma kissaatigisat atorneqarsinnaasunngortinneqarnerannut peqataasinnaavit?

Nukissiorfiit Ingerlatsinermut Siunnersortimik pikkorissumik GIS-imut tunngasumut sulisussarsiorput, GIS teknologiinik suliaqarnermik misilittagaqarsimasumik. GIS-imut tunngasutigut Ingerlatsinermut Siunnersortitut ilaannikkut sullissinermut tunngasunik suliaqartoqartarsinnaavoq kiisalu GIS pillugu ilitsersuinermik ikiuinermillu suliassaqartassalluni.

Tamakku illit soqutigisinnaagukkit periarfissaqarputit atorfik una pissanganartoq atorfigilissallugu, atortuni sammineqartartunik tamanik suliaqartarnissamut periarfissartalik.

Kikkuuvugut?

Nukissiorfiit nukissiamik pilersuinermik ingerlatsisuuvoq anguniagaavorlu ullut tamaasa tutsuiginartumik nukissiamik avatangiisit eqqarsaatigalugit inuiaqatigiinnut pilersuinissaq.

Kalaallit Nunaat tamakkerlugu atuisunut amerlanerpaanut imermik, innaallagissamik aamma kiassaanermik nioqqutissiorneq aamma siaruarterineq akisussaaffigaarput, tamannalu ilutigalugu suliffitsinnut attuumassuteqartunik sanaartugassanik sanaartortitsisartuulluta.

Atorfiup imarisaa

Ingerlatsinermut Siunnersortitut Nukissiorfiit GIS-imut atortuinik ineriartortitsiuarnissami qitiusumik inissisimassaatit, atortut Kalaallit Nunaanni illoqarfinni nunaqarfinnilu tamani ingerlatsinermut aamma aserfallatsaaliuisarnermut iluaqutaasunut ilaasut.

Atorfimmi suliassat ilaatigut tassaapput Nukissiorfiit GIS-imi innaallagissamut aqqutinut atortut pillugit suleriaatsit digitalisererneqarnissaannut siunnersuusiortarnissaq. Aammattaaq nalinginnaasut, periutsit aamma GIS-imut ilitsersuutinik suliaqartarnissaq pitsanngorsaasarnissarlu, tassunga ilanngullugu uppernarsaasersuutinik suliaqarnermut ilitsersuut kiisalu Nukissiorfinni sulisunik ilinniartitsisarnermut tapertaaneq.

Pingaarnertut suliffigisassavat Nuummi qullersaqarfik, kisianni Kalaallit Nunaat tamakkerlugu angalasarnissamut periarfissaqartinneqassaatit.

Illit ilaatigut Geocortex aamma ArcGIS Onlinemik aaqqiinernut (konfiguration) akisussaaqataassaatit, innaallagissamut aqqutit datanik aserfallatsaaliuisarneq aamma nutarterisarneq kiisalu suliassat takkuteriasaartut datanik misissuisarnermut tunngasunik datanillu nuutsitsisarneq.

Nukissiorfiit GIS pillugu iliuusissatut pilersaarutaa 2018-2021 aallaavigalugu suliffeqarfimmi immikkoortortaqarfinni sumiinneq nunallu immikkoortuani sumiinneq apeqqutaatinnagu suleqatigiippugut atuinermi aaqqiissutissanik pitsaanerpaanik ajornannginnerpaanillu pissarsiniarluta.

Qitiusumik programit suliassatsinnik aaqqiinissamut atortugut tassaapput ArcMap, ArcGIS Server, ArcGIS Online, Geocortex aamma FME.

Illit suliassatit ilaatigut makkuussapput:

  • Nukissiorfiit GIS pillugu iliuusissatut pilersaarutaanik atuutilersitsinermut peqataaneq
  • Nukissiorfiit uppernarsaasersuisarnermut atortui pillugit ineriartortitsinermut suliniutinik aqutsineq
  • Atortunut aqutsisoq peqatigalugu avataaneersunik siunnersortinut attaveqartarnerup taamaaginnartinnissaanut, ineriartortinneqarnissaanut aamma ataqatigiissaarnissaanut peqataaneq
  • Nukissiorfiit uppernarsaasersuisarnermut atortuinik teknologiitigut ineriartortittuarnissaanut peqataaneq
  • Suliffeqarfiup ajutoornissamik pitsaaliuinermut pilersaarutaata atorneqaleriartorneranut aamma ineriartortinneqarneranut peqataaneq
  • Siunnersuisarneq aamma ilitsersuisarneq Nukissiorfinni ingerlatsinermi sulisut suliatigut ineriartortinneqarnissaannut atatillugu
  • Suliffimmi suleriaatsinik ineriartortitsisarnermi/pitsanngorsaanermi peqataaneq
  • Sanaartornermi suliniutit pillugit teknikikkut oqaaseqaateqartarnermi aamma pitsaassutsimik qulakkeerinnittarnermi peqataaneq
  • GIS pillugu suliatigut tassunga attuumassuteqartup ataatsimiititaliap qaammatit tamaasa ataatsimiittarnerani peqataasarneq.

