Innaallagissamik kiassaaneq

Kiassaaneq innaallagiartortoq tassaavoq kiassaanernut innaallagissamik toqqammavilinnut ataatsimut taaguut

Illoqarfinni ukunani erngup nukinganik nukissiuutilinni Nuummi, Sisimiuni, Qaqortumi, Narsami aamma Ilulissani taamaallaat kiassaaneq innaallagiartortoq atorneqarsinnaavoq. Tassunga peqqutaavoq kiassaanerup innaallagiartortup siunertarimmagu nukiit ataavartut, tassalu nukiit sipporuttut atorlugit innaallagissap kiassaanermut atorneqarnissaa. Tasiilami erngup nukinganik nukissiorfimmi pisinnaasaq annikippallaarpoq sumiiffimmi kiassaanerup innaallagiartortup atorneqarnissaata neqeroorutiginissaanut.

Innaallagissamik kiassaaneq

Innaallagissamik kiassaariaatsit assigiinngitsut marluupput:

  • Innaallagissamik kiassaaneq aalajangersimasoq: Sullittakkani innaallagissamik aalajangersimasumik kiassarneqartuni kiassaatit innaallagissamik kiassarneqartut ikkunneqarsimassapput imaluunniit uunnaavissuaq innaallagissamik kiassarneqartoq (elektrokedel) imermik kiassaatinut nalinginnaasunut kissaasartoq, taamatuttaaq imermut illup iluani atugassamut uunnaavik innaallagissamik kiassarneqartoq napparneqarsimassapput.
  • Innaallagissamik qaminneqarsinnaasumik kiassaaneq: Sullittakkani innaallagissamik qaminneqarsinnaasumik kiassarneqartuni kiammut nioqqutissiarineqartumut aallaaviuvoq imermik nukissiorfimmit innaallagiaq, kisianni aammattaaq kiak uulia atorlugu nioqqutissiarineqarsinnaavoq tassa imermik nukissiorfimmit kiak nioqqutissiarineqartoq amigarpat. Taamaattumik kiassaaneq taamaattoq taaneqartarpoq innaallagissamik kiassaaneq qaminneqarsinnaasoq. Teknikkimut tunngatillugu inissiani innaallagissamik qaminneqarsinnaasumik kiassarneqartuni nalinginnaasumik uunnaavissuaq innaallagissamik kiassarneqartoq (elektrokedel) kiassaateqarfinni/uuliamik kiassarneqartuni pioreersuni attavilerlugu ikkunneqartarpoq. Tamatumunnga ilutigitillugu uunnaavissuit uulia atorlugu kiassarneqartut (oliekedler) sillimmatitut pigineqaannartarput. Innaallagissamik qaminneqarsinnaasumik kiassaaneq kiassaanernit allanit atorneqartunit akikinnerulaarpoq.

Innaallagissamik kiassaanermut qinnuteqaat

Innaallagissamik kiassaanermik atuinissat soqutigigukku taava nunap assingi misissukkit, tassa Nukissiorfiit sumiiffimmi illit najugaqarfigisanni innaallagissamik kiassaanermik nioqquteqarnersoq takuniarlugu.

Qinnuteqaateqarnissamut immersugassaq una immersorneqassaaq innaallagissamik kiassaanermik atuisunngornissat kissaatigigukku.

Ingerlaqqiffik uunga ungasianit kiassaanermik atuilernissamut qinnuteqaat immersugassaq

Ikioqquniarlutit nangaassuteqarnak Kiffartuussivimmut saaffiginnissinnaavutit.

Innaallagissamik qaminneqarsinnaasumik kiassaanermik ikkussuineq aamma atuineq pillugit immikkuualuttut amerlanerit uani atuarsinnaavatit.

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542147443ifroi1542147443ssiku1542147443n@eci1542147443vrese1542147443dnuk1542147443.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.