ALLAGARSIUTEQQITAQ: Business Controllerissarsiorpugut

Pimoorussisumik niuernermillu ingerlatsinermut soqutiginnittumik Business contollerinut immikkoortortaqarfitsinnut Business Controllerimik/Business partnerimik sulisussarsiorpugut. Immikkoortortaqarfik Nuummi qullersaqarfimmiittuuvoq.

Nukissiorfiit Namminersorlutik Oqartussanit pigineqarluni innaallagissamik, kiassaanermik, imermik nuna tamakkerlugu pilersuisuupput, 365-inik sulisoqarluni, taakkunannga 80-it miss. qullersaqarfimmiittuullutik. Business controllerinut immikkoortortaqarfik Aningaasaqarnermut Pisortamut akisussaaffeqartuuvoq immikkoortortaqarfillu aningaasaqarnermut immikkoortortaqarfimmut ilaalluni. Business controllerinut immikkoortortaqarfik pingasunik sulisoqarpoq illillu ilanngukkuit sisamanngussallutik. Controllerinut pisortamut illit akisussaassuseqassaatit.

Nukissiorfiit niuernikkut ineriartortitsinerup pissanganartup qeqqaniipput, tassani pilersinneqassapput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatuma ilaatigut kinguneraa software robottinik, RPA, atuilerneq suliassanik immikkut toqqarneqartunik automatiskiusumik ingerlatsisussat. Tamakku saniatigut sulinitsinni dynamisk forecast atorparput, Business Intelligence annertunerusumik atulerlugu, Big Data analyse aallartillugu allarpassuillu.

Immikkoortortaqarfik aammattaaq systemimik piginnittuuvoq akisussaaffigalugillu Nukissiorfiit ERP-systemianik Xellentimik ineriartortitsinissaq, taanna Axapta/AX 2009-ip assigipajaarpaa. Missingersuusiortarnermut aamma Business Intelligencemut atorneqartarpoq IBM Cognos BI/TM1, taassuma siunissami atornerusalernissaa ilungersuutaralutigu.

Business controllerit qulaani allassimasut suliassat saniatigut Nukissiorfinni immikkoortortaqarfinnut allanut aammattaaq business partneriupput. Business partnerip immikkoortortaqarfiit ikiortarpai suleriaatsinik pitsanngorsaanissaannik kiisalu aningaasatigut pitsaassutsimik qulakkeerinninnissaannut business cases atorlugit.

Atorfimmi suliassat
Business controlleritut/business partneritut ilaatigut suliassatit makkuupput:
– Immikkoortortaqarfinnut allanut Business partneriunissaq, tassani illit immikkoortortaqarfiit peqatigalugit aningaasaqarnermut suliassanik suleriaatsinillu pitsanngorsaassallusi
– Softwarerobottinik ikkussisarnermut programmeeriisarnermullu akisussaaffeqarneq, taakku pisarneq malillugu suliassaasunik automatiskiusunngortitsinermut atorneqartarput
– Aqutsisut nalunaarusiaannik suliaqartarneq, tassunga ilanngullugit aningaasaqarnermi misissueqqissaarnerit aamma pisortamut allakkiortarneq naalakkersuisoqarfimmullu
– Suliffeqarfiup missingersuutaanik suliaqartarnermik pitsanngorsaaneq kiisalu akitsuutinik akigititanillu naatsorsuisarneq
– Niuernermut tunngasut toqqakkat controllerertarnissaat aamma pitsanngorsaaneq siunertaralugu ingerlatsinermut misissueqqissaarnernik suliaqartarneq
– Avataanut tuniniaaneq pillugu ineriartortitsinissamut misissueqqissaarnermik suliaqarneq aamma ataavartumik nukissiap atorneqarnerulernissaa pillugu
– Suleriaatsinik malinnaatitsineq aamma ineriartortitsineq.