 

  • Kinaavit? Illit GIS teknologimik misilittagaqartuuvutit, tassunga ilanngullugu ArcGIS platformi aamma datawarehouse aamma Xellent iluaqutaassapput nammineerlutillu sulisinnaallutit.
  • Ammasuuvutit aamma suliffeqarfimmi sumiinneq suliatigullu qanoq qaffasitsigisuuneq apeqqutaatinnagit suleqatigiissinnaassuseqartuuvutit.
  • Illit imminnut ataqatigiissaartuni nutaani GIS-imik atuinissaq soqutigisaraat GIS-illu atuisunut ajornanngitsuutinnissaa
  • Illit suleqatigiikkuutaani peqataalluarsinnaavutit aaqqiissutissanillu nutaanik atuutilersitsinissamut nammineq akisussaaffeqarnissaq tunuarsimaffiginngivillugu
  • Oqalunnikkut aamma allattariarsornikkut attaveqatigiinnissamut pitsaasunik piginnaaneqartuuvutit
  • Suliniutinik aqutsinissamut ilisimasaqartuuvutit
  • Illit tamanik malinnaasinnaanissamut malinnaajuarnissamullu piginnaaneqarputit kiisalu ataqatigiissaarisartuullutit
  • Kalaallit Nunaanni suliassanik naammassisaqartarneq immaqa misilittagaqarfigaat
  • Ingerlaqqiffiusumik tulluartumik ilinniagaqartuuvutit, soorlu assersuutigalugu ingeniøritut, installatøritut, maskinmesteritut imaluunniit allamik teknikikkut ilinniagaqarnermik
  • Nukissiamik pilersuinermik suliaqarnissamut piukkuttuuvutit

Ilinnut neqeroorutigisinnaavarput atorfik pissanganartoq, assigiinngiiaartunik aamma unamminartunik suliaqarfiusoq sullivimmi avatangiisini ilumoorsaarnanngitsuusuni. Suleqatigiinni ilaassaatit Ingerlatsinermut Pisortamut akisussaaffeqarlutit, taassuma saniatigut ingerlatsinermut siunnersortinik katillugit quliusuusunik, atortunut ataqatigiissaarisartumik aamma teknikimut assistentimik ilaqartut. Atorfik illit sunniuteqarfigisinnaasat suiassat aallaqqaataanniit naammassineqarnissaata tungaannut malinnaaffigisassallugit.

Atorfeqartitaanermi atugassarititaasut

Atorfinitsitsisoqassaaq Naalakkersuisut aamma kattuffiup attuumassuteqarfigisap akornanni isumaqatigiissutaat atuuttut tunngavigalugit.

Atorfimmut atatillugu inissamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnini tunngavigalugu atorfimmut atatillugu ineqartinneqaruni, atorfimmut atatillugu inimut innersuussamut pisinnaatitaaffia atuutiinnassaaq.

Atorfinitsitsineq pissaaq qaammatini pingasuni misilinneqarluni. Atorfinitsitsisoqassaaq isumaqatigiissuteqarneq tunngavigalugu.

Nukissiorfiit pillugit paasissutissat sukumiinerusut, takuuk: www.nukissiorfiit.gl

Atorfik pillugu paasissutissat sukumiinerusut pillugit saaffiginnittoqassaaq uunga:

Paasissutissat sukumiinerusut uunga saaffiginninnikkut pissarsiarineqarsinnaapput, Immikkoortortami Aqutsisoq Hans Pirupshvarre, e-mail: lg.ti1542345490ifroi1542345490ssiku1542345490n@pna1542345490h1542345490 imaluunniit telefonikkut saaffiginninnikkut tlf. (+299) 34 95 85.

Apeqqutit nalinginnaanerusut Sulisoqarnermut Immikkoortortaqarfimmut saaffiginnissutigineqarsinnaapput.

Qinnuteqaat tassunga ilanngullugit paasissutissat ilinnut tunngassuteqartut (CV), ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput uunga: lg.ti1542345490ifroi1542345490ssiku1542345490n@neg1542345490niled1542345490fa-RH1542345490 imaluunniit allakkatigut A-tut nassiunneqassapput uunga:

Nukissiorfiit

Issortarfik 3

Postboks 1080

3900 Nuuk

Qinnuteqarfissaq kingullerpaaq:

Sisamanngorneq 11. Oktobari 2018.