Ulluinnarni illit suliffeqarfimmi tamarmi attaveqartartussaavutit amerlasuunut kiisalu pisortaq suleqatigilluartussaallugu. Immikkut ittunik piginnaasaqareeruit tamakku atorneqarsinnaassapput, tassami suliffeqarfimmi ineriartorneq ingerlanneqarmat periarfissaqarluassaaq illit nammineq atorfimmi suliassanut sunniuteqarnissat.

Piginnaasatit
Atorfimmut aamma illit iluatsitsinissanut iseriarfissat arlaqarput kisianni aallaavigineqarpoq illit business controlling-imi annertuumik misilittagaqartuunissat. Tamatumunnga ilanngullugit naatsorsuutigineqarpoq illit naatsorsueqqissaarnermut piginnaasaqarnerit aamma suliassat naammassineqarnissaannut niuernerpalaartumik isiginnittuunerit. Tamakku saniatigut qinnuteqaateqartoq RPA-mik misilittagaqartoq tulluarluinnassaaq. Tamakku saniatigut pingaartipparput illit makkuninnga tulliuttunik piginnaasaqaruit:

– Ingerlaqqiffiusumik aningaaqarnermut tunngasumik kandidatitut ilinniagaqartuunerit
– Atorfimmit assingusumit misilittagaqarnerit
– Flowdiagramimi suleriaatsinik nassuiaatit ilisimasaqarfigigitit
– ERP-systemimik ilisimasaqarluartuunerit, ingammik AX 2009-mik
– IBM Cognos BI/TM1 ilisimasaqartuunerit, IT-mik atuisutut sungiussisimasuunerit, ingammik Excelimik
– Aaqqissuussilluarlutit suleriaaseqartuunerit mikisualuit pingaassusiannik ilisimasaqarluarlutit aamma allallaqqissuusuusutit
– Niuernerpalaartumik isiginneriaaseqartutit aamma naammassisaqarnissaq siunertaralugu suleqatiginnittartutit
– Ataatsikkut arlalippassuarnik suliaqartarnissat sapigaqarfiginngikkit
– Kalaallit inuiaqatigiinnut ilisimasaqartuuneq aamma kalaallisut danskisullu oqalussinnaassuseqartuuneq iluaqutaassaaq.

Atorfeqartitaanermi atugassarititaasut aamma paasissutissat sukumiinerusut
Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit atuuttut tunngavigalugit ingerlanneqassapput. Atorfinitsinneqarnermut atatillugu angalanermut aamma pequtit nuunneqarnerannut akiliussisoqassaaq kiisalu ukiut pingasut ataannartumik atorfeqareernerup kingornatigut inoqutigiit tamarmik angerlarnerannut akiliunneqassapput, qitornat 18-it inorlugit ukioqartut ilanngullugit. Atorfimmut atatillugu inissiamik innersuussisoqarsinnaanngilaq, kisianni qinnuteqaateqartoq Namminersorlutik Oqartussat aqqutigalugit atorfeqarnerminut atatillugu inissamik innersuussivigineqareersimaguni, taava atorfimmut atatillugu inissamut innersuunneqarsimasumut pisinnaatitaaffini pigiinnassavai. Nukissiorfiit pillugit paasissutissat sukumiinerusut, takuuk: www.nukissiorfiit.gl, tassa atorfimmut tunngatillugu paasissutissat sukumiinerusut Controllerchef Jens B. Jessen tlf. nr. (+299) 34 95 00 imaluunniit e-mail: lg.ti1542701038ifroi1542701038ssiku1542701038n@jbj1542701038 saaffigalugu pissarsiarineqarsinnaammata.

Kingusinnerpaamik qinnuteqaateqarfissaq tassaavoq ulloq 10. Septemberi 2018
Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit e-mail aqqutigalugu uunga: lg.ti1542701038ifroi1542701038ssiku1542701038n@rh1542701038 imaluunniit allakkatigut A-tut uunga: Nukissiorfiit, Postboks 1080, 3900 Nuuk, nassiunneqassapput.